On February 10, 2019 by Tehorsonam   No comments
དགུང་ལོ་བརྒྱད་ཅུ། རྟེན་འབྲེལ་གྱི་མེ་ཏོག་འབུལ།
 
                                     __སྲོང་བཙན།

སྙིང་ནས་དད་པའི་མེ་ཏོག་འཛུམ་པ་ཡིས།།
དགའ་གུས་དད་གསུམ་ལོ་འདབ་ཡོངས་སུ་གྲོལ།།
མགོ་བོའི་ཕྱག་གིས་ཞབས་རྡུལ་གཙུག་ན་བླངས།།
མགོན་ཁྱོད་མི་ནུབ་བསྐལ་བརྒྱར་བཞུགས་སུ་གསོལ།།

མ་ཤེས་རྨོངས་པའི་གོམ་ཁ་འཁྱར་འཁྱོར་ལ།།
ལམ་དུ་འདེད་པའི་སེམས་པ་རབ་ཏུ་བསྐྱེད།།
གང་ན་ནོར་བའི་ཕྱོགས་ལ་ལམ་སྟོན་པ།།
སྙིག་དུས་འདི་ན་བསྐལ་བརྒྱར་བཞུགས་སུ་གསོལ།།

ཁ་མཁས་ཚིག་སྙན་ངོ་སྲུང་བྲག་གི་རིར།།
ཇི་བཞིན་བདེན་པ་སྨྲ་བའི་ཕུར་གྱིས་བཏབ།།
དྲང་ལ་བདེན་པ་སྐྱོང་བའི་སེམས་པ་ཁྱོད།།
མགོན་ཁྱོད་མི་ནུབ་བསྐལ་བརྒྱར་བཞུགས་སུ་གསོལ།།

ཤེས་རློམ་ཟོག་པོ་འབར་མའི་མེ་ཕུང་ལ།།
ཀུན་གྱི་གྲ་མཐར་འཛིན་པའི་ཆུ་བོ་བཤོས།།
ང་རྒྱལ་མགོ་བོ་བཏུབ་པའི་དཔའ་བོ་ཁྱོད།།
མགོན་ཁྱོད་མི་ནུབ་བསྐལ་བརྒྱར་བཞུགས་སུ་གསོལ།།

འདོད་ཆེན་ཆུ་སྲིན་འཁྲོས་པའི་རྒྱ་མཚོའི་ཀློང་།།
ཆོག་ཤེས་གྲུ་ཆེན་རླུང་གིས་ཕ་རོལ་སོན།།
འགྲོ་ཀུན་སྒྲོལ་ལ་མཁས་པའི་དེད་དཔོན་ཁྱོད།།
མགོན་ཁྱོད་མི་ནུབ་བསྐལ་བརྒྱར་བཞུགས་སུ་གསོལ།།

ཀུན་ལ་བྱམས་པའི་ཆར་སྤྲིན་ལིང་ལིང་རྡིང་།།
ཐུགས་རྗེ་སྦྲང་ཆར་སིལ་མ་ཟིལ་ཟིལ་བསྙིལ།།
རང་རྒྱུད་གྱོང་པོར་རློན་གྱིས་བརླན་མཁས་པ།།
མགོན་ཁྱོད་མི་ནུབ་བསྐལ་བརྒྱར་བཞུགས་སུ་གསོལ།།

མཁས་མང་བརྒྱ་ཕྲག་དབུས་ན་གཡུ་རལ་གཟེངས།།
ལོག་པའི་སྨྲ་ངན་འཇོམས་པའི་མཆེ་སྡེར་རྣོ།།
རྒྱལ་བའི་དགོངས་དོན་ཇི་བཞིན་འཆད་ལ་དཔའ།།
མགོན་ཁྱོད་མི་ནུབ་བསྐལ་བརྒྱར་བཞུགས་སུ་གསོལ།།

རྣམ་དག་ཚུལ་ཁྲིམས་གསེར་གྱི་ས་གཞི་ལ།།
མདོ་བརྒྱུད་སྡེ་སྣོད་ས་བོན་སྨིན་པ་ཡི།།
བསླབ་གསུམ་ལྗོན་པའི་འདབ་ལོ་བར་སྣང་བསྲིངས།།
མགོན་ཁྱོད་མི་ནུབ་བསྐལ་བརྒྱར་བཞུགས་སུ་གསོལ།།


____རྒྱུད་སྨད་མཁན་ཟུར་དང་། སེར་བྱེས་མཁན་ཟུར། སྲད་བརྒྱུད་མཁན་ཟུར་བཅས་ཀྱི་མཚན་བཟང་གི་ཅོད་པན་འཆང་བའི་རྗེ་བཙུན་བློ་བཟང་བདེ་ལེགས། མཚན་གཞན་དགེ་བཤེས་དབུ་མ་འཇུག་པ་གང་ཉིད་འདི་ལོ་དགུང་ལོ་བརྒྱད་ཅུ་ཕེབས་པ་དང་བསྟུན། ཕྱི་རྒྱལ་དུ་བཞུགས་པའི་དགེ་ཕྲུག་རྒན་པ་ཚོས་འགོ་ཁྲིད་ཅིང་རྒྱལ་ཕྱི་ནང་གི་སློབ་མ་ཚོས་སྙིང་གི་རུས་ནས་བརྟན་བཞུགས་འབུལ་རྒྱུ་ཡང་ཡང་གསོལ་བ་བཏབ་ཅིང་། ཞལ་བཞེས་བཟང་པོ་ཐོབ་ནས་དེ་རིང་ཞོགས་པར་བརྟན་བཞུགས་འབུལ་ལམ་ཞུས་སོང་། གུས་པ་ཡང་རྒན་རིན་པོ་ཆེའི་ཞབས་རྡུལ་སྤྱི་བོས་བླངས་ཏེ་འགོ་བསྡུས་གྲྭ་ནས་བཟུང་སྟེ་གསུང་གི་བདུད་བརྩི་མྱོལ་སྐལ་ཐོབ་པའི་སློབ་བུ་ཞིག་ཡིན་སྟབས་དགའ་དད་སྤྲོ་གསུལ་གྱིས་བརྟན་བཞུགས་སུ་བཅར་ནས་རང་ནུས་གང་ཡོད་ཀྱིས་སྨོན་ལམ་བཏབ། མིང་མཐར་མཆི་མས་གང་བཞིན་རྒན་རིན་པོ་དགུང་ལོ་བརྒྱད་ཅུ་ཕེབས་པའི་རྟེན་འབྲེལ་གྱི་སླད་དུ་སྙན་ཚིགས་ཤོ་ལོ་ཀ་བརྒྱད་ཨུ་ཚུགས་ཀྱིས་བྲིས་ཤིང་། ད་དུང་ཡང་སྐུ་ཚེ་ཡུན་ཏུ་བརྟན་པའི་སྨོན་ལམ་གང་ནུས་འདེབས་ཁུལ་བྱས་པས་དེ་བཞིན་འགྲུབ་པའི་སྐྱབས་འཇུག་མཆོག་གསུམ་རྒྱལ་བ་རྒྱ་མཚོར་ཞུས་པ་ལགས།།






On December 24, 2018 by Tehorsonam   1 comment

 
      •  མིང་། འབྲི་ཆུ།
      • རྩོམ་སྒྲིག་པ།  ཁམས་པའི་སྨྱུག་ཚོགས།
      • འདོན་ཐེངས། གསུམ་པ།
སྔོན་གླེང་།
ཆུ་བཞི་གཡུ་འབྲུག་ཐང་དུ་རྒྱུགས་འདྲ། སྒང་དྲུག་སེང་གེ་གནམ་ལ་སྙེགས་འདྲའི་དབུས་ན། སྟག་དམར་ཡག་ལྟ་བུའི་རྩལ་དྲུག་འཛོམས་ཤིང་། བྱ་ཁྱུང་ཆེན་འདྲ་བ་གནམ་འཕང་གཅོད་པའི་མདོ་སྟོད་མགོ་ནག་མིའི་ཆོལ་ཁར་སྲིད་པར་བཟུང་ཞིང་། མི་རིགས་ཀྱི་ལ་རྒྱ་དང་། རུས་ཀྱི་དམ་ཚིག་སྲོག་ལས་གཅེས་པའི་ཁམས་པའི་གཞོན་སྐྱེས་ཁྱུ་ཞིག་གིས། མེས་པོ་གོང་མ་ཚོས་མི་རིགས་དང་རིག་གཞུང་། རྒྱལ་ཁབ་ཀྱི་ཆེད་དུ་མི་རོའི་བམ་ཐང་བཀྲམས། ཟུངས་ཁྲག་གིས་ཡུར་ཆུ་ཕབས་ཤིང་། ཁྲག་དམར་གྱིས་སྦག་པའི་མདའ་གྲི་མདུང་གསུམ་དུས་ཀྱི་ཁུག་པ་ཞིག་དང་བསྟུན་ནས། སྨྱུ་གུའི་རྣམ་པར་བསྒྱུར། མི་རིགས་ཤིག་གི་འདས་མ་ད་གསུམ་གྱི་ལོ་རྒྱུས་དང་འགན་ཁུར་ལ་བསམ་གཞིག་གི་རི་མོ་སྙིང་ལ་བཀོད། ལ་རྒྱའི་དབུ་འཕང་དགུང་དུ་བཏེགས། འོད་གོར་གྱིས་བསྐྲུན་པའི་མདུན་ལམ་ལ་བསམ་ནས། ཕྱི་ལོ་༢༠༡༢ ལོར་གནས་མཆོག་མི་འགྱུར་རྡོ་རྗེ་གདན་དུ་འདུ་འཛོམས་ཐེངས་དང་པོ་བྱས། དེ་ནས་རིམ་གྱིས་བརྡ་འཕྲིན་འཕེལ་རིམ་དང་བསྟུན་ནས་ཁམས་པའི་སྨྱུག་ཚོགས་ཞེས་པའི་དྲ་ཚོམས་བཙུགས། དེ་ཡང་མགོ་ལ་ཨོཾ་དང་འདབས་ལ་ཧཱུཾ་ཞེས་པའི་དཔེ་ལྟར། ཚོགས་པར་རྒྱུན་ལས་བསྐོ་བཞག་དང་སྒྲིག་གཞི་གཏན་འབེབས་བྱས་ཏེ། དེང་ཆར་སྐབས་བཅུ་གཅིག་པའི་རྒྱུན་ལས་ཀྱི་ལས་ཐོག་རེད། དུས་ཡུན་དེའི་རིང་བོད་ཕྱི་ནང་ན་བཞུགས་པའི་རྩོམ་རིག་མཁས་པ་དག་གདན་ཞུ་དང་གཏམ་བཤད་གོ་སྒྲིག་བྱས་པ་མ་ཟད། ཟླ་རེ་བཞིན་ཚོགས་མི་ནང་ཁུལ་ནས་གནད་དོན་འགང་ཆེན་གང་ཞིག་གི་ཐོག་ཏུ་བགྲོ་ཞིང་མོལ།
(འབྲི་ཆུ་)ཞེས་པའི་ཆེད་དེབ་གསར་འདོན་གྱིས་དེབ་དང་པོ་དཔྱད་བརྗོད་རྩོམ་ཡིག་དང་། གཉིས་པ་སྙན་རྩོམ་གྱི་ཚོམས་བུའི་འཇའ་རིས་སྲིད་པའི་རྒྱན་དུ་འདྲེན་པ་ནི་འདས་པའི་བྱུང་རབས་རེད།

ད་ལན་ཆེད་དེབ་གསུམ་པ་འདི་ནི་དཔྱད་རྩོམ་དང་སྙན་རྩོམ་ཟུང་དུ་འབྲེལ་ཞིང་། ཚོགས་མི་མཁས་པ་ཚོའི་རིག་པའི་ཀློང་ལས་བརྡོལ། ངག་གི་འགྱུར་ཁུག་ལས་བབས། སོར་མོའི་འདུ་བྱེད་ལས་འཁྲུངས་པའི་གཞལ་བྲལ་ནོར་བུའི་ཆུན་པོ་ཞིག་ཡིན་ཡང་། སྤྱིར་ངེད་རྒྱུན་ལས་གསུམ་ལུས་ངག་ཡིད་གསུམ་ལྐུག་ཅིང་། ལྷག་པར་༸གོང་ས་མཆོག་གི་གསུང་ཆོས་དང་ཁེལ་བས་དུས་ཚོད་ཛ་དྲག་ནང་ཟླ་བ་གཅིག་ཙམ་གྱི་ནང་དུ་རྩོམ་ཡིག་བསྡུ་རུག་དང་། ཞུ་དག། དེབ་གཟུགས་སྒྲིག་རྒྱུ་སོགས་ཆ་ཚང་བྱ་དགོས་ཐུག་པས་ཕྱོགས་གང་ས་ནས་ཉེས་སྐྱོན་གྱི་ཕུང་པོ་ཞིག་ཏུ་འགྱུར་ཡོད་ངེས་ན། ཚོགས་མི་རྣམ་པས་དབུས་གཟུར་གནས་མཁས་དབང་རྣམས་ལ་བཟོད་གསོལ་ཞུ་རྒྱུ་ཡིན།
མཐའ་དོན།  བོད་རྒྱལ་ལོ།།
སྐབས་བཅུ་གཅིག་པའི་རྒྱུན་ལས་ནས་༢༠༡༨ /༡༢ /༣ ཉིན་བྲིས།
On December 23, 2018 by Tehorsonam   1 comment



<<མར་མེ་རང་འབར།>>ཚང་སྒོར་བུད་པ།

1
 ཐོག་མའི་སེམས་བསྐྱེད།

     བློ་མིག་ལ་ཤེས་རབ་ཀྱི་སྤྱན་ཐོགས་ཤིང་།  ཕྱི་ནང་ཉེ་རིང་ཀུན་ཏུ་གནས་འཆའ་བའི།  བོད་མི་རིགས་ཀྱི་སྐྱེ་འགྲོ་ཀུན་ལ། སྒོ་གསུམ་ཞབས་སུ་བཏུད་དེ། ཁྱི་ལོ་གསར་པར་བཀྲ་ཤིས་བདེ་ལེཊ་ཞུ་བ་དང་ཆབ་ཅིག   ང་ཚོ་ནི་"རྩོམ་རིག"་ལ་དགའ་མོས་ཆེ་ཆེར་བདོག་པའི་བྱེས་ཀྱི་"ན་གཞོན་ཁྱུ་ཚོགས"་ཤིག་སྟེ།  སེམས་བསྐྱེད་ཀྱི་སྟོབས་མཐུག་ཅིང་།  བདེན་པའི་ང་རོ་བསྒྲག་འདོད་ཀྱི་འདུན་པ་དྲག་ཏུ་མཆིས་པའི་ཁར།  མི་རིགས་གང་ཞིག་སོར་གྱེས་སིལ་མཆེད་ཀྱི་དུས་སྐབས་འདི་འདྲ་བ་ལ།  རྟོགས་དཔྱོད་ཀྱིས་བཅིངས་པའི་ངག་གི་རིག་བྱེད་གང་དེས། ངོ་ལྐོག་རྒྱབ་མདུན་གྱི་ལས་ཀྱི་སྦྱོར་བ་མི་བརྩམས་པར། མི་རབས་འདི་ཀའི་དབུགས་རྒྱུན་སླར་གསོ་མཛད་ཕྱིར།  ཡོད་ཡོད་འདྲ་ལ།  མེད་མེད་འདྲ་བའི་མི་ཡུལ་ས་མཐའི་སྟོང་ཁམས་ཆེན་པོ་འདིའི་ནང་། ང་ཚོས་ཁ་ངོ་གཅིག་མཐུན་གྱི་ཚུལ་དུ།  "རྩོམ་རིག"་ཅེས་པ་གང་དེའི་ལ་རྒྱ་སྲུང་ཆེད་དང་།   མ་འོངས་པ་ཞུ་བ་ཞིག་གི་ལམ་དུ་ཆས་འཆར་ཡིན།  དེ་བས།  ང་ཚོས་དཔུང་པ་མཉམ་སྦྲེལ་གྱིས།  མི་སྒེར་སོ་སོའི་འདུ་ཤེས་སྣ་ཚོགས་པའི་གཏིང་ནས་སྐྱེས་པའི།  ཀུན་གཞི་གསར་པའི་ས་བོན་རེ་རེ་ལ། ནས་ཀྱི་འབྲུ་སྣ་མང་སྐྱེ་བའི་སླད་དུའོ།། 

2
 ལམ་གྱི་བདེན་པ།

    "རྩོམ་རིག"་གཙོས་པའི་ཤེས་བྱའི་རིན་ཐང་འཁོར་ཡུག་གི་ར་སྐོར་ནས་གཅིག་ཀྱང་བརྒལ་མི་རུང་བའི་སྲུང་བྱ་ཉག་ཅིག་ནི་"བདེན་པ"་ཉིད་ཡིན་པ་རེད།  དེ་བས།  "བདེན་པ"་ནི་འུ་ཚོས་འཚོ་ཐབས་ངན་ངོན་དང་།  གཉེན་གྲོགས་ཙམ་གྱི་སླད་དུ་འདོར་རུང་བའི་དངོས་པོ་ཞིག་གཞར་ཡང་མིན།  ད་ལྟའི་འུ་ཚོའི་ན་གཞོན་དག་གིས།  ཡི་གེའི་མཚོན་ཆ་ཐོགས་ཏེ་སྣང་བའི་ཕྱི་ནང་ཀུན་ཏུ།  རྒྱུན་པར་འོས་ལངས་རྩོམ་གྱིན་པ་འདི་དག་ཀྱང་"བདེན་པ"འི་དོན་འབའ་ཞིག་ཡིན་པ་རེད།  མི་ཡུལ་འདིར།  སྐྱོ་སུན་དང་སྟོང་སྣང་གིས་གདུང་ཞིང་། དགྲ་གཉེན་གྲོགས་གསུམ་འདི་དང་གན་ཞེས་འབྱེད་མི་བཏུབ་པའི་ཁ་སང་དེ་རིང་།  ང་ཚོས་ཀྱང་ལམ་གྱི་རབ་བྱེད་གསར་བ་ཞིག་ལ་ཁ་ཕྱོགས་ཀྱིན།  མི་རབས་འདིའི་བརྩེ་བ་དང་གཞན་རྩིས་ཀྱི་སླད་དུ།  ཡ་ང་དང་བྲེད་ཤ་གཏན་ནས་མེད་པར་མདུན་གྱི་གཞི་འདིར་གོམ་པ་ཤུགས་ཀྱིས་སྤོ་དགོས་ཀྱིན་ཡོད་ན།   "བདེན་པ"་ནི་མུན་ནག་དང་འོད་ཟེར་གྱི་འཐབ་རྩོད་མཆི་བའི་མི་རབས་འདིའི་གཡུལ་སའི་ནང་།  དཔའ་ངར་དང་བློ་གདེང་ཆེན་པོས་རང་ཉིད་སུ་ཡིན་པ་རང་གིས་རང་ལ་ཡིད་ཚིམ་ཞིག་ངོ་སྤྲོད་མཛད་བཏུབ་པའི་དངོས་པོ་གཅིག་པུ་དེ་ཡིན་པས།  དེ་བས་འུ་ཚོ་བདེན་པ་ལ་འཇུག་དགོས་པའི་གནས་ལུགས་ཀྱང་འདི་ནས་བྱུང་བ་ཡིན་ཆོག་ཆོག་གོ། 

3
 མཐའ་མའི་སྨོན་འདུན།

    དེ་བས།  ང་ཚོ་སྟེ་<<མར་མེ་རང་འབར།>>ཚང་།  མི་རབས་འདིའི་མིག་མདངས་ལ་ཉི་འོད་རྒྱག་པའི་དབྱར་ལྗོངས་ཤིག་འཐོབ་ཕྱིར།  སྟོང་པའི་ཁམས་ཆེན་པོའི་ཀློང་ན།  མི་སྣང་བའི་གོ་རིམ་ལས་སྣང་བ་དང་།  གཟུགས་མེད་ནས་གཟུགས་ཅན།  གཟུགས་ཅན་ནས་ཁ་དོག་སྣ་ཚོགས་ཀྱིས་ཕྱུག་པའི་གོ་རིམ་རེ་རེར་ཐོད་བརྒལ་གྱི་ཚུལ་དུ་འོང་དགོས་ཀྱིན་ཡོད་པ་རེད། དེ་ལྟར་ཡིན་པའི་རྒྱུ་མཚན་གྱིས། ང་ཚོ་"རྩོམ་རིག"་ཅེས་པའི་ས་ཞིང་འདི་ནས།  ལོ་སྣེར་ཟླ་མཐུད་ཀྱིས་མ་འོངས་པའི་དུས་ཚོད་ནང་།   སེམས་བསྐྱེད་དང་སྨོན་འདུན་བརྒྱ་ཕྲག་གིས་བརྒྱན་པའི་ད་ལྟའི་ཉེར་སྡོགས་གང་དེར། འགྲུབ་འབྲས་གཡུར་དུ་ཟ་བའི་རེ་བ་རྨ་མེད་པ་འཆང་བ་འདི་ཉིད་ལགས་སོ།། 

              ཞེས་<<མར་མེ་རང་འབར>>་ཚང་གིས་༢༠༡༨/༤/༡༡ཉིན།

མར་མེ་རང་འབར་ཚང་གི་ནང་མི། རྩོམ་འབྲི་བ།
  • ཁམས་མདའ་ནག
  • དགའ་བ་མཇེ་ཕྲུག
  • རྔ་བ་ཀུན་བཟང་སྒྲོལ་མ།
  • ཏྲེ་ཞོགས་རླུང་།
  • ཐང་ང་ལྷ་མོ།
  • སྡེ་དགེ་སྐལ་བཟང་།
  • སྤྲེལ་སྲིན།
  • གཟི་མིག
  • ལི་ཐང་དབྱིག་གཉེན།

On December 10, 2018 by Tehorsonam in    No comments


Ummy Video Downloader








Ummy Video Downloader མཉེན་ཆས་འདི་ནི youtube ནང་གི་བརྙན་རྣམས་ཀུ་ཤུ་གློག་ཀླད་ནང་དུ་ཕབ་ལེན་བྱ་ཐུབ་པའི་མཉེན་ཆས་སྤུས་ལེགས་ཤིག་རེད་འདུག དུས་གཅིག་ཏུ་བརྙན་མི་འདྲ་བ་དུ་མ་ཕབ་ལེན་བྱེད་ཐུབ།
On December 03, 2018 by Tehorsonam in ,    No comments

Templates for MS Word 


  • མ་ལག Mac
  • སྤྱོད་ཡུལ། Microsoft Word
  • ཕབ་ལེན། དྲ་སྣེ།

ཆེས་ཐོན་རིམ་གསར་པའི་མཉེན་ཆས་འདི་ཕབ་ལེན་བྱོས་དང་ཁྱེད་ཀྱི་Excel ནང་དུ་རང་གིས་སྒྲིག་སྦྱོར་བྱེད་མི་དགོས་པར་མ་དཔེ་བརྒྱ་ཕྲག་ཁ་ཤས་གང་འདོད་དུ་བཀོལ་སྤྱོད་བྱེད་ཆོག


དགའ་ལྡན་ལྔ་མཆོད་ཉིན་སེ་རའི་དགེ་སྐོས་གསར་རྙིང་བརྗེས་སྤོར་དང་རྒྱལ་མཆོག་མདུན་པ་ཆེན་པོའི་བཅའ་ཡིག་རབ་གསལ་ནོར་བུའི་མེ་ལོང་རྩིས་ལེན།


དགེ་སྐོས་གསར་པ་ཏྲེ་ཧོར་དགེ་བཤེས་ཚེ་དབང་སྟབས་ལྡན་མཆོག་ནི་ཁམས་དཀར་མཛེས་པོས་མོ་འབུར་ཚང་ཞེས་པའི་ཁྱིམ་མིང་ཅན་གྱི་ཁྱིམ་ཚང་ཞིག་གི་བུ་བློ་དགའ་དང་སྡེ་དགེ་བ་ཚེ་རིང་སྒྲོལ་མ་གཉིས་སུ་རྒྱ་གར་ལྷོ་ཕྱོགས་སྦེལ་ཀོབ་གཞིས་ཆགས་རྙིང་པའི་གྲོང་སྡེ་གཉིས་པར་སྐྱེས། ལོ་ལྔ་ཙམ་ནས་རྒྱུད་སྨད་མཁན་ཟུར་རྗེ་བཙུན་བཀྲ་ཤིས་ཚེ་རིང་མཆོག་དང་དགེ་བཤེས་བློ་བཟང་རྡོ་རྗེ་གཉིས་སུ་བཏུགས་ཏེ་གྲྭ་སར་ཞུགས། རྒན་རྣམ་གཉིས་ནས་འཚོ་བའི་དཀའ་ཁག་ཆེན་པོའི་འོག་ནས་རང་གི་བུ་ཕྲུག་བཞིན་སྐྱོང་བས་ཁོང་གཉིས་པོ་ནི་དྲིན་ཆེ་བའི་ཕ་མ་ལྟ་བུ་ཡིན་ཟེར་ཀྱང་རྫུན་དུ་མི་འགྲོ། སྐུ་ནར་སོན་པ་དང་སེར་བྱེས་སློབ་གྲྭ་འགྲིམས། རིམ་བཞིན་ཆོས་རྭ་ཞུགས་ཏེ་སེར་བྱེས་མཁན་ཟུར་རྗེ་བཙུན་དགེ་འདུན་ཆོས་འཕེལ་དང་། རྒྱུད་སྨད་མཁན་ཟུར་རྗེ་བཙུན་བཀྲ་ཤིས་ཚེ་རིང་གཉིས་པོ་གཙོས་དགེ་བའི་བཤེས་གཉེན་རྣམ་པའི་ཞབས་རྡུལ་སྤྱི་བོས་བླངས་ནས་གཞུང་ཆེན་ཁག་ལེགས་པར་བལྟས་ཏེ་རི་བོ་དགེ་ལྡན་པའི་མཚན་སྙན་ཆེས་མཐོ་བའི་ལྷ་རམས་དགེ་བཤེས་ཀྱི་མཚན་གནས་བཞེས་པ་མ་ཟད། གྲྭ་ཚང་གི་སློབ་གཉེར་དོ་དམ་པའི་འགན་བཞེས་དང་། ཤེས་ཡོན་ལྷན་ཚོགས་ཀྱི་ཚོགས་མིའི་འགན་ཁུར། ཁམས་ཚན་དགེ་རྒན་གྱི་འགན་ཁུར་སོགས་ལས་སྣེ་ཁག་བྱས་ཟིན་ལ་། གྲྭ་ཚང་དཔེ་ཁྲིད་དགེ་རྒན་གྱི་མཚན་ཐོབ་ཡོད་ཅིང་ཉིན་རྒྱུན་ཆད་མེད་ཐོག་སློབ་མ་ཚོར་གཞུང་ཆེན་དཔེ་ཁྲིད་དང་། དད་གཉེར་ཅན་ཕྱི་རྒྱལ་བ་ཁག་གཅིག་ལ་སློབ་ཁྲིད། གྲྭ་ཚང་གི་ཆེད་གཏོང་བཞིན་རྒྱ་གར་གྱི་ནང་པའི་ས་ཁུལ་ཁག་ཏུ་ནང་ཆོས་ངོ་སྤྲོད་སོགས་བསྟན་ལ་སྨོན་པའི་བྱ་བ་ཡང་མི་ཉུང་བ་ཞིག་མཛད་དང་མཛད་བཞིན་པ་ཞིག་ཡིན། ཁོང་ཉིད་ཆེ་ཚུགས་གནང་རྒྱུ་མི་དགའ་ཞིང་། ཅི་ཞིག་ཤེས་ནའང་མངོན་ཆུང་ལས་ངོམ་ཐབས་མི་བྱེད། ཅི་བྱས་རྒྱས་སྤྲོས་བྱེད་རྒྱུ་དེ་ཚོ་ལའང་ཐུགས་མོས་མི་མཛད་ཅིང་། འབྲས་སྤུངས་དགེ་བཤེས་ལོག་སྨྲ་ཚར་གཅོད་ཀྱིས་མི་ཚོ་ཤིང་ནགས་ནས་ཐང་དུ་བུད་ཨེ་ཐུབ་ལྟ་གི་ཡོད། ཁྱེད་ཐང་ནས་ཤིང་ནགས་སུ་ཡར་འཛུལ་ཨེ་ཐུབ་ལྟ་མཁན་གྲས་རེད་འདུག་ཅེས་རྒན་ཁོང་གིས་དབྱིན་ཡིག་སོགས་ཤེས་ནའང་དེ་ཚོ་སྦྱོང་རྒྱུ་ལ་ཐུགས་མོས་མེད་པ་དེ་ལ་ཟུར་ཟ་བྱས་མྱོང་བ་བཞིན། སློབ་མ་ཚོར་རྒྱུན་དུ་གཞུང་ཆེན་སློབ་གཉེར་བྱེད་པ་ལས་ལྷག་མེད་ཅེས་དབྱིན་ཡིག་སོགས་སྦྱོང་རྒྱུ་ལའང་ཐུགས་མོས་དེ་ཙམ་མེད། གཞུང་ཆེན་སྦྱངས་ནས་རྒྱུད་དུལ་བར་བྱས་ཏེ་གདན་སར་མི་མཐུད་སློབ་གཉེར་བྱེད་དེ་སྡོད་ན་འདི་ཕྱི་གཉིས་ཀར་ཕན་རླབས་ཆེ་བ་ལས་སྐད་རིགས་འགའ་ཤེས་རྗེས་ག་ས་གང་ལ་རྒྱུགས་སྡོད་ན་འདུ་ལམ་བརླག་འགྲོ་གི་རེད་ཅེས་སེམས་ཚབ་དང་བསླབ་བྱ་ཡང་སེ་གནང་གི་ཡོད།

འདི་ལོར་སྔོན་འགྲོའི་དགེ་སྐོས་འོས་མི་ལྔ་ལ་གྲྭ་མང་ཚོས་འོས་འཕེན་བྱས་རྗེས། ཁོང་ཉིད་ཆེས་མང་བའི་འོས་གྲངས་ཀྱི་ལམ་ནས་དགེ་སྐོས་སུ་བསྐོ་བཞག་བྱུང་། འདི་ལོའི་སེ་ར་བྱེས་ཀྱི་དགེ་སྐོས་རྙིང་པ་ཏྲེ་ཧོར་དགེ་བཤེས་འཆི་མེད་ཚེ་རིང་མཆོག་གིས་དུས་ཡུན་ལོ་གཅིག་ཡོངས་སུ་གཙང་སྟེ་ཞོགས་པའི་མང་ཇའི་ཚོགས་དབུས་སུ་བཅའ་ཡིག་རིན་པོ་ཆེ་དེ་ཉིད་དགེ་སྐོས་གསར་པ་ཏྲེ་ཧོར་དགེ་བཤེས་ཚེ་དབང་སྟོབས་ལྡན་མཆོག་གི་ཕྱག་ཏུ་ཕུལ་རྗེས་དགེ་སྐོས་གསར་པས་དེ་རིང་ནས་དབུ་བཙུགས་ཏེ་གྲྭ་ཚང་གི་སྒྲིག་ཁྲིམས་དོ་དམ་དང་ཚོགས་ཆེན་ཞལ་ངོའི་ཐུགས་འགན་ཡང་བཞེས་མགོ་ཚུགས་ནས་གདན་ས་འདི་པའི་དགེ་འདུན་ལྔ་སྟོང་རྒལ་བ་ཆོས་བཞིན་འདུལ་བ་བཞིན་ལེགས་པར་སྤྱོད་པའི་ལམ་དུ་ཁྲིད་ཐབས་ལ་འབད་ཀྱི་རེད།

སྔ་སྲོལ་བཞིན་དགའ་ལྡན་ལྔ་མཆོད་ཉིན་མོར་གདན་ས་ཆེན་པོ་སེ་ར་ཐེག་ཆེན་གླིང་གི་དགེ་སྐོས་གཉིས་བརྗེ་སྤོར་གནང་གི་ཡོད་ཅིང་། དེ་རིང་ཞོགས་པའི་ཆུ་ཚོད་ལྔ་པར་དགེ་སྐོས་གཉིས་པོའི་གཟིམ་ཤག་ཏུ་གྲྭ་ཚང་ཕྱག་མཛོད། ཁམས་ཚན་དགེ་རྒན་རྣམ་པར་ཆེད་ཕེབས་ཀྱིས་མཎྜ་འདེགས་འབུལ་དང་གྲོ་མ་འབྲས་སིལ་བཞེས་ཏེ་སྟབས་བདེ་མཛད་སྒོར་གཉེར་རྗེས། ཁོང་རྣམ་པས་སྤོས་སྣ་དྲི་བཟང་གིས་སྔོན་བསུ་སྟེ་དགེ་སྐོས་གཉིས་པོ་སེ་ར་བླ་སྤྱིའི་གཙུག་ལག་ཁང་གི་རྡོ་བཅལ་ཐོག་ཏུ་གདན་འདྲེན་ཞུས། དགེ་འདུན་འདུས་པ་རྒྱ་མཚོས་གནས་བརྟན་ཕྱག་མཆོད་ཀྱི་བཅོམ་ལྡན་འདི་ནི་བྱོན་པ་ལེགས།།ཞེས་པའི་ཚིགས་སུ་བཅད་པ་གསུང་པ་དང་དགེ་སྐོས་གཉིས་པོས་གཙུག་ལག་ཁང་གི་སྒོ་ཆེན་ཕྱེས་ནས་ནང་དུ་ཕེབས། ཐུགས་སྨོན་མཚམས་སྦྱོར་དང་འབྲེལ་ནས་ཐོར་འབྲུ་མཆོད་ཅིང་དབུས་ཀྱི་གདོང་གྲལ་ནས་ཕེབས་གནང་གིས་བཅའ་ཡིག་རིན་པོ་ཆེ་རྩིས་ལེན་གནང་།

རྒྱལ་མཆོག་མདུན་པ་ཆེན་པོས་གསོལ་སྩལ་མཛད་པའི་བཅའ་ཡིག་རིན་པོ་ཆེ་རབ་གསལ་ནོར་བུའི་མེ་ལོང་ཞེས་པ་ནི་གདན་ས་འདི་པའི་གལ་ཆེན་བཅའ་ཡིག་ཅིག་ཡིན་ཞིང་། འདི་ཉིད་གཙོ་བཟུང་གིས་སྒྲིག་ཁྲིམས་ལག་བསྟར་གནང་དགོས་ཀྱི་ཡོད། བོད་དུ་ཚོགས་ཆེན་ཞལ་ངོ་གཉིས་པོ་གཞུང་གི་གོ་ཐོབ་ཡོད་པས་གཞུང་འབྲེལ་གྱི་ཕྱག་དམ་ཕེབས་ནས་གཞུང་གི་ལས་སྣེ་གྲས་སུ་འཇོག་གི་ཡོད་རུང་། བཙན་བྱོལ་དུ་སླེབས་རྗེས་སྔ་སྲོལ་དེ་ཚོ་མི་དགོས་པར་བྱས་ཐོག་ཚོགས་ཆེན་ཞལ་ངོ་དང་གྲྭ་ཚང་གི་དགེ་སྐོས་ལོགས་སུ་མི་དགོས་པར་བྱས་ཏེ་དུས་ཡུན་ལོ་གཅིག་གི་རིང་གྲྭ་ཚང་བྱེས་སྨད་གཉིས་ཀྱི་དགེ་སྐོས་རྣམ་གཉིས་ནས་ཚོགས་ཆེན་ཞལ་ངོའི་འགན་གཅིག་ལྕོགས་ཀྱིས་ཁུར་གནང་རྒྱུ་བྱས་འདུག


དགེ་སྐོས་རྣམ་གཉིས་ནི་གྲྭ་ཚང་བྱེས་སྨད་གཉིས་ཀྱི་མཁན་རིན་པོ་ཆེ་རྣམ་གཉིས་རྗེས་ཀྱི་འགན་དབང་ཆེ་ཤོས་ཡིན་པས་གདན་སར་ཞུགས་པའི་སྐྱེ་བོ་སུ་ཞིག་ཡིན་རུང་ཁོང་རྣམ་གཉིས་ཀྱི་སྒྲིག་ཁྲིམས་འོག་ཏུ་མ་འཚུད་པ་མེད། དུས་རྒྱུན་གདན་སའི་ཁ་རྒྱུན་དུ་ཁྲིམས་བདག་དགེ་སྐོས་ཞེས་གསུང་སྲོལ་ཡོད་པ་བཞིན་ཁོང་གཉིས་པོས་གདན་སའི་ཁྲིམས་སྒྲིག་ཡོད་ཚེ་འགན་ལེན་གྱིས་ལག་ལྟར་བྱེད་དགོས་པས་ཆེས་དཀའ་ཚེགས་ཆེ་བ་ཞིག་ཀྱང་ཡིན་སྟབས། འདི་ལྟར་ལས་སྣེ་ཁེལ་རྒྱུ་ཞེད་སྣང་གནང་གི་ཡོད་མོད། ལྟོ་ཟ་སར་སྒྲིག་ཁུར་དགོས་པའི་དཔེ་ལྟར་མི་གནང་ཐབས་མེད་ཀྱང་ཆགས་ཡོད།

On November 27, 2018 by Tehorsonam in ,    No comments

 Excel ནང་དུ་རེའུ་མིག་ཆེ་ཆུང་ཤོར་བའི་དཀའ་ངལ་སེལ་ཐབས་འདིས་ལས་ཀ་མང་པོ་ཞིག་སྟབས་བདེ་བཟོས་ཡོད།

  • columnགྱེན་ཐིག
  • rowཕྲེད་ཐིག
  • རེའུ་་མིག་ཆེ་ཆུང་མཉམ་སྒྲིག
  • རེའུ་མིག་ཆེ་ཆུང་ཤོར་ན་དཀའ་ངལ་སེལ་ཐབས།

On November 27, 2018 by Tehorsonam in ,    No comments

མན་ངག་=sumསྤྱད་དེ་སྡོམ་ཐོབ་བཟོ་ཐབས་ཀྱི་བརྙན་ཞིག་བཟོས་ཡོད། ང་རང་གིས་ཀྱང་ཞིབ་ཚགས་མ་ཤེས་ནའང་སྣེ་ཙམ་བསྟན་པ་འདིས་ཁྱེད་ལ་བློ་སྒོ་ཆུང་ཆུང་ཞིག་འབྱེད་ཐུབ།

  • མན་ངག Formula
  • =sum() གུང་རྟགས་ནང་སྡོམ་དགོས་པའི་ཨང་གྲངས་བླུག་དགོས།
  • ཁྱེད་ཀྱིས་མནན་ཐེངས་གཅིག་གིས་ཨང་གྲངས་ཆེ་ཆུང་ཅི་འདྲ་མང་ཡང་སྡོམ་ཐོབTotalརྒྱག་ཐུབ།
  • ཁྱེད་ཀྱིས་རྩིས་འཕྲུལ་ནང་དུ་མནན་ནོར་ཤོར་བ་དང་ཡུན་རིང་རྩི་དགོས་པའི་དཀའ་ཁག་ཡོངས་སུ་སེལ་ཐུབ།
  • སྡོམ་བྱའི་ཨང་གྲངས་བཟོ་བཅོས་བྱེད་དུས་སྡོམ་ཐོབ་བཟོ་བཅོས་མི་དགོས་པར་རང་འགུལ་ངང་སྡོམ་ཐོབ་འགྱུར་འགྲོ།



On November 19, 2018 by Tehorsonam in ,    No comments

དྲ་ཚིགས་ཇུས་འགོད་ནི་ཅུང་མགོ་རྙོག་ཆེ་བ་ཞིག་ཡིན་ཞིང་ལྷག་པར་དུ་HTML codeནི་ཅུང་ཆེད་སྦྱོང་བྱེད་མྱོང་མེད་ན་ཁག་ཙམ་ཡིན་འདུག་པས་རང་ཉིད་ཀྱི་དྲ་ཚིགས་ཇུས་འགོད་བཟོ་བཅོས་བྱེད་དགོས་ཚེ་ཇུས་འགོད་པ་ཞིག་ལ་རེ་བཅོལ་མི་བྱེད་དཀའ་མེད་ཡིན།

bloggerཟིན་བྲིས་ནི་googleཚང་གི་རིན་མེད་ཀྱི་དྲ་ཚིགས་གཉེར་ས་ལེགས་པོ་ཞིག་ཡིན་ཞིང་རིན་གང་ཡང་མི་དགོས་པར་དྲ་ཚིགས་གཉེར་ཐུབ། bloggerནང་དུ་ཇུས་འགོད་རྣམ་གྲངས་ཉུང་ཤོས་ཤིག་རིན་མེད་དུ་བཀོལ་སྤྱོད་བྱེད་རྒྱུ་ཡོད། དེ་མིན་དྲ་ཚིགས་ཀྱི་ཇུས་འགོད་བཟོ་བཅོས་བྱེད་དགོས་ཚེ HTML CSS སོགས་ཀྱིས་གསང་བརྡ་བེད་སྤྱོད་གཏོང་རྒྱུ་ལས་ཐབས་གཞན་མེད། 

དྲ་ཐོག་ཏུ་ཇུས་འགོད་སྣ་ཚོགས་བཙོང་མཁན་ཡོད་ཅིང་དེ་བཞིན་རིན་མེད་དུ་ཇུས་འགོད་ཀྱི་རྣམ་གྲངས་མང་པོ་བསྟེར་མཁན་ཡང་འདུག་པས་སྒེར་གྱི་ཟིན་བྲིས་དང་དྲ་ཚིགས་ཡིན་ན་རིན་མེད་དེ་དག་བཀོལ་སྤྱོད་བྱེད་ན་མི་འགྲིག་པར་གང་ཡང་མི་འདུག bloggerཟིན་བྲིས་ལ་མཁོ་བའི་རིན་མེད་ཇུས་འགོད་ཕབ་ལེན་བྱ་ས་མང་པོ་འདུག་པ་ལས་དྲ་ཚིགས་གཉིས་ཀྱི་དྲ་སྣེ་འདི་ན་བཞག་ཡོད་པས་གཟིགས་རྒྱུ་དང་བཀོལ་སྤྱོད་བྱེད་ཐབས་ཀྱི་བརྙན་གྱི་དྲ་སྣེ་ཡང་བཞག་ཡོད།

དྲ་ཚིགས། https://gooyaabitemplates.com/
དྲ་ཚིགས། https://btemplates.com/
བརྙན།  https://youtu.be/P0vMjNnrGN0
On November 16, 2018 by Tehorsonam   No comments



PullTube 

  • མ་ལག Mac
  • སྤྱོད་ཡུལ། Youtube,facebook
  • ཕབ་ལེན། དྲ་སྣེ།

PullTubeམཉེན་ཆས་འདི་ནི་youtube,facebook,vimeo,dailymotion ནང་གི་བརྙན་རྣམས་ཀུ་ཤུ་གློག་ཀླད་ནང་དུ་ཕབ་ལེན་བྱ་ཐུབ་པའི་མཉེན་ཆས་སྤུས་ལེགས་ཤིག་རེད་འདུག 
On November 16, 2018 by Tehorsonam in ,    No comments

Themes for MS PowerPoint 


  • མ་ལག Mac
  • སྤྱོད་ཡུལ། Microsoft PowerPoint 
  • ཕབ་ལེན། དྲ་སྣེ།

ཆེས་ཐོན་རིམ་གསར་པའི་ཡིག་ཚང་གི་PowerPoint ལ་མཁོ་བའི་མཉེན་ཆས་འདི་ནས་རང་གིས་སྒྲིག་སྦྱོར་སོགས་བྱེད་མི་དགོས་པར་མ་དཔེ་བརྒྱ་ཕྲག་ཁ་ཤས་ཅི་འདོད་དུ་བཀོལ་སྤྱོད་བྱེད་ཆོག།
On November 16, 2018 by Tehorsonam in ,    No comments



Templates for MS Word 

  • མ་ལག Mac
  • སྤྱོད་ཡུལ། Microsoft Word
  • ཕབ་ལེན། དྲ་སྣེ།


   ཆེས་ཐོན་རིམ་གསར་པའི་མཉེན་ཆས་འདི་ཕབ་ལེན་བྱོས་དང་ཁྱེད་ཀྱི་ཡིག་ཚང་དུ་རང་གིས་སྒྲིག་སྦྱོར་བྱེད་མི་དགོས་པར་མ་དཔེ་བརྒྱ་ཕྲག་ཁ་ཤས་གང་འདོད་དུ་བཀོལ་སྤྱོད་བྱེད་ཆོག
On October 01, 2018 by Tehorsonam in ,    No comments
  1. མ་ལག Mac
  2. ཆེ་ཆུང་ 1.65 GB
  3. ཡིག་ཆ། zip
  4. རྣམ་གྲངས། Word/PowerPoint/Excel/Outlook/Onenoot/OneDrive
  5. ཐོན་རིམ། 16.17

On August 17, 2018 by Tehorsonam in    No comments
སྤུན་སྐལ་བཟང་རྡོ་རྗེའི་རིགས་ཆུང་ཚོགས་ལངས་ལེགས་གྲུབ་དང་བདག་གི་དྲན་ཚུལ།

ཁོང་ནི་གཟུགས་ཡར་ཆེ་རྒྱུ་མེད་པའི་ཐོག་ཏུ་ལོ་རེར་ཕར་ནར་ནས་མི་གྲུ་བཞི་མ་ཆགས་གྲབས་རེད་ཅེས་ང་ཚོ་སྤུན་མཆེད་ཚོས་བསྟན་བཤིག་སློང་གི་ཡོད། ཁོང་གིས་ཀྱང་ཚུར་རྒན་ཡ་མ་བསོད་ནམས་ང་ཚོ་གྲས་གཟུགས་ཐུང་ནའང་ཀླད་པ་གཞན་ལས་ཆེ་ཞེས་ཀུ་རེ་བྱེད་ཀྱི་རེད། ང་ཚོས་ཁོང་གཟུགས་ཐུང་ནའང་ཀླད་པ་གྲུང་པོ་ཡོད་པར་ཤེས་ཀྱི་ཡོད། ལྷག་པར་དུ་དཔེ་ཆ་བ་ལ་དགོས་པའི་རྣམ་རིག་གྲུང་པོ་དང་། ཡུལ་ལ་དཔྱད་པ་བྱེད་མཁས་པའི་བློ་རིག་ཅིག་རང་ཆས་སུ་འདུག འདི་ནི་དཔེ་ཆ་བ་ཞིག་ལ་མཚོན་ན་རྨང་གཞི་བཟང་པོ་ཞིག་ཡིན། ཁོང་ཞོགས་ཉལ་རྒྱག་རྒྱུ་དགའ་བས་མཚམས་རེར་ཉལ་རྒྱུ་ཅུང་མང་དྲགས་འདུག་ཅེས་བཤད་དགོས་ཁེལ་གྱི་འདུག འོན་ཀྱང་དཔེ་ཆ་གང་ལྟ་བ་དེ་ཞིབ་ཚགས་པོ་དང་། སེམས་གཏད་ཅིང་དྲན་པས་བཟུང་། ་གཞུང་ཚན་རེ་རེ་ལ་དཀའ་གནད་དང་དོགས་པ་གང་ཡོད། ཞིབ་ཆ་དང་འཛིན་མཚམས་ཅི་དགོས་སོགས་དཔེ་ཆ་ལྟ་སྟངས་ལེགས་པོར་ཤེས་ཀྱི་འདུག་པས་ཞོགས་ཉལ་ཅུང་རྒྱགས་ནའང་སྤུན་མཆེད་ཚོས་གང་ཡང་ཟེར་གྱི་མ་རེད། 

བར་སྐབས་ཤིག་ནས་འདི་གའི་གཞོན་སྐྱེས་མང་པོ་ཞིག་སློབ་གྲྭའི་འཛིན་གྲྭ་བཅུ་པའི་ལག་ཁྱེར་ཐོབ་རྗེས་དགོན་པར་མ་སྡོད་པར་ཕྱི་ལ་འགྲོ་བའི་ན་ཚ་ཞིག་བྱུང་སྟེ་མི་མང་པོ་ལ་སེམས་འཚབ་སློང་ཡོད། རེད་དེ། ཁོང་གི་འཛིན་གྲྭ་བཅུ་པའི་ལག་ཁྱེར་ཐོབ་རྗེས་དགོན་པ་རང་དུ་སྡོད་དེ་དཔེ་ཆ་ལྟ་རྒྱུར་དགའ་མོས་བྱེད་ཀྱི་འདུག་སྟབས་འདི་ནི་ངེད་སྤུན་མཆེད་རྣམས་ལ་མཚོན་ན་ཧ་ཅང་དགའ་པོ་བྱེད་དགོས་དོན་དག་ཅིག་ཏུ་གྱུར་སོང་། ཆོས་རྭར་ཞུགས་རྗེས་རྒྱུན་དུ་དཔེ་ཆ་ལྟ་རྒྱུ་ལ་ཀུན་སློང་གང་ཡང་བྱེད་མི་དགོས་པར་རང་མོས་ཐོག་ཏུ་དཔེ་ཆ་ལྟ་བ་ཙམ་མ་ཟད། དཔེ་ཆ་ཡག་པོ་ཤེས་ཀྱི་ཡོད་པ་དེས་ང་ཚོ་ཧ་ཅང་དགའ་སྡོད་ཡོད། ཇི་ལྟར་སྦྱོང་ནའང་མ་ཤེས་ཚེ། མདའ་ཇི་ཙམ་འཕངས་རུང་འབེན་ལ་མ་ཕོག་པ་དང་འདྲ་བས་ནམ་ཞིག་ལ་རང་གཞན་ཚང་མ་ཡིད་ཐང་ཆད་དེ། ཁྱེད་རྡོ་བཙོས་ནས་ཁུ་བ་དོན་ས་མ་རེད་ཅེས་བཤད་དགོས་ཁེལ་གྱི་རེད། སྐབས་དེ་འདྲ་ལ་རང་ཉིད་ཀྱང་དགོན་པའི་ནང་མི་མཐུད་དེ་སྡོད་འདོད་ཀྱི་བསམ་བློ་དེའང་འགྱུར་ལྡོག་ཡོང་ཞིང་། ག་ལེར་དགོན་པ་དང་ཁ་བྲལ་བའི་གནས་སྟངས་དེ་ཡོང་ངེས་ཤིང་། གྲྭ་པ་ཞིག་ལ་མཚོན་ན་དགོན་པ་དང་ཁ་བྲལ་བ་ནི་ཆེས་སྐྱོ་དགོས་པའི་ལས་དབང་ཞིག་མགོ་ཚུགས་པ་དང་འདྲ་བས་འདི་ཉིན་ནས་ཚེ་འདི་སྣང་གི་བྱ་བར་གཡེང་རྒྱུ་པང་དུ་བླངས་པ་ལྟ་བུ་ཞིག་ཆགས་རྒྱུ་རེད།  བྱས་ཙང་དཔེ་ཆ་ལྟ་བ་ཙམ་གྱིས་མི་ཚད་པར་དཔེ་ཆ་ཤེས་རྒྱུ་དེ་ནི་དགའ་འོས་པ་ཞིག་ཆགས་ཡོད།  

ཁོང་རིགས་ཆུང་ལེན་རྒྱུར་རྔམ་སྐྲག་གང་ཡང་མི་འདུག རིགས་ཆུང་མ་རག་ཐབས་མེད་བསམ་ནས་ཉིན་ཀློག་མཚན་ཀློག་བྱས་ཏེ་སྨྱོ་འཚུབ་འཚུབ་གང་ཡང་མ་བྱས་པར་རྒྱུན་ལྡན་བཞིན་དཔེ་ཆ་ཀློག་གི་འདུག ཁོང་གི་སེམས་གཏིང་དེར་རིགས་ཆུང་མ་རག་ན་དགའ་བའི་བསམ་བློ་ཞིག་ཡོད་ཚོད་འདུག ངས་ཀྱང་རིགས་ཆུང་དེ་མ་རག་དགའ་བར་བསམ་སོང་ལ། རག་ཀྱང་མ་ལེན་ན་ཡག་ག་བསམ་རུང་རང་གི་བསམ་ཚུལ་དེ་ཁོང་ལ་ཇི་བཞིན་བཤད་མ་ཕོད། ཁོང་གིས་ཀྱང་ཕྱོགས་མང་པོའི་སེམས་ཚོར་དང་རེ་བ་ལ་ལྟ་དགོས་དུས་སེམས་གཏིང་གི་དྲན་ཚུལ་རེ་གཉིས་ལས་སླ་པོར་སྒྲུབ་ཆོག་ཆོག་མེད་པར་ངས་ཤེས་ཀྱི་ཡོད། 

རིགས་ཆུང་ནི་དུས་ཚོད་མང་པོ་བཏང་དགོས་པ་ཞིག་ལ་འབྲས་བུ་དེ་འདྲ་ཐོབ་རྒྱུ་མེད་པ་ཞིག་རེད། ལྷག་པར་དུ་རིགས་ཆུང་ཕྱི་རྒོལ་རག་ཚེ་དེ་ལས་ཀྱང་སྙིང་པོ་མེད་པར་གཞན་གྱིས་འཁྲབ་གཞུང་བརྩམས་པ་ཞིག་ལ་རང་ཉིད་ཀྱིས་འཁྲབ་སྟོན་བྱེད་དགོས་པ་ལྟ་བུ་ཞིག་ཡིན། ང་ནི་ཁོང་ལ་རིགས་ཆུང་རག་པས་གང་ཡང་དགའ་མ་སོང་ལ། དེ་ལས་ཁོང་གིས་མིང་ཞིག་ཐོབ་རྒྱུར་འདོད་རྔམ་མི་བྱེད་པ་དེ་ང་ལ་མཚོན་ན་རིགས་ཆུང་རག་པ་ལས་ཀྱང་དགའ་ཆེ་བ་བྱུང་། ཏྲེ་ཧོར་སྐྱོར་དཔོན་གྱིས་ངའི་ལྷ་རམས་མིང་ལས་ལྕི་བ་སྐམ་པོ་འདིས་དགའ་ཆེ།ཞེས་པའི་གསུང་དེ་མཇལ་བ་དང་ངེད་ཅག་ལ་འདི་ལྟ་བུ་སློབ་གསོ་སྤྲོད་མཁན་རེ་ཡོད་ན་ཆོས་ལ་བརྟེན་ནས་སྡུག་པའི་ལས་སུ་འཇུག་པ་དེ་ཅུང་ཉུང་དུ་འགྲོ་སྲིད་པ་འདུག་ཅེས་ཡང་ཡང་དྲན་མྱོང་། 

རིགས་ཆུང་ཚོགས་ལངས་ཀྱི་དུས་ཡུན་ཆུ་ཚོད་ཕྱེད་ཀ་དེའི་ཆེད་དུ་ཁོང་གིས་དཀའ་ལས་མང་པོ་བརྒྱབ་སོང་། དུས་ཚོད་ཀྱང་མང་པོ་བཏང་སོང། མཐར་ཚོགས་ལངས་ལེགས་གྲུབ་བྱུང་ནས་དེ་རིང་མཛོད་སྒོ་གཉེར་གྱིན་ཡོད་པས་ངས་ཁོང་ལ་བཀྲ་ཤིས་བདེ་ལེགས་ཀྱི་ཚབ་ཏུ་རང་གི་དྲན་ཚུལ་འདི་འབྲི་བཞིན་ཡོད། 
སླད་མར་ཡང་མིང་ཐོབ་རྒྱུ་ལ་དགའ་ནས་ཤི་སྡོད་མཁན་ཞིག་མ་ཡོང་བ་དང་། ཨང་ཐོབ་ལ་རྩོད་དེ་གདོང་དཀར་ལོག་དམར་ལོག་གྱུར་ཅིང་། སུ་ཞིག་ལ་ཅི་ཞིག་ལབ་དགོས་ནའང་ཡ་ང་བག་ཚ་མེད་པའི་དཔེ་ཆ་བ་མགོ་མཁྲེགས་ཤིག་མ་གྱུར་བའི་སྨོན་འདུན་གྱིས་བརྒྱན་ནས་མཇུག་བསྡུས་པའོ།།

             ____སྲོང་བཙན།
ཕྱི་ལོ2018ཟླ8ཚེས10ཉིན།


ཁྱེད་ལ་སུན་པོ་བཟོ་མཁན་གྱི་གློག་འཕྲིན་དེ་འགོག་ཆོག
On February 19, 2018 by Tehorsonam   No comments

ཐོག་མར་བོད་མི་མགོ་ནག་ཡོངས་ལ། རབ་གནས་ས་ཁྱི་ལོའི་གནམ་ལོ་གསར་དུ་བཞད་པའི་དགའ་སྟོན་རྟེན་འབྲེལ་གྱི་དུས་ཚེས་བཟང་པོ་འདི་ལ། ཁྱེད་རྣམས་ཀྱི་སྐུ་གཟུགས་བདེ་ཞིང་། རང་རང་གི་བསམ་དོན་ཡིད་བཞིན་དུ་འགྲུབ་པ་དང་། བྱ་གཞག་ཐམས་ཅད་ལམ་ལྷོང་ཡོང་བའི་སྨོན་འདུན་དང་བཀྲ་ཤིས་བདེ་ལེགས་གྲངས་མེད་ཞུ།


གླེང་སློང་བ
འདི་ན་ཁོ་བོས། དེང་སྐབས་ཇོ་བོ་རིན་པོ་ཆེའི་དབུ་རྒྱན་གྱི་སྐོར་ནས་མི་མང་པོ་ཞིག་དང་། ལྷག་པར་དྲ་བ་དང་གླེང་སྟེགས་འགའ་ཞིག་གིས་དོན་དངོས་མ་ཤེས་པ་ཡིན་ནམ། ཤེས་ནས་མ་ཤེས་མདོག་གིས་གཡོ་སྒྱུ་བྱས་པ་ཡིན་ནམ། གང་ལྟར་དམངས་ཚོགས་མགོ་བསྐོར་ཏེ་རྫུན་གཏམ་སྣ་ཚོགས་ཤིག་བསྒྲགས་བཞིན་པ་ལ། གསལ་བཤད་མདོར་བསྡུས་ཤིག་ཞུ་འདོད་སྐྱེས།
On February 18, 2018 by Tehorsonam   No comments



ལོ་གསར་ཚེས་གཉིས་ཀྱི་ཕྱི་དྲོར་ཇོ་ཁང་མེ་ལ་མེ་ཤོར་འདུག་ཅེས་ག་ས་གང་ནས་བརྙན་ཐུང་ལྟ་མི་བཟོད་པ་དེ་འདྲ་གཅིག་འབྱོར་གཉིས་སླེབས་ཀྱིས་བོད་མི་ཚོའི་ལོ་གསར་གྱི་སྤྲོ་སྣང་དེ་སྐད་ཅིག་དེ་མ་ཉིད་དུ་བཅམས་སོང་། བརྙན་ཐུང་དག་ལས་རང་རང་སོ་སོས་གསོལ་བ་སྨོན་ལམ་དང་སྡུག་སྐད་རྒྱག་སྡོད་པ་ལས་བྱེད་ཐབས་མེད་པའི་གནས་སུ་གྱར་ཡོད་པ་མཐོང་ཐུབ་ལ་ཅི་འདྲ་བའི་བློ་ཕམ་དང་སེམས་སྡུག ཇོ་རིན་པོ་ཆེ་ལ་དད་སེམས་དང་ལྷ་ལྡན་གཙུག་ལག་ཁང་ལ་སྙིང་ནས་དགའ་ཞེན་དང་ལོ་རྒྱུས་ཡུན་རིང་ལྡན་པའི་རྭ་ས་འཕྲུལ་སྣང་གཙུག་ཁང་ཆེན་མོ་འདི་ལ་བོད་མི་ཚོས་བློ་གཏད་ཅི་ཙམ་བཅོལ་ཡོད་མེད་ནི་ད་རེས་བརྙན་ཐུང་དག་གིས་གསལ་བཤད་ཐུབ་ཀྱི་འདུག འཛམ་གླིང་ཁྱོན་དུ་ལོ་གསར་ལ་རོལ་བཞིན་པའི་བོད་མི་སྐྱབས་བཅོལ་བ་དག་གིས་ཀྱང་བརྙན་ཐུང་དག་ཕར་གཏོང་ཚུར་གཏོང་གིས་སེམས་ཁུར་དང་སྤྲོ་ལངས་བའི་ཚིག་དང་སེམས་སྐྱོ་བའི་སྡུག་སྐད་ཀྱང་འདོན་འགོ་ཚུགས་སོང་། ང་ཚོ་སྐྱབས་བཅོལ་བ་ཚོས་ཐག་རིང་ནས་སེམས་ཁུར་བྱེད་པ་ལས་ཅི་ཡང་ནུས་པ་མི་ཐོན་པ་གསལ་པོ་ཡིན་ལ་ཇོ་ཁང་མདུན་དུ་ཡོད་པ་དག་གིས་ཀྱང་བལྟས་སྡོད་པ་ལས་ཆུ་དབོར་ནས་མེ་གསོད་ཐབས་སོགས་གང་ཡང་བྱེད་ས་མ་རག་པ་འདི་ནི་ཧ་ཅང་ཡིད་སྐྱོ་དགོས་པ་ཞིག་ཆགས་འདུག

བརྙན་ཐུང་འབྱོར་ནས་སྐར་མ་བཅུ་མ་ཟིན་གོང་ནས་"མེ་ཤོར་ས་ཇོ་ཁང་མ་རེད། མ་ཎི་ལྷ་ཁང་རེད། ཡང་ལྷ་མོའི་མགོན་ཁང་རེད་"ཟེར། གང་ལྟར་"ཇོ་ཁང་ལ་མེ་ཤོར་མི་འདུག་བློ་བདེ་པོར་བྱོས་"ཟེར་ནས་ཡིད་སྐྱོ་བའི་སེམས་ཁམས་དེ་རེ་ཞིག་ཅུང་ལྷིང་འཇགས་སུ་བཏང་སོང་། དེ་མ་ཉིད་དུ་དྲ་ཐོག་ཏུ་གཤེ་གཤེ་ཡང་གཏོང་འགོ་བཙུགས་བྱུང་ལ་"གླན་པ་ཚོ་ཅལ་འདྲོགས་མ་བྱེད་ཇོ་ཁང་མེ་ལ་ཤོར་མེད་"ཅེས་ག་ས་གང་ནས་དྲ་ཐོག་ཏུ་སྤུངས་བྱུང་། ཇོ་ཁང་མེ་ལ་ཤོར་མེད་ན་འགྲིག་འདུག་བསམ་བཞིན་གཤེ་གཤེ་དག་ཟད་བཞིན་འདུག་སྡོད་པ་ཡིན། "ང་རང་ཡུལ་དངོས་ལ་ཡོད། མེ་སྐྱོན་འཚབ་ཆེན་མི་འདུག་ལ་ད་ཆར་མེ་བསད་དེ་ཡོད་ཚད་རྒྱུན་ལྡན་ཡིན་"ཟེར་ནས་སྐད་འཕྲིན་ཐོག་ཏུ་འཇོག་པ་དག་པར་བླངས་ནས་གཏོང་གི་འདུག དྲ་མིང་བོད་ཡིག་ཅན་དེ་དག་གིས་བདེན་བསམ་བསམ་དང་ལོས་ཡིན་བསམ་བསམ་དེ་འདྲ་བཤད་ཡོང་དུས་ང་ཚོས་ད་དུང་ཇོ་ཁང་མེ་ལ་ཤོར་འདུག་ཅེས་བཤད་ཕོད་པ་ཞིག་མི་འདུག ཇོ་ཁང་གི་ཕྱི་ནང་དང་གཡས་གཡོན་དེ་ཚོ་ལ་རྒྱུས་མངའ་མེད་ཙང་བློ་མ་བདེ་ནའང་རེ་ཞིག་བལྟས་ནས་སྡོད་པ་ལས་ཅི་ཡང་མ་གླེང་། ཆུ་ཚོད་གཅིག་ཙམ་སོང་རྗེས་ཇོ་ཁང་གི་པར་རིས་ཅན་ཞིག་ལ་དམར་རྟགས་དང་སེར་རྟགས་བརྒྱབ་ནས་མེ་ཤོར་ས་ཇོ་ཁང་མིན་པའི་སྒྲུབ་བྱེད་ཅིག་གཏོང་གི་འདུག དྲ་ཐོག་ཏུ་ལྷ་ས་ལ་ཆ་རྒྱུས་ཅན་ཚོས་གསལ་བཤད་གནང་ཨེ་འདུག་བལྟས་ནའང་ཁོ་ཚོ་ལའང་ཅི་བཤད་རྒྱུ་མེད་པ་འདྲ། རེ་གཉིས་ཤིག་གིས་མ་ཎི་ལྷ་ཁང་ཇོ་ཁང་གི་ཆ་ཤས་ཡིན་ཚུལ་ཙམ་བཤད་འདུག་པ་ལས་རྒྱབ་ལྗོངས་དང་ཁུངས་ལྡན་ཡིན་བསམ་བསམ་ཞིག་བཤད་ཀྱི་མི་འདུག་སྟབས་ཁ་མི་གསལ་བའི་གནས་ཚུལ་ཞིག་གི་ཐོག་ཏུ་ལུས་ཏེ་བསྡད་སོང་།


མཚན་ཕྱེད་ཙམ་ལ་རྩོམ་པ་པོ་འོད་ཟེར་གྱི་དྲ་བའི་ཐོག་ཏུ་པར་རིས་བཀོད་དེ་ཇོ་ཁང་མེ་ལ་ཤོར་བའི་སྐོར་བྲིས་འདུག་པ་མ་ཟད་པར་རིས་ཧ་ཅང་ཁ་གསལ་པོ་ཞིག་བཀོད་དེ་མེ་ཤོར་ས་དེ་གཙུག་ལག་ཁང་ཡིན་པ་མ་ཟད་དམར་ལྷབ་ལྷུབ་འབར་བཞིན་པའི་རྒྱ་ཕིབས་དེ་ཇོ་རིན་པོའི་དབུ་ཐོག་གི་རྒྱ་ཕིབས་དེ་ཡིན་པ་གསལ་པོར་སྟོན་ཐབས་གནང་འདུག ཇོ་ཁང་ལ་མེ་འབར་འདུག་ཟེར་ན་གཤེ་གཤེ་བཏང་ཡོང་བས་ཚང་མ་རེ་ཞིག་ཁ་ཁར་སྡོད་པ་ལས་འོད་ཟེར་ལགས་ཀྱི་པར་རིས་དེ་ལ་དཔྱོད་པ་བྱེད་མཁན་སུ་ཡང་བྱུང་མ་སོང་། གཞུང་གཉེར་འཕྲིན་སྟེགས་ཞིག་གིས་ཆེད་དུ་ཇོ་ཁང་གི་ཆ་ཤས་ལ་མེ་ཤོར་མོད། མེ་སྐྱོན་གང་མགྱོགས་གསོད་ཐུབ་པ་བྱུང་ལ། ཡོད་ཚད་སྔ་བཞིན་ཡིན་ཞེས་ཆ་འཕྲིན་ཞིག་སྤེལ་སོང་བས་མེ་ཤོར་ས་ཇོ་ཁང་དང་ཡེ་ནས་འབྲེལ་མེད་ཡིན་མདོག་བཤད་པ་དེ་རྫུན་དུ་བཏང་སོང་།


གནས་ཚུལ་དངོས་སྦེད་ཐབས་དང་གླེང་སློང་ལ་ཁ་ལོ་སྒྱུར་ཐབས་ཐད་རྒྱ་ནག་བྱང་ཆ་ཆེན་པོ་ཡོད་པ་ཡོངས་གྲགས་ཡིན་ཞིང་དྲ་མི་ཁྲི་ཕྲག་གླས་ཏེ་དྲ་ཐོག་གི་གླེང་སློང་ཁག་ཁ་གཞན་དུ་སྒྱུར་གྱི་ཡོད་སྐོར་དེ་སྔ་ནས་རྩོམ་ཡིག་མང་པོ་ཐོན་ཡོད། ད་རེས་ཇོ་ཁང་ལ་མེ་ཤོར་དུས་མེ་ཤོར་ས་ཇོ་ཁང་མ་རེད་ཅེས་གླེང་མཁན་དང་འབྲི་མཁན་དེ་དག་གཞུང་གཉེར་དྲ་བ་དག་མིན་པར་དྲ་མིང་བོད་ཡིག་ཅན་དག་གིས་"ང་ཡུལ་དངོས་ལ་ཡོད་མེ་ཤོར་ས་ཇོ་ཁང་མ་རེད་"ཅེས་པར་རིས་དང་བརྙན་ཐུང་ཁ་གསལ་གང་ཡང་མེད་པར་རང་ཉིད་དཔང་མི་བྱེད་མཁན་ཧ་ཅང་མང་པོ་ཐོན་འདུག འདི་དག་གི་གྲས་ན་རྒྱ་ནག་གིས་གླས་པའི་དྲ་མི་ག་ཚོད་ཡོད་དམ་ཁོ་ཚོས་ཆུ་ཚོད་གཅིག་ཙམ་གྱི་ནང་དུ་བོད་མི་ཚང་མའི་སེམས་ཁམས་ལྷིང་འཇགས་གཏོང་ཐུབ་པའི་ནུས་སྟོབས་དེ་ཅི་འདྲའི་ལམ་ལྷོང་དང་གནད་ལ་འཁེལ་བ་བྱུང་སོང་། ཡིད་སྐྱོ་དགོས་པ་དེ་ནི་དྲ་མི་དེ་དག་གི་མགོ་སྐོར་འོག་ཏུ་འཚུད་དེ་"མེ་ཤོར་ས་ཇོ་ཁང་མ་རེད། ཅལ་འདྲོགས་མ་བྱེད་"ཟེར་མཁན་བོད་ཕྱི་ནང་གཉིས་ཀྱི་ངེད་ཅག་བོད་མི་དག་ད་དུང་ཡང་རྒྱ་ནག་གིས་མགོ་སྐོར་ཆོག་ཆོག་དང་དོན་དངོས་ལ་ལྟ་ཐུབ་པའི་ནུས་པ་ཧ་ཅང་སྐྱོ་པོ་ཡོད་པ་འདི་རེད། རྒྱ་ནག་གིས་ཅི་ཞིག་གླེང་པ་དང་གང་ཞིག་བྱེད་ནའང་ཕྱོགས་གཞན་ཞིག་ནས་ལྟ་ཐུབ་པའི་བློ་རྩལ་དེ་ཧ་ཅང་སྐྱོ་པོ་ཡོད་པ་དེ་ད་རེས་ར་གསལ་པོར་འཕྲོད་ཐུབ་པ་བྱུང་བས་སླད་ནས་"ཅལ་འདྲོགས་མ་བྱེད་"ཟེར་བཞིན་རང་ཉིད་རྒྱ་ནག་གི་ལག་ཆ་ཆགས་བཞིན་པའི་གནས་སྟངས་དེ་མ་ཡོང་བ་བྱེད་གལ་ཆེ་སྙམ།

མི་ལ་ཅལ་འདྲོགས་མ་བྱེད་ཟེར་བཞིན་རང་ཉིད་ཅལ་འདྲོགས་བྱེད་བཞིན་པའི་གནས་ཚུལ་འདིས་ངེད་ཅག་བོད་མི་དག་ལ་སྣ་སུན་ཞིག་ཐེབས་ཡོད་པའི་རེ་བ་ཆེ་ལ། རྗེས་མ་ནས་རྒྱ་ནག་གི་མགོ་སྐོར་འོག་ཏུ་མ་འཚུད་པ་གནང་རོགས་ཞུ། དགྲ་བའི་ཐབས་ཇུས་དེ་དག་ཆེས་སྤྱི་བཏང་ཞིག་མིན་པས་རིག་པ་སྒྲིམ་པའི་དུས་ཚོད་ཅིག་ལ་སླེབས་འདུག ནང་མགོ་རྡུང་རེས་དག་དག་གིས་གཡུལ་ས་མ་ཞུགས་པར་རྒྱ་ནག་ལ་ཁ་ཕར་འཁོར་ནས་རང་ཉིད་ལ་མགོ་སྐོར་བཏང་ཞིང་རང་ཉིད་མགོ་སྐོར་ཐེབས་བཞིན་པ་འདི་དག་མཁྱེན་པ་གནང་གལ་ཆེའོ།།












On February 15, 2018 by Tehorsonam   No comments

ལོ་གསར་ཚེས་སྐབས་འདིར་གཞས་གསར་ཆེས་ལེགས་པོ་འགའ་ཤས་ཐོན་པའི་གྲས་ནས་བརྙན་ལེན་སྒྲིག་སྦྱོར་སོགས་ཧ་ཅང་ཡག་པའི་གཞས་ཚོམ་འདིས་ལོ་གསར་བསུ།
On February 14, 2018 by Tehorsonam   No comments

བོད་ས་ཁྱི་ལོའི་གནམ་ལོ་གསར་དུ་བཞེད་པའི་དགའ་སྟོན་ལ་འཚམས་འདྲི་བཀྲ་ཤིས་བདེ་ལེགས་ཞུ།
_______སྲོང་བཙན་དྲ་བ།




soundcloud ནས་བཀའ་སློབmp3 ཕབ་ལེན་བྱེད་ཐབས་སྐོར་བཤད་ཡོད།

  • གསུང་ཆོས་ཕབ་ལེན། 
  • བཀའ་སློབ་ཕབ་ལེན།
  • བོད་གཞས་ཕབ་ལེན། དེ་མིན་གྱི་གཞས་ཕབ་ལེན། 
  • རླུང་འཕྲིན་ཕབ་ལེན།