སྲོང་བཙན། མདང་དགོང་མཚན་དཀྱིལ་ནས་མགོ་བཙུགས་ཏེ་རྒྱ་གར་གཞུང་གིས་རྒྱ་ནག་གིས་བཟོས་པའི་མཉེན་ཆས་མི་འདྲ་བར་59བཀག་སྡོམ་བྱེད་པའི་གསལ་བསྒྲགས་སྤེལ་ཡོད། ཉེ་སྔོན་ས་མཚམས་སུ་དོན་རྐྱེན་བྱུང་བས་ལ་དྭགས་པ་བསོད་ནམས་དབང་ཕྱུག་གིས་རྒྱ་ནག་ལ་དམག་འཁྲུག་གཅིག་བུས་ཁ་གཏད་བཅག་པ་ལས་མཉེན་ཆས་སྤྱོད་མཚམས་འཇོག་པ་དང་ཚོང་འབྲེལ་མཚམས་འཇོག་བྱེད་པ་དེ་ནུས་པ་ཆེ་བ་ཡོད་པས་རྒྱ་གར་མི་མང་ཚོས་རང་རང་གིས་རྒྱ་ནག་ལ་ནུས་ལྡན་གྱི་དམག་འཁྲུག་འདི་རྒྱག་དགོས་པས་འབོད་སྐུལ་བྱས་ཡོད་པ་དང་རྐྱེན་དེས་རྒྱ་ནག་གི་མཉེན་ཆས་བསུབ་བྱེད་ཀྱི་Remove China App ཞེས་པའི་མཉེན་ཆོས་བཟོས་ཏེ་རྒྱ་ནག་གི་མཉེན་ཆས་བསུབ་པའི་ལས་འགུལ་ཡང་འབྱུང་མུས་རེད། གྷལ་ཝན་ལུང་གཤོངས་སུ་རྒྱ་དཀར་ནག་གཉིས་གདོང་བྱུང་སྟེ་ཕན་ཚུན་གས...