སྲོང་བཙན་དྲ་བ།

རྒན་ལགས་ཁོང་རྣམ་པའི་བཀའ་དྲིན་ནི་གཞལ་ཐབས་བྲལ་ཞིང་བརྗོད་ན་བཤད་མི་ཚར་བའི་ལོ་རྒྱུས་དང་འབྲི་ན་རྫོགས་རྒྱུ་མེད་པའི་གཏམ་རྒྱུད་ཡོད། འོན་ཀྱང་ལོ་རྒྱུས་དང་གཏམ་རྒྱུད་གང་ཡང་བཤད་མི་དགོས་པར་ད་ལྟ་ང་ཚོའི་མིག་མདུན་དེ་རང་ན་རྒན་ལགས་རྣམ་པ་སྐུ་གཟུགས་གསལ་ཐང་དང་ཚེ་མཇུག་བདེ་སྐྱིད་ངང་སྐྱེལ་ཐུབ་པ་འདི་ང་ཚོ་ལ་མཚོན་ན་ཆེས་དགའ་སྤྲོ་དང་ཆེས་བདེ་སྐྱིད་དེ་ཡིན་ཟེར་ཆོག   ཁྱེད་ཅག་ནི་ཁོ་བོའི་མེ་ཚེ་ལ་འོད་སྣང་སྦར་མྱོང་བའི་སྙིང་གི་སྒྲོན་མེ། ནམ་ཡང་བཀའ་དྲིན་གསག་པར་དཀའ་བའི་དྲིན་ཆེ་བ་ཤ་སྟག་ཡིན། ཁྱེད་ཅག་གིས་བཞག་པའི་ " བསླབ་བྱ " དང " བཀའ་སློབ " ཡོད་ཚོད་ང་ཚོའི་ཤ་རུས་གསེང་ལ་ཟུག་ཡོད། ཤ་རུས་མཐོར་ནའང " བཀའ་སློབ " དང " བསླབ་བྱ " དེ་ཚོ་འཇིག་མི་སྲིད།   ང་ཚོ་ལ་ས་འདིར་ཕ་མ་ཟེར་བའི་བྱམས་སྐྱོང་བཟོ་མཁན་མེད། འོན་ཀྱང་རྒན་ལགས་རྣམ་པ་ནི་སྔ་ལའང་ཕ་མའི་ཚབ་བྱས་ཡོད། ད་ལྟའང་ཕ་མའི་ཚབ་ཡིན། སླད་ནས་ཀྱང་ཕ་མའི་ཚབ་དེ་ཡིན། ང་ཚོ་ལ་དགོས་པ་ནི་རྒན་ལགས་རྣམ་པ་ཡིན། དེ་ལས་ཀྱང་ཁོང་རྣམ་པ་སྐུ་ཚེ་རིང་དུ་བརྟན་རྒྱུ་དེ་ཡིན། དགུང་ལོ་བརྒྱད་ཅུ་ནི་མི་ཞིག་གི་མི་ཚེ་ལ་མཚོན་ན་ཧ་ཅང་ལོ་མཐོ་བའི་ཚོད་གཅིག་ལ་བཞག་ཆོག འདི་ཙམ...

ད་ལྟ་ལོ་གསར་ཚེས་གཅིག་རྫོགས་པར་ཆུ་ཚོད་གཅིག་ཙམ་ལས་མི་འདུག ཉིན་མོ་འདི་ནི་ངེད་ཅག་བོད་པ་ཚོའི་བཀྲ་ཤིས་པའི་ཉིན་མོ་ཞིག་སྟེ། ཉིན་འདིར་ནང་མི་ལྷན་འདུས་དང་དགའ་ཉེ་མཉམ་འཛོམས་བྱས་ཏེ་དགའ་དགའ་སྤྲོ་སྤྲོ་གནང་བའི་དུས་ཚོད་གལ་ཆེན་ཞིག་ཡིན། ངས་ཀྱང་དུས་ཚད་འདི་དམ་འཛིན་གྱིས་ནང་མི་མཉམ་འཛོམས་ངང་དགའ་སྤྲོ་ཞིག་བྱ་དགོས་བསམ་རུང་། འདི་ནི་རྨི་ལམ་ཙམ་ལས་མངོན་འགྱུར་བྱ་ཐབས་དཀའ་བ་ཞིག་ལོས་ཡིན་པའང་དྲན་གསོ་ཐེབས་བྱུང་། ད་བར་བཙན་བྱོལ་དུ་སླེབས་པའི་ལོ་ཟླ་དེ་དག་གི་རིང་དུ་དཀའ་སྡུག་གི་མི་ཚེ་རིང་མོའི་བསྐོས་འཛེག་ཏུ་གོམ་པ་ར་རེ་བཞིན་སྤོས་ཏེ་སླེབས་ཡོད་ཅིང་འདི་ནི་དཀའ་ཚེགས་ཀྱི་རིམ་བཞུད་ཅིག་ཡིན་རུང་དེ་ལས་ཀྱང་བཟོད་པ་དཀའ་བ་དེ་ནི་ཕ་མ་དང་ཁྱིམ་ཚང་ཁ་བྲལ་བའི་སྐྱོ་སྡུག་དེ་ཡིན། ཡིད་སྐྱོ་དགོས་པའི་གནས་ཚུལ་འདི་ནི་ང་ཙམ་མིན་པར་མི་ཆེས་མང་པོ་ཞིག་ལ་ད་ལྟ་ཡང་འཕྲད་བཞིན་ཡོད་པའི་དཀའ་ངལ་ཆེ་ཤོས་དེ་ཡིན་ཞེའ་ཟེར་ཆོག་པ་འདྲ། སྟབས་ཡག་པའི་གནད་དོན་ཞིག་ནི་ད་ཆར་བརྡ་འཕྲིན་གྱི་འཕེལ་རླབས་མྱུར་ཞིང་དང་དྲ་བའི་དུས་རབས་སུ་སྐྱོད་མགྱོགས་པས་འཛིང་གླིང་མཐའ་རྒྱ་ཆེ་རུང་སྐར་ཆ་ཁ་ཤས་ནང་དུ་ཕན་ཚུན་འཚམས་འདྲི་དང་གནས་ཚུལ་འདྲི་རེས་བྱ་ཆོག ཁོ་བོས་ཀྱང་ཕ་མ་གཉིས་པོར་ཁ་པར་བཏང་ནས་སྟབས་བ...

( ཕ་ཡུལ་ཁ་བས་གཡོག་པ་མཐོང་རྗེས། ) རི་འདབས་སྡེ་པའི་སྒོ་ཁྱི་ཚང་ནས་ཟུག དུ་ཁྱིམ་རེ་ནས་དུ་ཞག་རིང་དུ་འཕེན།། ས་གཞི་མ་ལུས་གྲང་འཁྱགས་དགུན་གྱིས་བཙིར།། ཞོགས་པའི་ཕ་ཡུལ་དགུན་གྱི་ཁ་བས་ཁེབས།   ཁ་བ་ལོ་རིང་ཁ་བའི་རུམ་ན་ཉལ།། རྫ་ཆུ་དྭངས་མོ་ཁ་བའི་ལག་ན་རྒྱུ།། རི་བརྒྱུད་གླང་པོ་ཁ་བས་ནན་གྱིས་མནན། ཞོགས་པའི་ཕ་ཡུལ་ཁ་བའི་ཞིང་ཁམས་ཡིན།། རྒྱ་ཕིབས་གསེར་མདོག་དངུལ་དཀའ་ཁ་བའི་བྱུག། བྱ་འདབ་འོག་ཏུ་གངས་ཀྱི་འདབས་མ་བརྩེགས།། ཁྱུང་འཕྱང་ཁ་ན་གཡེར་ཁའི་སྨྲ་ལྕེ་ཁུམས།། ཞོགས་པའི་ཕ་ཡུལ་ཁ་བའི་ཕོ་བྲང་ཡིན།། ནག་ཅིང་སྣུམ་པའི་ལམ་ཆེན་རེངས་ཤིང་འཁོབ།། མཐོ་ལ་བརླིང་བའི་ཁང་རྩེགས་གྲང་ཤིང་འཁྱགས།། ལྕང་མའི་མགོ་བོ་གངས་དཀར་འདབ་མས་གཡོག། ཞོགས་པའི་ཕ་ཡུལ་ཁ་བའི་གྲོང་ཁྱེར་ཡིན།། གོ་ཁའི་སྔུན་ན་མ་ཡུལ་བྲེལ་ཅིང་རྒྱུ།། ས་ཐབ་ནང་ན་མེ་ཕུང་འུར་ཞིང་འབར།། དྲོས་ཇ་རན་ཀྱང་ཨ་ཕས་སྔུར་སྒྲ་འདོན།། ཞོགས་པའི་ཕ་ཡུལ་ཁ་བའི་ཁྱིམ་གཞིས་ཡིན།། 2017-2-24 དཀར་མཛེས་ཁ་བ་ལོ་རིང་། = ཁ་བ་གླང་རི། ཁ་བ་ལུང་རི་སོགས་འབྲི་སྟངས་མང། རྫ་ཆུ། = དཀར་མཛེས་ནས་རྒྱུ་བའི་གཙང་པོ།།

( རྒྱལ་སྤྱིའི་སྐད་ཡིག་ཉིན་མོར་རྗེས་དྲན་མཚོན་བྱེད། ) སྐད་ཡིག་གསེར་ཐག་བཞིན་དུ་འགུལ་ལ་བརྒྱན།། སྐད་ཡིག་རྣ་ལོང་ཇི་བཞིན་སྙན་དུ་འདོགས།། སྐད་ཡིག་མིག་འབྲས་ལྟར་དུ་གཅེས་པར་བཟུང་།། སྐད་ཡིག་ལག་པའི་བར་ནས་ཤོར་མི་རུང་།། མ་སྐད་ཨ་མའི་སྙན་དབྱངས་རོལ་མོའི་ཚུལ།། མ་སྐད་ངག་ནས་འཁྲོལ་བའི་མགྲིན་བཟང་ལས།། མ་སྐད་ཚིག་ལ་བརྒྱུས་ཏེ་དབྱངས་སུ་བཀུག།།   མ་སྐད་ཀ་མད་སུམ་ཅུ་བོར་མི་རུང་།། ཕ་སྐད་དག་པ་སྨྲ་བའི་ཁ་ལྕེ་དགོས།། ཕ་སྐད་ཇི་བཞིན་འབྲི་བའི་ལག་རྩལ་མཁོ།། ཕ་སྐད་རྒྱུད་དུ་སྤྱོད་པའི་སྙིང་སྟོབས་དགོས།། ཕ་སྐད་བརླག་པར་མ་བྱེད་ཕ་བཟང་བུ།། རང་སྐད་རང་གིས་སྤྱོད་པའི་སྤོབས་པ་དགོས།། རང་སྐད་གཞན་ལ་སྤེལ་བའི་མཁྱེན་རྒྱ་དགོས།། རང་སྐད་གོང་འཕེལ་གཏོང་བའི་ཆོད་སེམས་དགོས།། རང་སྐད་ཉམས་པར་མ་བྱེད་གངས་ཅན་པ། སྐད་ལ་བག་ཆགས་འཇོག་ཙམ་བྱེད་དགོས་མེད།། སྐད་ཡིག་འཕགས་ནོར་བདུན་ལྡན་ལག་ན་ཡོད།། སྐད་ཅིག་ཡུན་ཐུང་ཙམ་ཡང་མ་ལྷོད་པར།། སྐད་ཡིག་བདག་གཅེས་མཛོད་ཅིག་རིགས་ཀྱི་བུ། གཞན་སྐད་དག་པ་སྨྲ་རུང་རང་སྐད་མིན།། གཞན་སྐད་ཇི་བཞིན་ཤེས་རུང་ཕ་སྐད་མིན།། གཞན་སྐད་མ་ལུས་མཁྱེན་ཀྱང་མ་སྐད་མིན།། གཞན་སྐད་མ་ཡིག་ཚུལ་དུ་མ་ས...

ཉི་མ་ནུབ་རི་རྒྱབ་ནས་ཕྱེ་ཙམ་ཞིག་མངོན་འདུག། ཁྲག་དམར་རླན་གྱིས་ཕྱི་ནང་ཚོས་པ་དེ་ཨེ་ཡིན། དམར་ལ་འོད་མདོག་སྐྱོ་བའི་རྒས་ཉམས་ཤིག་བཟུང་སྟེ།། བདག་སོགས་སྣོད་བཅུད་གཉིས་ཀ་དམར་ནག་ཅིག་བཟོས་བྱུང་།།   རྐང་སྣེས་འཕྲད་ལམ་གཅོད་བཞིན་བག་ཡངས་སུ་རྒྱུ་བ།། དགྲ་བཅོམ་ཕེབས་ལུཌ་མིན་ཡང་གཤིས་འཇམ་གྱི་ཚུཌ་ཡོད།། མཐོང་ན་མི་མཐུན་མེད་པ་འདི་རིགས་ལ་ཟེར་སྙམ།། ལྟ་མཁན་སུ་ཡང་མ་བྱུང་སྐྱོ་སྐྱོ་ཞིག་བྱུང་སོང་།། ཡ་གི་སྤང་ཁུག་དེ་ན་ཟོག་ཁྱུ་ཞིག་འཛོམས་ནས།། ས་ལ་མགོ་བོ་དྲུད་བཞིན་ལྷོད་པོ་ཞིག་སྡོད་འདུག རྭ་རྩེ་གྱེན་དུ་གཟེངས་བའི་བླང་རྒན་དེས་བལྟས་བྱུང་།། སྒྲ་མེད་གསང་བརྡ་སྤྲོད་འདྲ་ཚང་མ་དེ་འདྲོགས་སོང་།། རྭ་ལེབ་མ་ཧེ་ཚོན་པོ་ཕོ་ཤེད་དེ་ཚ་བ།། ཕྲ་ཐུང་རྔ་མ་དེ་ཡང་གཡུག་གཡུག་འདྲ་བྱས་ནས།། རྒྱུག་དང་མཆོང་གྲགས་བྱས་པའི་སྟ་གོན་དེ་བྱས་པས།། བླ་རྒན་སྐྲག་འགོ་དེ་ཡང་འདི་ཉིད་ནས་ཚུགས་བྱུང་།། དཔའ་མདོག་ཁྱི་ལ་བཟོ་དགོས་བཤད་ཚུལ་དེ་ཡོད་རུང་།། རྫིག་མདོག་ཟོག་ལ་མི་འགྲོ་ངེས་གཏན་དེ་ཡིན་པས།། ལྐུག་རྟགས་ལོ་དགུ་སྟོན་ན་སྡུག་གྱོང་དེ་མྱོང་སྲིད།། དེ་དུས་དེ་ན་ངུས་ཀྱང་སྐྱབས་མཁན་ཞིག་མེད་ངེས།། དེང་གི་སྤྱི་ཚོགས་གྲས་ན་གྲྭ་བླ་དག་སྡང...

རི་འགོ་སྨུག་པ་ཁ་བ་བཞིན་དུ་བབ།། སྨུག་སྤྲིན་གསེང་ན་གླང་པོ་ཁྱུ་ཞིག་རྒྱུ།། ཞོགས་པ་འདི་ནི་ཞོགས་པ་མ་ཡིན་སྟེ།། ས་གཞི་མ་ལུས་མུན་པའི་ཕྱོགས་སུ་འདེད།། ལྗོན་ཤིང་སྣ་ཚོགས་གཉིད་ཀྱི་ཞིང་ཁམས་འགྲིམ།། སྨྱུག་འདབ་རྩེ་ནས་ཟིལ་བའི་ཐིགས་པ་ལྷུང་།། ས་གཞི་ངོས་ན་ཀོང་བུ་བརྒྱད་ཅུ་བྲུས།། རང་བྱུང་ཁམས་ཉིད་ག་ལེ་ག་ལེར་འགྱུར།། གནམ་གྱི་རྒྱ་མོ་སྔོ་ཉམས་སྟོན་དུ་མེད།། ཁྲི་གདུགས་ཉི་མ་འཛུམ་སྐལ་མ་ཡོད་པས།། ནག་ཅིང་སྟུགས་པའི་ནགས་ཁྲོད་གྲུ་བཞི་ན།། རྐང་འགོ་བལྟས་ནས་དལ་གྱིས་དལ་གྱིས་སྐྱོད།། རྣ་གཤོག་གཉིས་ལ་ལག་མཐིལ་རེས་ཀྱིས་སྦྱར།། ལག་པའི་སྙིམ་པར་ཁ་རླངས་ཧར་ཧར་བཏབ།། ཕུ་ཐུང་ངོས་སུ་སྣ་ཆུ་འཛར་ར་ར།། འཁྱགས་ཤིང་འཁྱགས་ན་འདི་འདྲ་ཡོང་རྒྱུ་གདའ།། 2017-2-9

རི་འདབས་ནགས་ཀླུང་སྟུག་པོ་གོས་སུ་ཀླུབས།། རི་སྐེད་སྨུག་པ་འཁྱིལ་ཞིང་ལྷག་རླུང་ལྡང་།། རི་འགོ་གནམ་ལ་ཟུག་ཅིང་བརྗིད་པ་འདི།། རི་རྒྱལ་ལྷུན་པོ་དེ་དང་ནོར་ས་ཡོད།། ཆར་ཆུ་མི་ཁོག་ཐིགས་པས་རི་མོ་བྲིས།། ལྷག་རླུང་མི་བཀག་ཤུར་ཤུར་གླུ་སྒྲ་གྱེར།། ཉི་ཟེར་ཉག་ཕྲ་ཁུང་བུ་བརྟོལ་ཞིང་རྒྱུ།། ཁང་གོག་འདི་ནི་ཁང་པ་མ་ཡིན་སྙམ།། སྒེའུ་ཁུང་གྲུ་བཞིར་ལྕགས་ཀྱི་དྲ་མིག་གཡོགས། སྒོ་ཆུང་ནག་རལ་ཟྭ་ཡི་རྟགས་ཐམ་མནན།། མལ་ས་དེ་ལས་ཁྱིམ་ཆས་མ་ཡོད་ནའང་།།   བདག་པོ་ཡོད་མདོག་རྐུན་རྒོད་འགོག་ཟོལ་བྱས།། སྡོམ་ཐག་དྲ་བའི་ཉ་རྒྱ་བླ་བྲེ་ཕུབ།། གྲོག་ནག་ཁྱུ་འདུས་མགྲོན་པོ་འུར་འུར་འདུར།། མཚན་གསོལ་མ་ཤེས་སྣ་ཚོགས་འབའ་འབུས་གང་།། འདི་འདྲ་དེ་ནི་འདྲེ་ཁང་ཨེ་ཡིན་སྙམ།། ཉི་ནུབ་ཙམ་ལ་ཁྭ་ཏས་ཐན་སྐད་འབྱིན། མཚན་ཕྱེད་དེ་ན་སྟག་གི་ཧར་སྒྲ་འདོན།།   ནམ་སྟོད་ཟིན་ན་གླང་གིས་དུང་ཆེན་འབུད།། དབེན་གནས་ཡིན་ནམ་གཤིན་རྗེའི་དུར་ས་ཡིན།། འཚུབ་རླུང་རྒོད་དུས་སྡོང་རྒན་དེའང་སྒུལ།། འུར་ཆེན་ཞིག་གིས་ཁོག་གོག་སྒྱེལ་ལ་ཁད།། དཔའ་བོ་ཡིན་རུང་བླ་འདར་ས་ཟད་བསྒྱུར།། སྐྲག་ནས་ཁུམ་པའི་ལུས་ཀྱང་ཇེ་ཐུང་སོང་། ཉི་སེར་མགོ་ཐད་སླེབས་རུང་དྲོ་རྒྱུ་མེད།།...