སྲོང་བཙན་དྲ་བ།

དེ་རིང་གི་བཀའ་བློན་བདེ་སྐྱིད་ཆོས་དབྱངས་ཀྱི་དགོངས་ཞུ་དེ་ཏག་ཏག་གནད་ལ་ཁེལ་བ་བྱུང་ཡོད་ཅིང་། ཉེས་བརྡ་ཞིག་ཀྱང་བཏང་ཡོད་པས་ད་དུང་འཕག་འཚག་བརྒྱབ་ན་ཞིབ་ཕྲའི་གནས་ཚུལ་བཤད་རྒྱུ་ཡིན་པའི་གསར་འགོད་བསྒྲགས་གཏམ་ཞིག་ཀྱང་སྤེལ་ཡོད། ཉེས་བརྡ་འདི་དང་གསལ་བསྒྲགས་འདི་དུས་ཚིགས་འདི་འདྲ་ལ་སྤེལ་བ་ནི་ཧ་ཅང་འཚམ་པོ་ཞིག་ཆགས་ཡོད་པ་ཙམ་མ་ཟད། ད་དུང་ཁ་གསལ་མ་བཤད་པར་རྔ་ཅི་རྡུང་ལ་འཆམ་འཁྲབ་རྒྱུ་ཡོད་ལུགས་ཀྱི་རིགས་ལམ་དེའང་ཚད་མཐོན་པོ་ཞིག་གྱུར་ཡོད། མ་གཞི་ཕྱིལ་དྲིལ་བཀའ་བློན་དང་ནང་སྲིད་བཀའ་བློན་གཉིས་སྐབས་རྗེས་མའི་སྲིད་སྐྱོང་འོས་མིར་ལང་རྒྱུ་ལ་རྒྱུ་མཚན་མང་པོའི་ཐོག་ནས་འོས་བབ་ཡོད་པས་ཁོང་གཉིས་བསྟུན་མར་ལོ་བཅུའི་རིང་དུ་བཀའ་བློན་ཁུར་ཤེས་ཐབས་མེད་པ་ནི་ཧ་ཅང་གསལ་པོ་རེད། ཁྲིམས་སྒྲིག་གི་ཐོག་ནས་དུས་ཡུན་ལོ་བཅུ་ལ་བཀའ་བློན་གྱི་འགན་ཁུར་བའི་མི་ཞིག་བསྐྱར་དུ་སྲིད་སྐྱོང་དང་བཀའ་བློན་ལ་ཕེབས་ཐབས་མེད་པ་གསལ་ཡོད་སྟབས། ཁོང་གཉིས་པོ་བསྐྱར་དུ་དུས་ཡུན་ལོ་ལྔ་མི་བཞུགས་པར་དགོངས་ཞུ་གཏོང་ངེས་ཡིན་པ་ནི་སྔོན་ནས་ཐག་གཅོད་ཟིན་པ་ཞིག་རུང་ཕྱི་དྲིལ་བཀའ་བློན་གྱིས་དགོངས་ཞུ་སྔ་སྣུར་གྱིས་ཉེས་བརྡ་གཏོང་དགོས་ཐུག་ཡོད། ད་ལོའི་དངོས་གཞིའི་འོས་བསྡུ་ཉེ་སྐབས་དཔལ་ལྡན་བཀའ་ཤག་ལ་ནག་མེ...

ད་ལན་དཔལ་ལྡན་ཚོགས་གཙོ་མཆོག་འོས་བསྡུའི་གཏམ་བཤད་ཆེད་ས་གནས་མང་པོར་སྐོར་སྐྱོད་གནང་གི་ཡོད་པ་དང་བསྟུན། མང་ཚོགས་ལ་གསལ་བཤད་དང་བཀའ་ལན་གནང་མུས་ཕེབས་བཞིན་ཡོད་སྟབས། མང་ཚོགས་ཚོས་ཀྱང་དོགས་འདྲི་དང་གསོལ་འདེབས། རེ་སྐུལ་དང་སྐྱབས་འཇུག་ངེས་པར་ཞུ་ཐུབ་དགོས་རྒྱུ་ནི་ཧ་ཅང་གལ་ཆེ་བ་ཡིན། ཁོང་ནི་རང་རེའི་དབུ་ཁྲིད་ཅིག་ཡིན་པས་གུས་བརྩི་དང་ཡ་རབས་བཟང་པོའི་ཀུན་སྤྱོད་དང་མཐུན་པར་བྱས་ཏེ་དོགས་འདྲི་དང་བསལ་ཚུལ་ཞུ་དགོས་པ་དེའང་གནད་འགག་ཅིག་ཡིན་སྙམ། ད་རེས་གུས་པས་དཔལ་ལྡན་ཚོགས་གཙོ་མཆོག་ལ་ངེས་པར་འདྲི་དགོས་པའི་དྲི་བ་ཉེར་ལྔ་ཕྱོགས་བསྡུས་བྱས་ཡོད་ཅིང་། དྲི་བ་འདི་དག་ནི་དངོས་ཡོད་དང་ད་བར་སྤྱི་ཚོགས་སུ་འགྲོ་བཞིན་པའི་གནད་དོན་ཤ་སྟག་ཡིན་པ་ལས་བསྙོན་འཛུགས་རིགས་སུ་གཏོགས་པ་ཞིག་གཏན་ནས་མིན། 1  སྲིད་སྐྱོང་གིས་༸གོང་ས་མཆོག་ལ་མཛད་དཀའ་བཟོ་ས་རེད་ཅེས་སྐུ་ཉིད་ཀྱིས་གསུངས་འདུག་ན། ཇི་ལྟར་མཛད་དཀའ་བཟོ་ལུགས་དང་། དེ་སྔར་མཛད་དཀའ་འདི་བཟོས་སོང་ཞེས་དཔེ་མཚོན་གང་དང་གང་ཡོད་དམ། 2 སྐུ་ཉིད་ཀྱིས་སྲིད་སྐྱོང་གིས་བཀའ་ཤག་ལ་འགན་མཉམ་ཁུར་མ་བྱེད་པར་ལས་དོན་རེ་འགའ་ཁོང་སྒེར་གྱིས་གནང་གི་ཡོད་ལུགས་གསུངས་པ་ལ་ཉེ་ཆར་སྲིད་སྐྱོང་གིས་ལན་འདེབས་བྱས་ཏེ། ཨ་རི་དང་རྒྱ་གར་གྱི་...

2016-11-10 དྲ་གྲོགས་ཚོས་དྲན་གསོ་གནང་དུས་མ་གཏོགས་དེ་རིང་རང་ཉིད་ཀྱི་སྐྱེས་སྐར་ཡིན་པའང་བརྗེད་འདུག ཁག་ཅི་ཡོད་དེ། ད་བར་རང་ཉིད་ཀྱི་སྐྱེས་སྐར་ལ་རོལ་མྱོང་མེད་པ་མ་ཟད་ཕ་མ་ཚོས་ཀྱང་ཁྱེད་ཀྱི་སྐྱེས་སྐར་ལ་འཚམས་འདྲི་ཡོད་ཅེས་པ་ཞིག་ད་བར་གོ་མྱོང་མེད། འོན་ཀྱང་ངོ་དེབ་བཟོས་པའི་དུས་ཡུན་ནང་དུ་དྲ་གྲོགས་ཚོས་ལོ་རྟག་པར་སྐྱེས་སྐར་བཀྲ་ཤིས་བདེ་ལེགས་ཞེས་འཚམས་འདྲི་གནང་ཡོང་གི་འདུག སྐབས་རེར་དེ་རིང་དང་འདྲ་བར་མིས་དྲན་གསོ་གནང་དུས་མ་གཏོགས་རང་ཉིད་ཀྱི་སྐྱེས་སྐར་ཡིན་པའང་བརྗེད་འགྲོ་ཡི་འདུག སྐྱེས་སྐར་བཏང་མྱོང་ཡོད་མེད་ལ་མ་བལྟས་པར་དྲ་གྲོགས་སྟོང་ཕྲག་ལྷག་གིས་འཚམས་འདྲི་སྐུར་ཡོང་སྐབས་དུས་སེམས་སུ་དགའ་སྣང་དང་གྲོགས་པའི་བར་དུ་མི་མངོན་པའི་མཛའ་བརྩེ་རེའང་ཡོད་པའི་ཚོར་སྣང་ཞིག་ངང་གིས་སླེབས་ཏེ་དྲ་གྲོགས་ཞེས་པ་ཉེ་ཁོར་གྲོགས་པོ་དག་དང་གཅིག་མཚུངས་བཞིན་རང་ཉིད་ལ་དགོས་མཁོ་ཅན་ཞིག་འདུག་ཨང་སྙམ་པའི་དྲན་གསོ་ཐེབས་ཀྱི་འདུག རང་ཉིད་ནས་ཀྱང་དྲ་གྲོགས་ཚོའི་སྐྱེས་སྐར་ལ་འཚམས་འདྲི་གང་ཐུབ་བྱེད་ཀྱི་ཡོད། ངོ་དེབ་ནང་གི་སྐྱེས་སྐར་དེ་ཚོ་དངོས་ཡོད་ཡིན་མིན་ལ་བལྟས་པར་གྲོགས་པའི་མཛའ་བརྩེ་མཚོན་སླད་ ' སྐྱེས་སྐར་བཀྲ་ཤིས་བདེ་ལེགས་ ' ཞེས་མི་མང་པོར་བཏང་མྱོང་། ...

རང་གི་མི་རིགས་དང་ཆོས་སྲིད་ཀྱི་དོན་དུ་སྲིད་སྐྱོང་གི་འོས་བསྡུའི་ནང་དུ་མཉམ་བཞུགས་གནང་བའི་བཀུར་འོས་སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་གིས། གཏམ་བཤད་དང་དྲིལ་བསྒྲགས་གནང་སྟེ། འཛམ་གླིང་གི་ས་ཆེན་པོར་སྐོར་བ་ཐེངས་གཅིག་བརྒྱབ་ནས། རྡ་ས་ཕེབས་རྗེས་རང་གིས་སྐུ་ངལ་ཚད་མེད་སྐྱོན་ནས་ཐོབ་པའི་འོས་ཤོག་སྟོང་ཕྲག་འགའ་ཤས་སྲིད་སྐྱོང་གི་འོས་སྒོམ་ནང་དུ་བླུགས་སོང་། སྲིད་སྐྱོང་གིས་ལག་སྲིངས་ཏེ་སྤྲོད་རོགས་ཞེས་སློང་མི་དགོས་པར་སྐུ་ཉིད་ཀྱིས་མ་སྐུལ་དང་བླངས་ཀྱིས་དེ་འདྲ་གནང་བར་སྙིང་ནས་དཀའ་དྲིན་ཆེ་ཞུ། འོས་བསྡུའི་འགྲན་རྩོད་ཀྱི་བརྒྱུད་རིམ་དུ་ཧ་ཅང་ཉེས་ཚབས་ཆེ་ཞིང་། སྤྱི་ཚོགས་གཡོ་སྐྱོམ་གཏོང་བའི་གནད་དོན་ཞིག་གང་སར་ཁྱབ་རྗེས། སྲིད་སྐྱོང་བློ་སེང་གི་རྒྱབ་སྐྱོར་བ་ཚོ་ཉལ་ན་གཉིད་མི་ཁུག་ཟ་ན་བྲོ་བ་མི་མྱོང་བའི་དུས་ཚོད་ཐུང་ཐུང་ཞིག་སླེབས་ཡོད། དེ་ནི་ལོས་ཡིན་སྟེ། མི་ལོ་ཧྲིལ་པོ་བཞི་ལྷག་ལ་ངལ་བ་འཛེམ་མེད་ཀྱིས་བཀའ་ཤག་གི་ཞབས་སྟེགས་ཐོག་ནས་རྒྱ་ཆེ་མི་མང་ལ་ཞབས་འདེགས་ཞུས་པ་དང་། གཞིས་བྱེས་གཉིས་ཀ་ན་བསྟོད་པའི་གླུ་དབྱངས་ལེན། ལག་གི་མཐེ་མོ་བསྟན། རྒྱལ་སྤྱིའི་སྡིངས་ཆ་ན་མཁས་དབང་གི་གོ་ཐོབ་རག་དང་ཐོབ་བཞིན་པའི་མཚན་སྙན་དང་འདེགས་འཇོག བརྩི་བཀུར་དང་ད...

གཟིམ་ཤག་དགའ་ལྡན་ཕོ་བྲང་ནས་གཞུང་ས་དགའ་ཕོ་བྲང་དུ་འགྱུར་མྱོང་ཞིང་། གཞུང་ས་དགའ་ལྡན་ཕོ་བྲང་ནས་དགའ་ལྡན་ཕོ་བྲང་དུ་བསྒྱུར་བའི་བླ་བྲང་འདི་ལོ་རྒྱུས་ཡུན་རིང་ལྡན་པ་ཙམ་མ་ཟད། ཆོས་ཕྱོགས་ཀྱི་ནུས་ཤུགས་ཅན་དང་། ཆབ་སྲིད་ཀྱི་ཆེས་མཐོའི་འགན་དབང་ཡོད་པའི་དུས་སྐབས་རང་བཞིན་ལ་སླེབས་པ་ཞིག་ནས། འགན་དབང་ཆ་ཚང་མང་གཙོའི་ལམ་ནས་འོས་འདེམས་བྱས་པའི་དབུ་ཁྲིད་ལ་རྩིས་སྤྲོད་བྱས་ཏེ། བླ་བྲང་ཞིག་གིས་ཆེས་མཐོའི་ཆབ་སྲིད་ཀྱི་འགན་དབང་ལེན་རྒྱུ་མཚམས་འཇོག་བྱེད་པ་ཞིག་དེབ་ཐེར་ན་འཁོད་ཡོད་ཅིང་བཀོད་རིན་ཡོད་པ་ཞིག་ཀྱང་ཡིན། རྒྱལ་བ་རིན་པོ་ཆེས་ཆབ་སྲིད་འགན་དབང་གཙང་བཞག་བྱས་རྗེས་སུ། དགའ་ལྡན་ཕོ་བྲང་ཡང་བླ་བྲང་སྒེར་པ་ཞིག་ཏུ་བསྒྱུར་གནང་མཛད་པ་ནས་འགོ་ཚུགས་ཏེ། ཆབ་སྲིད་ལ་ཐེ་ཇུས་དང་། ཁྲིམས་ལུགས་ཀྱི་ཐོག་ནས་ནུས་ལྡན་དབང་ཆ་གང་ཡང་མེད་པ་ཞིག་ཆགས་ཡོད། འོན་ཀྱང་ཆོས་ཕྱོགས་ཀྱི་ཐད་ནས་ནུས་པ་ཧ་ཅང་ཆེ་བ་ནི་བཤད་ཅི་དགོས་ཏེ། རྒྱལ་བ་རིན་པོ་ཆེའི་གཟི་འོད་ཀུན་དུ་འཕྲོ་ན་དགའ་ལྡན་ཕོ་བྲང་གི་ནུས་སྟོབས་ཀྱང་དོན་གྱིས་གནམ་འོག་ཏུ་ཁྱབ་རྒྱུ་ཡིན་ཁར། ཨིན་ཇིའི་རྒྱལ་མོའི་ཕོ་བྲང་དང་འདྲ་བར་སྤྱི་ཚོགས་སུ་ཤུགས་རྐྱེན་དང་དེ་འབྲེལ་གྱི་དབང་ཆ་ཞིག་ཀྱང་རང་བཞིན་དུ་ཡོད། དགའ་ལྡན་ཕོ་བྲང་ན...