སྲོང་བཙན་དྲ་བ།

དཔེ་དེབ་ཀློག་རྒྱུ་ནི་གུས་པར་མཚོན་ན་ཆེས་དགའ་ཤོས་ཀྱི་བྱ་བ་ཞིག་ཡིན་པས། དཔེ་དེབ་ཆེ་མ་ཆུང་གསུམ་མང་པོ་ཞིག་བམ་ཀློག་དང་ཞིབ་ཀློག ཆེད་སྦྱོང་དང་ཟུར་བལྟ། ཕབ་བཤུས་དང་འདྲ་བཤུ་བྱས་པ་ཆེས་མང་བ་ཙམ་མ་ཟད། དཔེ་དེབ་ཉོས་པའང་གྲངས་ལས་འདས་པས་གྲྭ་རྐྱང་ཞིག་གི་ཇ་མངར་མོ་འཐུང་སྐལ་དེའང་ཐེངས་མང་པོར་ཆད་མྱོང་། ལོ་འགའི་ཡར་སྔོན་ནས་དཔེ་དེབ་བཀླགས་ཐོ་འབྲི་བའི་གོམས་གཤིས་ཤིག་འཇག་ཐབས་ཀྱིས་བཀླགས་ཐོ་འབྲི་བ་རྒྱུན་འཁྱངས་དང་ཨུ་ཚུགས་བྱས་པའི་དུས་དེ་ནས་བཟུང་སྟེ །དཔེ་དེབ་མང་པོ་ཞིག་ཀློག་པའི་ཡི་ག་འགག་ཅིང་ལྟ་བའི་བསམ་བློ་ཡོངས་སུ་ཆད་ནས་ན་ནིང་ད་ལོ་དཔེ་དེབ་གཅིག་ཀྱང་ཆ་ཚང་ཞིག་ཧ་ལམ་ཀློག་མེད། བཀླགས་ཐོ་འབྲི་བའི་བརྒྱུད་རིམ་ཁྲོད་ན་དཔེ་དེབ་དེ་བཀླགས་ནས་བློ་སྐྱེད་ཅི་བྱུང་དང་། ནང་དོན་གསར་པ་དང་ཚིག་སྦྱོར་སྤྱོད་ཚུལ། ལུང་འདྲེན་དང་དཔེ་མཚོན་འགོད་སྟངས་སོགས་ལ་དོ་སྣང་བྱེད་དགོས་པས། དཔེ་དེབ་མང་པོ་ཞིག་ལ་ཅི་ཙམ་དོ་སྣང་དང་ཡིད་འཇོག་བྱེད་རུང་འདི་ཡིན་གྱི་བློ་སྐྱེད་ཅི་ཡང་མ་བྱུང་བས་དེ་ནས་འགོ་ཚུགས་ཏེ་དཔེ་དེབ་ཡོད་ཚད་ལ་མིག་གཡར་དང་བྱ་ར་བྱེད་པའི་ཁོམ་གླགས་དེ་མཇུག་བསྡུས་པ་ཡིན། མ་གཞི་དཔེ་དེབ་ཇུས་འགོད་དང་དཔེ་ཚོགས་འཆར་འགོད་སོགས་ནི་བོད་ནས་ཐོན་པའི་དཔེ་དེབ་དག་ཧ་ཅང་སྤུས་ཚད་ཅན...

སྲོང་བཙན་ཟིན་བྲིས་གཉེར་ནས་ལོ་ངོ་གསུམ་ཙམ་སོང་ཞིང་དྲ་ངོས Hyper Text Markup Language(HTML) ཐོག་ཏུ་ལེགས་བཅོས་བྱས་ནས་ལོ་འཁོར་གཅིག་ཟིན་གྲབས་ཡོད་པའི་དེ་རིང་ཕྱི་ལོ་2014 ལོར་ཕྱི་མིག་ཅིག་ལྟ་དུས། ལོ་ངོ་གཅིག་ཏུ་གུས་པས་རྩོམ་ཡིག་32སྤེལ་འདུག་པར་དགའ་ཚོར་བྱུང་བ་ཙམ་མ་ཟད་འཛམ་གླིང་གི་ས་ཕྱོགས་མང་པོ་ཞིག་ནས་དོ་སྣང་བྱེད་ཀྱི་ཡོད་པ་ཤེས་རྟོགས་བྱུང་བས་ཧ་ཅང་དགའ་བ་སྐྱེས། སྤྱི་ན་སྒེར་གཉེར་ཟིན་བྲིས་འདི་ནི་རང་ཉིད་ཀྱི་རྩོམ་ཡིག་ཉར་འཇོག་བྱེད་ས་ཙམ་ལས་ཀློག་པ་པོའི་ཆེད་དུ་དམིགས་པ་མིན་ན་ཡང་ཀློག་པ་པོ་མི་ཉུང་བ་ཞིག་གིས་དོ་སྣང་བྱེད་བཞིན་འདུག ད་བར་དྲ་ངོས་ལྟ་ཀློག་བྱེད་མཁན་ཁ་གྲངས4182རྒལ་འདུག་ཅིང་། རྒྱལ་ཁབ་མི་འདྲ་བ་བཅུའི་གནས་སོ་སོར་ནས་དོ་སྣང་བྱེད་བཞིན་པ་རེད། རྒྱ་གར། ཀློག་པ་པོ། 2737 ཨ་མེ་རི་ཀ། ཀློག་པ་པོ། 673 སྦེལ་ལྗམ། ཀློག་པ་པོ། 100 སུད་སི། ཀློག་པ་པོ། 88 སུ་པེན། ཀློག་པ་པོ། 80 ཧྥུ་རན་སི། ཀློག་པ་པོ། 50 ཐེ་ཝན། ཀློག་པ་པོ། 34 འཇར་མེན། ཀློག་པ་པོ། 33 རྒྱ་ནག ཀློག་པ་པོ། 31 བལ་ཡུལ། ཀློག་པ་པོ། 24 དྲ་བའི་ཆ་རྐྱེན་དང་དཔལ་འབྱོར་གྱི་རྒྱབ་རྟེན། ཨིན་ཡིག་གི་ཆུ་ཚད། དགོས་ངེས་ཀྱི་དུས་ཚོད་མེད་ན་ཡང་ཞལ་ཞོར་དུ་རྩོམ་ཡིག་གསར་འབྲི་དང་ལེགས་བཅོས་བྱ...

མཆོག་གསུམ་རིན་ཆེན་བྱིན་རླབས་ཆུ་རྒྱུན་བབ།། བདེན་སྟོབས་རྟེན་འབྲེལ་བསླུ་མེད་འབྲས་བཟང་སྨིན།། འཕགས་ཚོགས་འདུས་སྡེ་དབྱར་མཚོ་དཔལ་ལ་འགྲན།། དཀོན་མཆོག་རིན་ཆེན་གསུམ་གྱི་བཀྲ་ཤིས་ཤོག། འཛམ་གླིང་ཆེ་དགུ་ཡོངས་ཀྱི་བླ་ན་མེད།། བོད་འབངས་སྐྱེ་འགྲོ་ཀུན་གྱི་གཉེན་གཅིག་བུ།། ཞི་བསིལ་ཆབ་ཀྱིས་བརླང་སྤྱོད་རབ་གཏུལ་བའི།། སྐྱབས་མགོན་༸རྒྱལ་བ་མཆོག་གི་བཀྲ་ཤིས་ཤོག། ཁ་བ་གངས་ཅན་པ་ཡི་མི་འཇིགས་ཁྲིར།། བརྗིད་ཉམས་ཁམས་པའི་ཕོ་རྒོད་རུས་ཚུགས་ཅན།། མེས་པོའི་སྙིང་ཁྲག་འཁོལ་བའི་དཔའ་སྟོབས་རྒྱས།། སྲིད་སྐྱོང་བློ་བཟང་སེངྒེའི་བཀྲ་ཤིག་ཤོག།

ད་ཐེངས་ཀྱི་<<དུས་བབ་ཚང་གི་སྐྱུགས་བྲོ་བའི་ངོ་གདོང་།>>ཞེས་པའི་རྩོམ་ཡིག་འདི་ནི་བདག་གི་རྩོམ་ཡིག་ངོ་དེབ་དུ་བཀོད་པ་དག་ལས་དགའ་རྟགས་དང་མཆན་བཀོད་ཆེས་མང་ཤོས་དེ་ཡིན། དགའ་རྟག53དང་མཆན་བཀོད159འདུག་པས་བདག་གི་བསམ་པ་ལས་ཆེས་ཆེར་རྒལ་སོང་།  དགའ་རྟགས་འདི་ལྟར་མང་དོན་ནི་དུས་བབ་ཚང་གི་གདོང་འབབ་འཐུག་པོ་དེའི་འོག་གི་ངོ་གདོང་རུལ་དྲི་ཅན་དེ་གསལ་བསྟན་བྱས་པས་ཡིན་སྲིད་ལ། མཆན་བཀོད་མང་ཤོས་ཀྱིས་ནི་ངེད་ལ་སྨ་འབེབས་དང་ཟུར་ཟ་ཧམ་བཤད་སོགས་གང་མང་བྱས་འདུག ངས་ཇི་ལྟར་བསམས་ཀྱང་འདི་ལྟར་ཡོང་དོན་ནི་གཅིག་ན་དུས་བབ་ཚང་གི་སྐྱོན་འཚང་བསྔོགས་པ་དང་གཉིས་ན་རྩོམ་ཡིག་གི་ཁྲོད་ན་ཨ་མདོ་ཞེས་པའི་ཚིག་གསུམ་སྤྱད་ཡོད་པས་ཡིན་སྙམ།མི་མི་ཉུང་ཞིག་གིས་ངེད་ཀྱི་རྩོམ་ཡིག་གི་ཁ་ཕྱོགས་བསྒྱུར་ཏེ་འདས་པོ་ཁོང་གཉིས་ལ་སྨ་འབེབས་ཡིན་ཚུལ་དང་། ཡང་ཁམས་དང་ཨ་མདོའི་བར་གྱི་རེས་ཆད་ཀྱི་སྐད་ཆ་སྡུག་པོ་དེའི་ཐོག་ཏུ་འདྲེན་གང་ཐུབ་བྱེད་སོང་། ཁྱེད་ཚོས་ཇི་ལྟར་བཤད་ཀྱང་ཆོག་ལ་གང་འདྲ་བསམ་རུང་མི་ཆོག་པ་མེད། རེད་དེ། ཁྱེད་ལ་ཨ་མདོ་ཞེས་བཤད་ཙམ་ལའང་སྙིང་ལ་གས་ཆག་དང་སྟོད་ན་རླུང་གིས་འཚང་ཡོང་བ་ནི་ད་བར་ང་དང་ཁྱེད་ཁོ་དང་མོ་ཟེར་བའི་འཇིག་རྟེན་གྱི་སྦྲུལ་ཚང་དུ་ཁོད་ཅིང་གནས་པས་ཡིན། འདིར་ངེད་ཀྱིས་ཁག་...

དུས་བབ་ཚང་གི་འགྱུར་ལྡོག་སྣ་མང་ཁྲོད་ནས་དགེ་སྐྱོན་གྱི་རྐང་རྗེས་ཤ་མོ་རྡོལ་བ་བཞིན་བྱུང་ཡོད་ཅིང་། འཁྲུགས་ཆ་ཆེན་བའི་གླེང་རྙོག་དང་སྐུ་ངོ་རྣམ་པའི་གསང་བ། མཛད་གཙོ་དག་གི་ཕྱག་ལས། མཐའ་ན་རྡ་སའི་གསང་ལམ་ཁྲོད་ཀྱི་གཏམ་འཆལ་ཡོད་ཚད་གཅིག་གཅིག་གཉིས་གཉིས་བྱས་ནས་དྲ་ངོས་ན་སྤུངས་ཏེ་སྤྱི་འཐུས་ཚོགས་གཙོས་གྲོས་ཚོགས་རྭ་བའི་ནང་དུ་བསྒྲགས་གཏམ་སྤེལ་དགོས་བྱུང་ཡོད།  མི་རིང་བའི་སྔོན་ནས་དུས་བབ་ཚང་གི་དྲ་ངོས་ན་༸གོང་ས་མཆོག་གི་མཛད་པ་དག་ཉུང་ནས་ཉུང་དུ་འགྲོ་བཞིན་འདུག་ཅིང་སྲིད་སྐྱོང་མཆོག་གི་མཛད་པ་མཐའ་དག་དྲ་ངོས་ནས་ཕྱི་ཕུད་བྱས་ཡོད་པ་ནི་ཀུན་གྱིས་ཤེས་གསལ་ཡིན། ད་དུང་བདག་གི་དྲ་གྲོགས་རྩོམ་པ་པོ་འགའ་ཤེས་ཀྱིས་རང་ཉིད་ཨ་མདོ་བ་མིན་པའི་རྒྱུ་མཚན་དེ་རང་གིས་ལེགས་རྩོམ་དུས་བབ་ཚང་གི་དྲ་ངོས་དང་ཚགས་པར་གྱི་པར་ངོས་ན་ཁྱོན་ནས་བཀོད་ཀྱི་མི་འདུག་ཅེས་སྡུག་སྐད་ཐེངས་མང་རྒྱབ་སོང་ཡང་གུས་པས་དེ་འདྲ་རང་དང་ཨེ་ཡིན་སྙམ་ནས་ཡིད་གཉིས་ཐེ་ཚོམས་གྱི་རྒྱར་ཚུད་ནས་ཡོད།  ཏག་ཏག་སྐབས་འདིར་ལྡི་ལི་ན་ཨ་མདོ་བ་གཉིས་གསོད་རེས་བྱས་ཏེ་བཀྲ་ཤིས་སྣ་ནག་མ་ཞིག་འབྲུག་སྒྲ་བཞིན་ག་ས་གང་དུ་རྡིར་བཞིན་པའི་སྒང་དེར་མི་སུ་ཡིན་དང་གནད་དོན་ཅི་ཞིག་ཆེད་དུ་བྱུང་མིན་སོགས་གླེང་སློང་སྣ་ཚོགས་བྱེད...