སྲོང་བཙན་དྲ་བ།

དཔེ་དེབ་ཅིག་གི་སྔོན་གླེང་། ཤེས་རིག་གི་འོད་སྣང་མཆེད་དེ་རྨོངས་པའི་མུན་པ་སྟུགས་པོ་རབ་ཏུ་བསལ་བའི་ལམ་བུར་འཇུག་དགོས་པ་ཞིག་ཚེ། ཤེས་རབ་ཀྱི་མེ་ལྕེ་འབར་བའི་སློབ་དཔོན་དང་ལམ་སྟོན་གྱི་སྒྲོན་མེ་གསལ་བའི་སྐྱེས་ཆེན་དག་གི་ཞབས་རྡུལ་སྤྱི་བོས་བླངས་དགོས་པ་སྨོས་མེད་ཡིན་ཁར། ད་དུང་ཤེས་རིག་གཙིགས་སུ་འཛིན་ཅིང་ཤེས་ལྡན་མི་སྣ་གསོ་སྐྱོང་གི་ཁོར་ཡུག་ལེགས་པོ་ཞིག་ཏུ་འགྲུལ་བཞུད་ཀྱི་གོམ་ཁ་དེའང་མི་བསྒྱུར་དཀའ་མེད་ཡིན། དཔེ་དེབ་འདིའི་རྩོམ་པ་པོ་ཉིད་ལ་མཚོན་ན་གོམ་ཁ་གཞན་དུ་བསྒྱུར་ཅིང་། ཤེས་རིག་གི་འོད་སྣང་མཆེད་པའི་ནང་བསྟན་གཙུག་ལག་སློབ་གྲྭ་ཆེན་མོ་ཞིག་ཏུ་འཛུལ་བཞུགས་ཀྱི་སྐལ་བ་ལྡན་པར་གྱུར། དེ་ཉིན་ནས་ཁོང་གི་མི་ཚེ་ལ་འགྱུར་ལྡོག་ཡོངས་སུ་བྱུང་ཞིང་། མི་ཚེ་རིང་མོར་ཆོས་རབ་ཏུ་རྣམ་འབྱེད་ཀྱི་ཤེས་རབ་དང་ཕྲ་ཞིབ་དཔྱད་འཇུག་གི་རིགས་ལམ་ཁོ་ནས་མི་ཚེ་སྐྱེལ་དགོས་པའི་ལམ་ཐིག་གསར་པ་ཞིག་གི་སྣེ་མོར་ནས་བགྲད་འགོ་བརྩམས། སེ་ར་ཐེག་ཆེན་གླིང་ཞེེས་འཁོད་པའི་སྒོ་བྱང་འཕྲད་དུ་དཔྱང་ཡོད་པའི་གདན་ས་ཆེན་པོ་འདི་ནས་མི་ཚེ་དཀའ་ཚེགས་ལ་གཏུགས། བཀྲེས་ལྟོགས་སློབ་གཉེར་དང་བརྗེ་བའི་གོམ་སྟོབས་ཤིག་ཁད་ཀྱིས་སྤོས་ཤིང་། རིགས་ལམ་གྱི་སྣེ་ཟུར་རེ་རེ་ནས་འཇུབ་སྟེ་གཞུང་དོན་སྔོག...

སྙིང་སྟོབས་མཚོན་གྱིས་རང་ཤ་བཏུབ་ལ་སྤོབས།། རིགས་ཞེན་ཟུང་ཁྲག་འཁོལ་བའི་དཔའ་མི་དག། བདེན་པའི་ངར་སྒྲ་སྒྲོག་ལ་ཞིམ་པ་མེད།། སྙིང་གི་རུས་པ་འཐོར་རུང་བརྗེད་ཐབས་མེད།། མི་འདོད་བཙན་པོས་བཙུར་བའི་ན་ཟུག་ཁྲོད།། སྙིང་ལ་རྨ་ཁ་བཟོས་པའི་ནམ་ཟླའི་ནང་།། མ་འཚིག་གསོན་རེ་བྲལ་བའི་ཁོར་ཡུག་ན།། འཆི་ལམ་གདམ་ཁ་མ་གཏོགས་ཅི་ཞིག་ཡོད།། རུས་རྐང་འཐོར་ཆག་མོད་པའི་མི་ཚོགས་རྒྱས།། ཡ་ཐེ་ཀླད་ཤུན་འཁུམས་པའི་སྐྱེ་བོ་འབེལ།། བདེན་པའི་མིག་ཟུང་ཞྭ་བའི་ལོང་བ་མང་།། ལུས་སྲོག་མེ་ལ་མ་བལྟབས་གདམ་ཁ་ཅི།། མཚན་མོ་དགྲ་བའི་མེལ་ཚེ་འཇིགས་རེ་ཡེ།། ཉིན་མོ་བརྙན་མིག་དེའང་རང་ལ་འཁོར།། ཉིན་ཞག་སུན་བཙེར་མང་བའི་ཕ་ས་ནས།། རང་ལུས་མེ་ལ་མ་སྲེག་གདམ་ཁ་ཅི།། དམར་པོ་མེ་ཡིས་ཤ་ཚིག་རུས་ཚིག་སོང་།། ཤུལ་ལྷག་ཚིག་རོ་དེའང་དགྲ་ལག་ཐེབས།། ཚིག་དྲི་སྣུམ་རྒྱུ་ཙམ་ལས་མ་ལྷག་འདི།། ངེད་ཅག་སྙིང་ལ་འདེབས་པ་པའི་འཚེ་མ་ཡིན།། མེ་ཞུན་ཐལ་བའི་རྒྱ་མཚོ་སྤུངས་ན་ཡང་།། ཐེ་རུས་བརྩེགས་པའི་བྲག་ཐེམ་འགྱིང་མོད་རུང་།། བདེན་པའི་གོམ་ཁ་མ་ལྷོད་ས་ཆེན་བཤགས།། མྱི་རྒོད་དཔའ་བའི་ཚོགས་རྣམས་སྙིང་ནས་མཆོད།། 2016-1-3

དྭངས་གསལ་མཁའ་ལ་དལ་གྱིས་རྒྱུ་བའི ། ། གསིལ་སྦྱིན་དུང་གི་ཟླ་བ་གཞོན་ནུས ། །   ཡིད་འཕྲོག་འོད་ཀྱི་འཛུམ་ཟེར་ངོམ་དུས ། ། བཅོས་མིན་སྙིང་ནས་གྲོགས་ཁྱེད་དྲན་བྱུང་ ། །   འཛུམ་ཆུང་དགོད་པའི་སྐར་ཁྱིམ་ཚོགས་ན།། དམར་འོད་འཕྲོས་པའི་མཛེས་ལྡན་མེ་ཏོག། ངོ་ཚའི་ཟོལ་གྱིས་འདར་འགུལ་བྱེད་དུས།། བཅོས་མིན་སྙིང་ནས་གྲོགས་ཁྱེད་དྲན་བྱུང་།། ཐར་ཐོར་སྤྲིན་ཚོམ་གཡོ་ཤིང་བཞུད་ལ།། སྟོན་རླུང་འཇམ་པས་གྲང་བསིར་ཁུར་ཏེ།། ཁེར་རྐྱང་མི་ལ་བྱམས་བྱམས་བྱེད་དུས།། བཅོས་མིན་སྙིང་ནས་གྲོགས་ཁྱེད་དྲན་བྱུང་།། མཚན་འཇགས་སྟུགས་པོའི་ཁུ་སིམ་བར་ན།། སྒོ་ཁྱི་ཟུག་པའི་སྐད་སྒྲ་མཉམ་པོས།། གྲོགས་ཁྱེད་ཡོང་བའི་སེམས་ཚོར་སློང་བ།། བཅོས་མིན་སྙིང་ནས་གྲོགས་ཁྱེད་དྲན་བྱུང་།། 2015-10-4

ཇ་འཐུང་ཉོ་བྱེད་དངུལ་དམར་སྤྲོད་རྒྱུ་མེད།། གྲྭ་རྐྱང་ཅང་མེད་ཁས་འབྱོར་ཁྱེད་ཀྱིས་ཤེས། འཛུམ་དཀར་སོ་སྟོན་ཡག་མོ་འཁྲབ་རྒྱུ་མེད།། ཁ་ཞེན་ཟོལ་བཅོས་འཇོན་ཐང་ཁྱེད་ཀྱིས་ཤེས།། དགའ་ན་སྐྱིད་པའི་འཕག་འཚབ་བརྒྱག་མྱོང་མེད།། སྡུག་ན་མུག་གི་ཡིད་ཆད་སླེབས་མྱོང་མེད།། དགའ་སྡུག་འགྱུར་ཚོར་སྐྱེན་པོའི་རྣམ་འགྱུར་དེ།། ངེད་ཀྱི་ལུས་སེམས་གང་ནས་ཐོན་མ་ཤེས།། མཚམས་རེ་གཅེས་པའི་ཟོལ་གྱིས་ལུས་ལ་འཐོམ།། ལན་རེ་སྡང་བའི་ཚུལ་གྱིས་རྒྱང་དུ་བྲོས།། དབྱར་གནམ་སྤྲིན་ཕུང་གཡོ་ལུགས་དེ་འདྲ་བ།། ནན་གྱིས་བྱེད་ཀྱང་ཡོང་ཐབས་མི་འདུག་ལགས།། ཁམས་པའི་མི་ལ་ཞེ་སའི་ཚིག་བརྗོད་མེད།། གུས་ཞུམ་ལུས་སྒུར་ཉམ་ཆུང་ཟོལ་འཁྲབ་མེད།། བདེན་གཏམ་ཅི་བསམ་ཁ་ཁོག་ཟུར་འཐེན་མེད།། འདྲ་ཆགས་ཟོག་པའི་མི་ཞིག་བྱེད་མ་ཤེས།། ཁྲོ་ན་གདོང་ནས་འཁྲོས་ཚུལ་གསལ་ལེ་མངོན། མ་དགའ་ཁ་ནས་མི་སྙན་ཚིག་ངན་སྐྱུགས།། དུང་ན་ཤ་ཉེ་ཟེར་བཞིན་ཁུར་ཚུར་བསྣུན།། ང་གཙོས་ཁམས་པའི་རྣམ་འགྱུར་གསལ་པོ་ཡིན།། གྲོགས་ཆེད་ཤི་རྒྱུ་མི་སྐྲགས་གཤིས་སུ་ཡོད།། མནའ་བཞག་སྤུན་ལ་མི་འགལ་རུས་རྐང་ཡོད།། ཁྱིམ་ཉེ་བྱམས་པས་སྐྱོང་ལུགས་གོམས་ནས་ཡོད།། ཕྱི་ནང་དགྲ་བོ་མི་འཇོག་བློ་སྤོབས་ཡོད།། བླ་མ་...

ཞེ་ལ་ཐོགས་པའི་ས་ཆེན་ཡངས་ཤིང་ཆེ།། སྙིང་ལ་ཟུགས་པའི་རི་ཆུ་བརྟན་པར་འགྱིང་།། གཙང་པོའི་རླབས་དང་མཚོ་མོའི་གཡོ་སྐྱོམ་ཀུན།། བརྗེད་མེད་འདི་ནི་ཕ་ཡུལ་དྲན་སྟངས་ཤིག། སྔོ་ཞིང་དྭངས་བ་སྤྲིན་གྱིས་ཚོམ་བུ་རྒྱུ།། ཁྲ་ལ་མེ་ཏོག་བཅལ་བའི་སྤང་ལྗོང་སྔོ།། སྟོན་ཞིང་ཕ་ནོར་རེ་བའི་སེམས་པ་དྲོ།། རྨི་ལམ་སྐྱིད་པོ་ཕ་ཡུལ་དྲན་སྟངས་ཤིག། རྫ་ལ་ཁྲ་ཡག་རྒོ་བས་རྐང་ལམ་དེད།། གངས་དཀར་རི་བོ་སྟོན་ཉི་འོད་ཀྱིས་འཇུབ།། རི་མཐོའི་རྫུ་གླུ་སེང་སེང་ལེན་པའི་དུས།། སེམས་པ་གཤོག་ཐོགས་ཕ་ཡུལ་དྲན་སྟངས་ཤིག།

སེམས་ཀྱི་རང་མདངས་མཚོན་པའི་འཚམས་འཕྲིན། ( ཆོས་ཀྱི་གྲོགས་པོ་དགེ་བཤེས་བསྟན་འཛིན་རྡོ་རྗེ་མཆོག་ལ་ཕུལ་བ། ) བེ་རི་འཇིགས་མེད། དཔལ་ལྡན་སྟོབས་བཅུ་མངའ་བའི་ལུང་རྟོགས་བསྟན།། འཛིན་མཁས་ངེས་པ་དོན་གྱི་རྣལ་འབྱོར་པ།། གསང་སྔགས་རྡོ་རྗེ་ཐེག་པའི་སྤུན་གྲོགས་ལགས།། འཇིགས་མེད་སྙན་ངག་སྨྲ་བའི་འཕྲིན་འདི་གསོན།། ཉེ་ཆར་གང་སྐུ་མཚན་དཔེའི་ཟླ་གཞོན་ལ།། ཉམས་རྟོགས་དཀྱིལ་འཁོར་རྫོགས་པའི་འོད་སྣང་རིས།། ཡིག་ངག་གང་གི་ལམ་ནས་མ་སོན་ཀྱང༌།། བརྒྱུད་ནས་འཚམས་འདྲི་བྱས་པའི་གཏམ་ལས་ཐོས།། ཀུན་རྟོག་མཚོ་རླབས་གཡོ་བའི་སེམས་ངོགས་ན།། གང་སྐུ་ཟླ་བའི་འོད་སྣང་འཇོ་བའི་གཟུགས།། བསིལ་རླུང་དལ་བུས་བདས་པའི་མཚོ་གྲུ་བཞིན།། ངེས་མེད་ཆུ་གཉེར་འགྲོས་དང་བསྟུན་ནས་འཆར།། རྒྱལ་ཀུན་གསང་གསུམ་གཅིག་ཏུ་བསྡུས་པའི་གར།། ཀླུ་སྦྱིན་རྗེ་བཙུན་བླ་མའི་ཞབས་དྲུང་དུ།། ན་རོ་མཁའ་སྤྱོད་དབང་བཞིའི་བྱིན་རླབས་ཀྱི།། རྡོ་རྗེའི་མནའ་ཆུ་ལྕེ་ཐོག་མཉམ་དུ་མྱོང༌།། མདོ་སྔགས་གསུང་རབ་དུ་མའི་བཤད་འཁྲིད་དང༌།། བྱང་ཆུབ་ལམ་གྱི་རིམ་པའི་མྱོང་འཁྲིད་སོགས།། དབང་ལུང་འཁྲིད་དང་མན་ངག་བདུད་རྩིའི་རྒྱུན།། མཉམ་དུ་སྤྱོད་པའི་སྐལ་བཟང་བགོ་སྐལ་ཐོབ།། དེ་སླད་དམ་ཚིག་གཅི...

             འོས་འཕེན་པ།   59115       བློ་བཟང་སེང་གེ   34074            སྤེན་པ་ཚེ་རིང་།   25041                   ཧེ་བག   9033   བརྒྱ་ཆ། སྲིད་སྐྱོང་།   57.64   བརྒྱ་ཆ།   ཚོགས་གཙོ།   42.36               གནས་ཁག    94   ས་གནས། སྲིད་སྐྱོང་།   67 ས་གནས།   ཚོགས་གཙོ།  26                        2011 ལོའི་སྔོན་འགྲོའི་འོས་གྲངས། བློ་བཟང་སེང་གེ 22489 བཀྲས་མཐོང་བསྟན་འཛིན་རྣམ་རྒྱལ།   12319 2011 ལོའི་དངོས་གཞིའི་འོས་གྲངས། བློ་བཟང་སེང་གེ 27051 བཀྲས་མཐོང་བསྟན་འཛིན་རྣམ་རྒྱལ།   18405 .................................. 2016 ལོའི་སྔོན་འགྲོའི་འོས་གྲངས། བློ་བཟང་སེང་གེ 30508 སྤེན་པ་ཚེ་རིང་། 10732 2016 ...

------ དེང་རི་བ་པ་སངས་དོན་གྲུབ་པས། སྤྱིའི་ཆ་ནས་བཤད་ན་འཛམ་གླིང་ཡོངས་ཀྱི་མང་གཙོ་ཚད་ལྡན་གྱི་རྒྱལ་ཁབ་གང་ཡིན་རུང་འོས་མི་སོ་སོས་འོས་འགུག་ལས་འགུལ་སྣ་ཚོགས་སྤེལ་ནས་ཁྱབ་བསྒྲགས་དང་འབོད་སྐུལ། དེ་བཞིན་དུ་མི་མང་ཡིད་དབང་འཕྲོག་པའི་གཏམ་བཤད་སྤེལ་བ་སོགས་ལས་འགུལ་སྣ་ཚོགས་སྤེལ་སྟངས་ཤིག་ཡོད་པ་རེད་ལ་དེ་ཡང་ལུགས་མཐུན་ཁྲིམས་སྒྲིག་དང་ཀུན་སྤྱོད་སོགས་གང་ལ་ཡང་མ་འགལ་བའི་ཐོག་ནས་བྱ་དགོས་པ་ནི་མ་འོངས་ཀྱི་དབུ་ཁྲིད་གཅིག་ལ་མཚོན་ན་མི་མང་ལ་མིག་དཔེ་སྟོན་སྟངས་ཤིག་དང་འོས་འགན་ཁུར་སྟངས་ཤིག་ཀྱང་རེད། ཡིན་ན་ཡང་བཙན་བྱོལ་བོད་མིའི་ ( ༢༠༡༦ ) ཀྱི་འོས་འགུག་ལས་འགུལ་སྤེལ་སྟངས་འདི་ནི་གནད་ཆེ་ས་ནས་མི་གླེང་པར་ཆུང་ས་ནས་གླེང་།    མཐུན་སྒྲིལ་ཡོང་ཐབས་སུ་མི་གླེང་པར་ཁ་མཐོར་གཏང་ཐབས་སུ་གླེང་།   མ་འོངས་ཀྱི་འཆར་གཞི་མི་གླེང་པར་སྔོན་སོང་གི་གཏམ་འཆལ་རྣམས་གླེང་།   སྲིད་དོན་གྱི་གནད་འགག་མི་གླེང་པར་ཆོས་ལུགས་ཀྱི་ཆོ་ག་གླེང་།     རྒྱ་ནག་དང་བོད་སྐོར་མི་གླེང་པར་རང་བཙན་དང་དབུ་མ་གླེང་། ཆབ་སྲིད་ཀྱི་བསམ་བློ་མི་གླེང་པར་དད་པ་དང་དམ་ཚིག་གླེང་པ་སོགས་མདོར་ན་ཆབ་སྲིད་ཀྱི་དབུ་ཁྲིད་ཅིག་འདེམས་བཞིན་ཡོད་པའི་རྣམ་པ་ཞིག་གཏན་ནས་མི་འདུག། འོ་...

བྱང་ཨ་རིའི་སྤྱི་འཐུས་བཀྲ་ཤིས་རྣམ་རྒྱལ་གྲོས་ཚོགས་སུ་མ་སླེབས་གོང་དུ་མི་མང་པོ་ཞིག་གིས་ཁོང་ངོ་ཤེས་ཀྱི་མེད་ལ། དེ་ལས་ཀྱང་ཁོང་གི་རང་གཤིས་དང་སྤྱི་སེམས། འགན་ཁུར་གྱི་བསམ་བློ་དང་ཀུན་སྤྱོད། རྒྱབ་ལྗོངས་སུ་དཀར་ནག་གི་རི་མོ་ཅི་ཞིག་ཡོད་མེད་སུ་ཡིས་ཀྱང་ཤེས་རྟོགས་མེད་ཁར། མཐའ་ན་བལ་ཡུལ་དོན་གཅོད་གནང་མྱོང་བའི་མི་རབས་རྒན་པའི་གྲས་ཤིག་ཡིན་པའང་ཧ་གོ་གི་མེད། སྐབས་བཅོ་ལྔ་པའི་བྱང་ཨ་རིའི་སྤྱི་འཐུས་སུ་སླེབས་ནས། གྲོགས་ཚོགས་སུ་གྲོས་འཆར་དང་ལས་རིམ་ལ་ཆ་ཤས་གང་འདྲ་ལེན་མིན་ཡང་དོ་སྣང་བྱུང་མེད་ཚོད་རེད། འོན་ཀྱང་ཕྱི་ལོ་ 2015 ལོའི་གྲོས་ཚོགས་འཚོག་དུས་དགུ་པའི་ཐོག་ཏུ་ཁོང་ལ་དོ་སྣང་དམིགས་བསལ་ཞིག་བྱུང་ཡོད་ཅིང་། འདི་ནས་བཟུང་ཁོང་གི་གནས་ཚུལ་ཡང་ཉིན་རེ་བཞིན་ཡག་གཙོག་གཉིས་ཀ་སྤྱི་ཚོགས་སུ་ཐོན་ནས། གླེང་སློང་གི་གཞི་ཞིག་ཏུ་གྱུར་ཡོད། ཁོང་གི་སྐོར་དེ་འཇུ་ཆེན་གྱི་དཔེ་དེབ་ནང་དུ་གསལ་པོ་ཡོད་ཚུལ་བཤད་མཁན་འདུག་རུང་ངས་ནི་གང་ཡང་ཤེས་རྟོགས་མ་བྱུང་། 2015 ལོའི་གྲོས་ཚོགས་འཚོག་དུས་དགུ་པའི་ཐོག་ཏུ་བྱང་ཨ་རིའི་སྤྱི་འཐུས་བཀྲ་ཤིས་རྣམ་རྒྱལ་ཁོང་གིས་དོ་གལ་ཆེན་པོས་ཐོག་ནས། དཔལ་ལྡན་སྲིད་སྐྱོང་མཆོག་ལ་དོགས་འདྲི་ཞིག་ཕུལ་ཡོད། ཨ་རིའི་དོན་གཅོད་ཁང་དུ་སྲིད་སྐྱོང་...

ད་རེས་སྤྱི་འཐུས་ཀྱི་སྔོན་འགྲོ་དང་དངོས་གཞི་གཉིས་ཀྱི་བར་དུ་རང་ཉིད་ཀྱི་འོས་མི་ལ་འགྱུར་བ་ཆེན་པོ་ཞིག་བཏང་ཡོད། འགྱུར་བ་འདི་འདྲ་ཞིག་མ་གཏོང་ཐབས་མེད་ཆགས་སོང་། འགྱུར་བ་འདིས་མདོ་སྟོད་ཆོལ་ཁའི་མ་འོངས་ལས་དབང་ལ་འཕོ་འགྱུར་དང་བཟང་ཕྱོགས་ཀྱི་ནུས་པ་ཞིག་ཐོན་ན་སྙམ་པ་ཡིན། འགྱུར་བ་འདི་འདྲ་ཞིག་མ་གཏོང་དཀའ་མེད་རེད་འདུག   མདོ་སྟོད་དུམ་བུ་གཉིས་ཆགས་ནས་ནང་ཁུལ་གྱི་དཀའ་ངལ་ཆེ་རགས་གླེང་ནས་ད་བར་སླེབས་ཡོད་ལ། དེ་རིང་ལ་ཡང་མིས་ནང་མ་མཆམ་པའི་དཔེ་མཚོན་ལ་མདོ་སྟོད་བཞག་རྐྱང་དང་། མདོ་སྟོད་པ་ཚོས་ཀྱང་ཡིན་ཤག་གིས་ཉན་ནས་འགྲོ་བཞིན་པ་ཡིན། བཙན་བྱོལ་མདོ་སྟོད་ཆོལ་ཁོངས་སུ་མནའ་རབས་ཀྱི་རྒན་པོ་རུས་པ་ཅན་ཚོ་ཕལ་ཆེར་བ་བཤེགས་ཟིན་ལ། ད་ལྟ་རེ་འགའ་བཞུགས་པ་དག་ཀྱང་ལས་དོན་ལ་ལག་པ་འཆང་གི་མེད་སྟབས། ཁོ་ཚོའི་བར་གྱི་སེལ་ཐབས་མེད་པའི་འགལ་བ་དེ་ཚོའང་ད་ཆ་མངོན་གསལ་དང་ཛ་དྲག་གང་ཡིན་མིན། ལྷག་པར་དུ་མདོ་སྟོད་གཞོན་སྐྱེས་ཚོས་དེ་སྔར་གྱི་འགལ་བ་ནག་པོ་དེ་ཚོས་ཁུར་ནས་ནང་འཁྲུགས་རྒྱག་པའི་བསལ་བློ་དང་། ན་ཚ་རྙིང་པ་ཞིག་འདྲུ་ཡོང་ནས་ཕན་ཚུན་སེལ་ཐབས་མེད་པའི་ལས་ཀ་ཞིག་ལ་ཤི་འཐོམ་རོ་འཐོམ་མི་བྱེད་པ་གསལ་པོ་ཡིན། སྐབས་འདི་འདྲ་ལའང་ད་དུང་ཚོགས་པ་གཉིས་ཀྱི་མིང་ཐོ་ཞིག་སྤྱི་ཚོགས་སུ...

དེང་རི་ཤེལ་དཀར་པ་སངས་དོན་གྲུབ་པས། བཀའ་ཟུར་བདེ་སྐྱིད་ཆོས་དབྱངས་གིས་ཨ་རི་རླུང་འཕྲིན་ཁང་གིས་གོ་སྒྲིག་བྱས་པའི་སྲིང་སྐྱོང་འོས་མི་བར་གྱི་བགྲོ་གླེང་མ་བྱས་པའི་སྔ་ཉིན་ཏག་ཏག་ལ་གློ་བུ་དུ་རྒྱུད་རིམ་གང་ཡང་མེད་པར་སྲིད་སྐྱོང་གི་ཁྱིམ་ནང་ཕྱིན་ནས་ང་བཀའ་བློན་ནས་དགོས་པ་ཞུ་རྒྱུ་ཡིན་ང་རང་ད་ལྟ་འགྲོ་བཞིན་པའི་འོས་བསྡུའི་ནང་ཆ་ཤས་ལེན་འདོད་ཡོད།   ང་རང་ད་ལྟའི་འོས་བསྡུ་ལས་རིམ་འགྲོ་བཞིན་པ་འདི་ལ་བློ་ཕམ་ཡོང་གི་འདུག་ལ་ང་ཚོའི་མདུན་དུ་ལྷག་པའི་དཀའ་ངལ་མང་དག་གཅིག་ལ་གདོང་གཏད་དགོས་འདུག་པས།   བཀའ་བློན་ལས་ཐོག་ཡིན་ན་ཡོང་གི་མི་འདུག་ཅེས་སྲིད་སྐྱོང་ལ་ཞུས་འདུག།     བསྒྲགས་གཏམ་ཡི་གེ་ཞིག་ཀྱང་ཕུལ་བ་རེད་ལ་དེའི་ནང་འགོ་ཐོག་མ་ནས་ ” བློ་ཕམ་གྱི་སྒོ་ནས་ ” ཞེས་བྲིས་འདུག།     དེ་ནས་བཟུང་སྤྱི་ཚོགས་སུ་གསལ་ལ་མི་གསལ་གྱི་གསལ་བཤད་དེས་གླེང་གཞི་དང་རྙོག་གླེང་ཆེན་པོ་གྱུར་ནས་མི་མང་པོས་ཁོ་མོ་ནིོ་མདོ་སྨད་ཆོལ་ཁ་ཡིོན་པས་ཆོལ་ཞེན་ཀྱིས་ཚོགས་གཙོ་སྤེན་པ་ཚེ་རིང་ལ་རྒྱབ་སྐྱོར་བྱས་པ་རེད་ཟེར།   འགའ་ཤས་ཀྱིས་མདོ་སྨད་དབུས་རྒྱུན་གྱིས་གནོད་ཤུགས་སྤྲད་ནས་དེ་ལྟར་གནང་དགོས་ཆགས་པ་རེད་ཟེར།   དགྲ་བོ་རྒྱ་ནག་གིས་ཀྱང་རྡ་རམ་ས་ཡ...

བློ་སེང་སྲིད་སྐྱོང་ལ་མི་འོས་པའི་རྒྱུ་མཚན་ཆེན་པོ་གསུམ། ༼ རྒྱུ་མཚན་གསུམ་རེ་རེ་བཞིན་ཁུངས་མེད་རྫུན་གཏམ་ཡིན་པ་ར་སྤྲོད་བྱ་ངེས་ཡིན། ༽ རྩོམ་པ་པོ། ཚེ་རིང་རྡོ་རྗེ། ལན་འདེབས་མཁན། ཤེལ་དཀར་པ་སངས་དོན་གྲུབ་ནས།   གཅིག བློ་སེང་སྲིད་སྟེགས་སུ་འཚང་བ་ནི་སྒེར་དོན་སྒྲུབ་བྱེད་ཁོ་ན་ཡིན། ༼གཅིག། ལན་གཤམ་དུ་གཟིགས༽ བློ་སེང་ནི་སྤྱིར་བཏང་ནས་བོད་མི་རིགས་ལ་ཤ་ཞེན་དང་། བོད་མིའི་རང་དབང་སླར་གསོ། ཆོས་རིག་སྲུང་སྐྱོབ་སོགས་གཙོས་པའི་ལུས་སེམས་གཉིས་ཀ་བོད་དང་འདྲེས་པའི་བོད་མི་ཞིག་རྩ་བ་ཉིད་ནས་མིན། ( དེ་ལྟར་ཡིན་མིན་ཨ་རི་ལོ་བཅུ་གྲངས་བསྡད་ན་ཡང་ད་དུང་དེབ་སེར་པོ་མ་གཏོགས་ཨ་རིའི་མི་སེར་མ་བཟོས་པ་འདི་ཁོ་ནས་ར་སྤྲོད་བྱེད་ཐུབ་ལ།   ད་དུང་འབུམ་རམས་པའི་ཆེད་རྩོམ་དེ་ཡང་བཙན་བྱོལ་བོད་མིའི་མང་གཙོའི་སྐོར་ནས་ཆེད་དུ་བྲིས་པ་འདི་དག་ཞ་ར་མིན་ན་མཐོང་ཐུབ་པ་ཞིག་རེད) གསལ་ཁ་མེད་པའི་འབྲེལ་ལམ་སྣ་ཚོགས་བརྒྱུད་ནས་ཨ་རིར་སློབ་སྦྱོང་ངམ་གཞིས་སྐྱོད་གང་ཡིན་མི་ཤེས་པ་ཞིག་ཏུ་སོང་ཡོད་པ་དང་། ( ཤེས་རིག་ལས་ཁང་རྒྱུད་ནས་སློབ་ཡོན་ཐོབ་པའི་སློབ་མ་རྩེ་གྲས་ཀྱི་ཁོངས་སུ་བཏང་བ་ཡིན་པ་ཡོངས་གྲགས་ཡིན་བཞིན་དུ་འདི་འདྲ་སྡིག་པ་མིན་བཙུམ་གནང་བ་ནི་བཟང་སྤྱོད་མེད་པའི་མིའི...