སྲོང་བཙན་དྲ་བ།

བལ་ཡུལ་གྱི་ས་འགུལ། ས་ཆེན་གློག་འགྱུ་འགྲེས་པའི་ལྟེབ་སུལ་ན།། ཨ་ལོང་ཡང་ལོང་བརྒྱུས་པའི་གཡོ་སྐྱོམ་ཁྲོད།། ཚེ་སྲོག་མེ་ཏོག་ཁུམ་པའི་ཟློས་གར་དེ།། སྙིང་ལ་གཟན་མ་འདེབས་པའི་ཐོ་བ་ཞིག། ཁང་བརྩེགས་སྒྱེལ་བའི་ལེབ་མོའི་གཏིང་རུམ་ན།། སྙོམ་མོ་སྐད་ཀྱིས་བཅོལ་བའི་རེ་བ་དེ།། ཤ་ཟད་རུས་ལ་འཛེར་བའི་ཆག་ཧྲིལ་དེས།། ཚེ་སྲོག་མེ་ཏོག་ལྷན་དུ་རྒྱང་ལ་དེད།། གཅེས་ཕྲུག་པང་དུ་འཁྱུད་པའི་སོག་རུས་སྟེང་།། སྙིང་ཉེ་ལག་འཇུ་དམ་པའི་ཁྱིམ་ཕུགས་ན།། ལྗིག་ཐེབས་བླ་གབ་སྟུགས་པོས་བཙུར་མནན་འོག། ཤ་རུས་ཧྲུག་ཆག་སོང་བའི་ཚུལ་དེ་འཇིགས།། དཀུ་ཟླུམ་སྐབས་ཕྱིན་གཞོག་བཏུབ་ཕྱོགས་སུ་འཕངས།། ཕྱག་ཞབས་འཁོར་ལོའི་མཚན་འཁོད་དུམ་བུར་གྱུར།། དཀྱིས་རིང་སྤྱན་ཟུང་མ་ཟུམ་འགྱིང་པའི་སྐུ།། ཐལ་རྡུལ་གོད་ཆགས་དབུས་ན་ཉམས་རེ་ང་།། ས་ཆེན་འཁྲོས་པའི་འཕག་འཚག་ཟུར་ཐོ་དེ།། ཁ་ཤོར་མཆོད་རྟེན་བང་རིམ་སྟེང་དུ་བྲིས།། མི་ནག་སྐྱེ་བོས་བཟོས་པའི་ཆག་སྒོ་འདི།། མ་བརྗེད་དྲན་རྟེན་ཚུལ་དུ་ཉར་ནས་འདུག། --------------------- བལ་པོ། ཚེ་སྲོག་སྙིང་རྗེ་མོ།  གནའ་སྔ་མོ་སྔ་མོ་ཞིག་ནས་ མེས་པོ་ཨ་མྱེས་ཚོའི་དུས་སྐབས་ནས་ ཨ་ཅེ་ཁྲི་བཙུན་དང་ཁོང་གི་ཉེ་དུ་རྩ་ལག་ མི་བསྐྱེད་རྡོ་རྗེའི་འགྲུལ་བཞུད་རིང་མོ་ བྱ་རུང་ཁ་ཤོར་གྱི་གཏམ་རྒྱུད་སྙིང་ར...

ོ མདང་ནུབ་ང་རང་ལ་ངོ་དེབ་བརྒྱུད་ཨིན་ཡིག་གི་ལམ་ནས་ཡི་གེ་འགའ་འབྱོར་སོང་། ངས་ཁོ་ལ་སྐད་སྐུར་ཤོག་ལབ་པ་བཞིན་སྐད་ཆ་སྐུར་ནས་ངེད་གཉིས་ཕར་ཚུར་ཐེངས་མང་བཤད་རེས་བྱས་པ་ཡིན། ང་རང་ལ་བསམ་ཡུལ་ལས་འདས་པའི་སེམས་སྡུག་དང་སེམས་པ་ལྗིག་ཏིག་ཏིག་ཅིག་གིས་མནན་བྱུང་། ཁོང་ནི་མ་སུ་རི་ནས་སློབ་ཐོན་བྱས་ཏེ་ད་སྐབས་སློབ་གྲྭ་གཞན་ཞིག་ཏུ་ཡོད་འདུག་ཅིང་རྒྱ་གར་སླེབས་ནས་ལོ་ངོ་བཅུ་ཙམ་སོང་འདུག་པ་དང་། ཁོང་གིས་ཟེར་ན་སློབ་གྲྭ་ནང་དུ་ཧ་ལས་པའི་འཚོ་བ་སྐྱོ་པོ་སྐྱེལ་བ་ཡིན། འདིར་ཕྱོགས་སྤུན་མཆེད་དང་ངོ་ཤེས་སུ་གང་མེད་པས་སློབ་གྲྭའི་གུང་སེང་ཟླ་ངོ་དེ་དག་གང་ལའང་འགྲོ་ས་མེད་པ་ལྷག་སོང་། ད་སྐབས་ཀྱི་སློབ་གྲྭ་དེ་ན་སྔ་བཞིན་མིན་པར་འགྲོ་སོང་ཡང་མང་པོ་ཞིག་སྒེར་ངོས་ནས་གཏོང་དགོས་ཀྱི་འདུག སྤུན་མཆེད་དང་ངོ་ཤེས་སུ་ཡང་མེད་པས་དཀའ་ལས་ཁག་པོ་དཔེ་འདུག་ཅེས་ཁ་གསང་པའི་ཐོག་ནས་བཤད་སོང་།  ངས་ལེན་འདེབས་ཅི་འདྲ་ཞིག་བྱེད་དགོས་མིན་མ་ཤེས་པར་རེ་ཞིག་ལུས་སོང་། འོན་ཀྱང་མཐའ་མར་ངས་ཁ་གསང་པོའི་ཐོག་ནས་དོན་དངོས་བཤད་པ་ལས་བྱ་ཐབས་མ་རྙེད།  ང་རང་གྲྭ་ས་སླེབས་ནས་ལོ་༡༦ཙམ་ཡིན་ལོ་དུས་དེ་དག་རིང་དུ་འཚོ་བ་སྐྱོ་པོ་སྐྱེལ་ནས་སླེབས་པ་ཞིག་ཡིན། ད་སྐབས་ཡིན་རུང་སྐུ་འགྱེད་གསོགས་ནས་ཁ་གསོ་ཐབས་ཙམ་ལས་ཅི་ཡང་མེད་...

དགའ་ཕྱོགས་འདི་གང་ནས་རྙེད་པ་མ་ཤེས་ལ་དུང་བ་འདི་ཇི་ལྟར་ལོབས་པ་མ་རྟོགས་པའི་མི་ཚེ་འགྲུལ་བཞུད་ཁྲོད་ན་དགའ་ཕྱོགས་ཤིག་དང་དུང་བ་ཞིག་སྔ་མོ་སྔ་མོ་ནས་ཡོད་འདུག འདོར་མི་ཐུབ་པའི་དགའ་ཕྱོགས་དེ་དང་བསྒྱུར་མི་གཏུབ་པའི་དུང་བ་དེ་ཡིས་ངེད་ཀྱི་མི་ཚེ་ལ་སྤྲོ་སྣང་དང་རེ་བ། ཆེས་སྐྱིད་པོའི་རྨི་ལམ་རེ་རྟག་ཏུ་རྨིས་འཇུག་པས་ནམ་ཡང་ང་རང་སྤྲོ་སྣང་གི་ཕྱོགས་སུ་གོམ་པ་རེ་རེ་བཞིན་སྤོ་དགོས་པའི་སྐུལ་ལྕག་གཏོང་གི་ཡོད། མི་ལོ་བཅུ་ལ་རུམ་པའི་རྨི་ལམ་དེ་ནི་ཐུང་ཐུང་ཞིག་མིན་ལ་དྲན་ངོས་ན་གསལ་བའི་མི་ལོ་དེ་དག་གི་ཁུག་པ་ན་ཆེས་དཀའ་སྡུག་བཙུར་མནན། གོམ་པ་རེ་རེའི་འདེགས་འཇོག་ཀྱང་ལྗིག་ཏིག་ཏིག་རེ་ཡོད་པ་ན། སུག་བཞི་འཛུགས་དགོས་ཐུག་རུང་ཨ་ནན་ཨུ་ཚུགས་ཀྱིས་འགོས་པའི་འབར་འབུར་ལ་ལྕོག་གི་ཉ་ག་ནས་རྦབ་འདྲིལ་གྱིས་ལ་འདབས་ལ་སླེབས་ཡོད་པས། ཕྱི་བལྟས་རེ་བྱེད་དུས་མགོ་བོ་ཕར་གཡུག་ཚུར་གཡུག་གིས་དབུགས་རིང་རེའང་ནར་གྱིས་ཤོར་འགྲོ།  ད་རེས་ཀྱི་རྒྱལ་ཁའི་རྔ་ཆེན་རྡུང་བའི་སྐད་སྒྲ་དེས་ངེད་ཀྱི་རྨི་ལམ་དེ་རྨི་ལམ་ཞིག་མ་ཡིན་པར་རང་ལག་དྲོད་མོ་ན་ཆུ་བུར་མིག་གིས་ལྟ་ཉན་མྱོང་གསུམ་བྱེད་ཐུབ་པས་རྨི་ལམ་མངོན་འགྱུར་བྱུང་བའི་རྣམ་འགྱུར་གསོན་པོ་དེ་གྲུབ་ཡོད་པ་དཔང་པོར་བྱས།  ད་ཐེངས་ཀྱི་སྲོང་བཙན་...

                                      སེར་བྱེས་དངོས་དགའ། ཡ་གི་ལྷ་ལ་ལོག་དགར་དམིགས་བསལ་མེད། ། མ་གི་བྲན་ལའང་དོག་ལྟ་གདོད་ནས་བྲལ། ། ཡོད་ཚད་དྲང་ཐད་གཅེས་པའི་རིགས་འཕྲུལ་ལ། ། སྙིང་ནས་གུས་ཤིང་བརྩེ་བས་ཤིས་པ་སྩོལ། ། རྟོག་འཆར་རིགས་རླབས་གནད་གསང་མཐའ་དང་བྲལ། ། རེ་རེ་གཅོད་ཀྱང་དཀའ་སྡུག་དཔག་མེད་ཀྱང་། ། གོ་རྟོགས་རིན་ཆེན་གླིང་གི་ཉམས་ཡངས་པོ། ། ཡིད་ལ་དྲན་པས་དགའ་བ་ལྷང་གིས་སྐྱེ། ། དེ་སླད་ལུང་རིགས་ཚད་ཐུབ་དཔུང་དུ་བསྐྱེད། ། གཟུར་གནས་བློ་ཡིས་དོན་ལ་དམ་འཁྱུད་ཅིང་། ། དགག་གཞག་བྱ་བའི་ཚུལ་ལུགས་གཅེས་བཟུང་སྟེ། ། རང་གི་ཉམས་འཆར་ལྷུག་བརྗོད་འདི་ན་སྤྲོ། ། ཞེས་སྔོན་དུ་འགྲོ་བའི་ཚིག་གིས་ལམ་ཡངས་པོར་ཕྱེ་སྟེ། འདིར་སྐབས་སུ་བབས་པ་བློ་རིགས་བདུན་དུ་གྲགས་པའི་ནང་ཚན་སྣང་ལ་མ་ངེས་པའི་བློ་ཡོད་མེད་ལ་སྤྲོས་དཔྱད་ཀྱི་ལམ་ནས་དོགས་སློང་བྱེད་པ་ལ། སྤྱིར་ས་པཎ་གྱི་རིགས་གཏེར་རྩ་འགྲེལ་དང་། རྗེའི་ཚད་མ་དོན་གཉེར་ཡིད་ཀྱི་མུན་སེལ་དང་། གོ་རམས་པའི་སྡེ་བདུན་རབ་གསལ་དང་རིགས་གཏེར་དོན་གསལ་གཉིས་དང་། ཤཱཀྱ་མཆོག་ལྡན་པའི་རྟོག་གེའི་འཁྲུལ་མཇོམས་ཆེན་མོ་དང་། རྗེ་བཙུན་པའི་སྤྱི་དོ...

ཨན་ཌོ་(Android)མ་ལག་གི་ཁ་པར་སྤྱོད་མཁན་ཚོ་ལ་རང་གི་ཁ་པར་དུ་བོད་ཡིག་ཡོད་རུང་གཅིག་གྱུར་གྱི་དཀའ་ངལ་དེ་ནི་Google chrome སོགས་དྲ་འབྱེད་མཉེན་ཆས་ནས་དྲ་ཚིགས་ཁག་ལྟ་དུས་བོད་ཡིག་འཐོར་ཞིག་སོང་ནས་ལྟ་ཀློག་མི་ཐུབ་པ་དེ་རེད། དཀའ་ངལ་འདི་སེལ་དགོས་ན་ཁྱེད་ཀྱིས་UC Browser ཞེས་པ་འདི་ཕབ་ལེན་བྱས་ནས་བཀོལ་སྤྱོད་བྱོས། འདི་ནས་བོད་ཡིག་གི་དྲ་ཚིགས་ཁག་ལེགས་པར་ཀློག་ཐུབ། འདི་ཉིད་opera mini དང་མི་འདྲ་བར་ཁ་པར་གྱི་ཡིག་གཟུགས་ཅི་ཞིག་བརྗེ་རུང་དེ་བསྟུན་གྱི་ཡིག་གཟུགས་འགྱུར་བ་ཐེབས་ཀྱི་རེད།

སྔས་མགོའི་ཐད་ཀྱི་སྒེའུ་ཁུང་ཞིག་རལ་དེ་ལས། ཁ་སྦུབ་ཏུ་ཉལ་ཏེ་བལྟས་བལྟས་ལ། མཚེར་བའི་དུང་ཟླ་དང་འདར་བའི་སྐར་མ་དག གཡར་དྭགས་པའི་མཁའ་དབྱིངས་ནས། ཧ་ཅང་གསལ་བར་མཐོང་། གཡས་ཟུར་གྱི་སྒེའུ་དེ་ནས་ཡང་། ཁྱིམ་མཚིས་བཟའ་ཚང་དེ་གཉིས་ཀྱི་ཁང་ཆུང་གྲུབ་བཞི་དེར། བྱིས་པ་ངུ་བའི་སྐད་སྒྲ་གཟན་པོ་དེ་ནམ་ཡང་མ་འཇགས་པས། ཁོང་ཁྲོའི་རླུང་ནག་སྟོད་ན་རྒྱུ་ཡོང་གི་འདུག འབུ་སྲིན་གྱི་ཙིར་ཙིར་སྐད་སྒྲ་དེས་ཀྱང་སྙིང་འབིག་པ་བཞིན། རྣ་ལ་གཟན་ཞིང་སྙིང་ལ་འཛེར་བའི་མཚེར་མ་ཞིག་རེད་ཨང་། ཆུ་ཚོད༡༢ཟིན་སོང་། ད་དུང་མ་འཇག་པས། ད་དུང་ཁོང་ཁྲོ་དང་ངུ་སྐད་མ་འཇགས་པས། རྐང་རྡེབ་ལག་རྡེབ་ཀྱིས་སྒོ་རུ་ཐོན། ནགས་གསེང་ནས་གླང་ཆེན་གྲགས་བྱུང་། རླུང་གིས་དེད་ནས་ལྕང་མའང་འགུལ་བྱུང་། འུར་འུར་ཀྱིས་སྐད་ཤུགས་དེ་ཇེ་མཐོ་རེད། འཇིག་ཡེར་ཡེར་དེ་ནས་ཉལ་ས་ལ་ལོག་མོད། ད་དུང་ངུ་མཚམས་འཇོག་མི་འདུག་པས། ཁང་ཆེན་དེར་བལྟས་ནས་ཚིག་པ་ཟ་བཞིན་གཉིད་དུ་ཡིད་འདུག

༡) ཡབ་ཡུམ་གཉིས་ཀྱི་མཚན་དང་ཕྱི་ལོ་གང་དང་རབས་བྱུང་གང་ལ་འཁྲུངས། ༢) དགུང་ལོ་ནམ་ཞིག་གི་ཚེ་སུ་ལས་དགེ་བསྙེན་སྒྲུབ་མཚན་གང་བཏགས། ༣) ཆོས་རྗེ་དོན་རིན་པ་དང་དགུང་ལོ་ག་ཚད་སྐབས་སུ་མཇལ་ཁོང་གི་དྲུང་དུ་དགུང་ལོ་ག་ཚད་དུས་སུ་ཕེབས། ༤) རབ་ཏུ་མ་བྱུང་གོང་དུ་ཆོས་རྗེ་དོན་རིན་པས་གསང་སྔགས་ཀྱི་དབང་གནང་དང་གསང་མཚན་གང་བཏགས། ༥) བཅོམ་ལྡན་འདས་ཕྱག་ན་རྡོ་རྗེ་གཏུམ་པོ་ཕྱག་གཉིས་པའི་རྣམ་པ་ཞིག་ཡུན་རིང་པོའི་བར་དུ་ནུབ་རེ་ཞིང་མནལ་ལམ་གསལ་བར་འཆར་བ་དང༌། ཁྱད་པར་ཇོ་བོ་ཆེན་པོ་དཔལ་ལྡན་ཨ་ཏི་ཤ་མནལ་ལམ་དུ་ནར་མར་འོང་བ་ཞིག་བྱུང༌བ་འདིའི་རྟགས་མཚན་ཅི་ཡིན། ༦) དགེ་ཚུལ་གྱི་སྡོམ་པ་བསྒྲུབ་ཡུལ་དང་སྒྲུབ་དུས། མཁན་པོ་དང་ལས་སློབ་ཀྱི་མཚན། དགེ་ཚུལ་གྱི་མཚན་གང་གསོལ། ༧) དབུས་སུ་ཕེབས་དུས་དགུང་ལོ་དུ་ཡིན་དང་ཕེབས་རོགས་སུ་ཡོད། ༨) དབུས་སུ་ཆེས་ཐོག་མ་དགོན་པ་གང་ལ་ཕེབས། བླ་མ་སུ་མཇལ། ཆོས་སྐོར་གང་གསན། ༩) གསོ་དཔྱད་སྦྱོང་སའི་སློབ་དཔོན་སུ་ཡི་དང་གཞུང་གང་སྦྱོང་པ་གནང་། གཞུང་དེ་མཛད་མཁན་སུ་ཡིན། ༡༠)  དབུས་སུ་ཐོག་མ་ཕེབས་སའི་གདན་ས་དེ་གང་རེད། ༡༡) བདེ་བ་ཅན་སུས་ཕྱག་བཏགས། འཇམ་སྐྱ་སུ་ཡིན། ༡༢) བདེ་བ་ཅན་ཐོག་མའི་ཆོས་འབྲེལ་གསན་སའི་བླ་མ་གཉིས་མཚན་གང་ཡིན། ༡༣) ཕར...

ད་ལོ་རི་བོ་དགེ་ལྡན་པའི་རྒྱལ་སྤྱིའི་དགེ་ལྡན་ལྷན་ཚོགས་ནས་སྔ་ལོའི་གྲོས་ཆོད་བསྐྱར་བཅོས་ཀྱིས་གུང་སེང་མ་གཏོགས་ཁ་པར་སོགས་འཕྲུལ་རིགས་གཏན་ནས་བེད་སྤྱོད་མི་ཆོག་ཅེས་གྲོས་ཆོད་འཇོག་གནང་ཞིང་། གདན་ས་གྲྭ་ཚང་ཁག་གིས་དམ་ནན་བྱེད་དགོས་པས་བཀའ་རྒྱ་ཕེབས་འདུག་པར་གཞི་བཟུང་གིས་འདི་ག་གྲྭ་ཚང་དུ་འདིའི་ཐད་དོ་ནན་ཆེས་ཆེར་བཏང་ནས་ཧ་ཅང་ཛ་དྲག་ཅན་དུ་གྱུར་ཡོད།  མ་གཞི་གྲོས་ཆོད་འདི་འདྲ་འཇོག་དགོས་པའི་གཞི་རྩ་ནི་སྔ་ལོ་ཞིག་ལ་༸གོང་ས་མཆོག་གི་སྙན་དུ་ཕྱི་རྒྱལ་དུ་བཞུགས་པའི་དགེ་བཤེས་ཤིག་གིས་གདན་ས་ཁག་ཏུ་སློབ་གཉེར་ཉམས་ཆག་འགྲོ་གཞིར་ལ་ཁ་པར་བེད་སྤྱོད་གཏོང་མཁན་མང་ཚུལ་ཞུས་པ་ལས་༸གོང་ས་མཆོག་གིས་ཁ་པར་སོགས་རྣམ་གཡེང་གི་རྒྱུ་རྐྱེན་མང་དུ་སོང་ནས་སློབ་གཉེར་འཐུས་ཤོར་སོང་ན་མི་འགྲིག་པའི་དཀའ་སློབ་ཕེབས་གནང་དང་། གདན་སའི་མཁན་ལས་ཟུར་ཚོར་སློབ་གཉེར་ཚགས་ཚུད་དང་ཡར་རྒྱས་གོང་འཕེལ་གཏོང་ཐབས་ཅི་ཡོད་ཚོགས་འདུ་འཚོགས་ཐུབ་ན་ཡག་པོ་ཡོད་ཚུལ་གསུངས་གནང་ལ་བརྟེན་ནས་འདི་ལོ་རྒྱལ་སྤྱིའི་དགེ་ལྡན་ལྷན་ཚོགས་འཚོགས་ནས་གྲོས་གཞི་དང་གྲོས་ཆོད་གསར་འཇོག་དང་བསྐྱར་བཅོས་འགའ་རེ་གནང་ཡོད་པ་རེད།  ལྷན་ཚོགས་ཀྱིས་དགོངས་པ་ཆེ་བཞེས་ཀྱིས་གྲོས་ཆོད་དེ་འདྲ་འཇོག་ཡོད་པ་ཐེ་ཚོམ་མེད་རུང་གྲོས་ཆོད་འདིས་འཕྲ...