Skip to main content

Posts

Showing posts from 2021

༸སྐྱབས་མགོན་༸གོང་མ་མཆོག་གི་འཁྲུངས་སྐར་བསུ།

སྐྱེ་འགྲོ་འདུལ་བའི་སྙིང་སྟོབས་གོ་ཆ་བཟུང་།། བསྟན་ལ་སྨོན་པའི་སྐྱེ་རབས་ཕྲེང་བ་འཛིན་།། ཅི་མཛད་འགྲོ་བའི་དོན་དུ་སྨིན་པ་ཡི།། བདག་གི་ལྷ་སྐལ་༸སྐྱབས་མགོན་༸གོང་མ་མཆོད།། ཐུགས་རྒྱུད་བྱམས་བརྩེ་མེ་ཏོག་རབ་ཏུ་སྨིན།། སྙན་པའི་གདམས་པ་ཟབ་མོ་ཆར་དུ་འཇོ།། ཀུན་ཀྱང་བདེ་ལ་འགོད་པར་མཛད་མཁས་ཅན།། ༸སྐྱབས་མགོན་༸གོང་མ་མཆོག་གི་འཁྲུངས་སྐར་བསུ།། རིས་མེད་རྒྱལ་བའི་བསྟན་པ་ཉམས་སུ་བཞེས།། བསྟན་དང་བསྟན་འཛིན་ཡོངས་ལ་སྙིང་ནས་གུས།། དཔལ་ལྡན་ས་སྐྱའི་དབུ་འཕང་དགུང་ལ་བཏེགས།། ༸སྐྱབས་མགོན་༸གོང་མ་མཆོག་གི་འཁྲུངས་སྐར་བསུ། ཐུགས་བསྐྱེད་སྨོན་ལམ་དུས་སུ་སྨིན་པ་ཡིས།། འཁོན་རིགས་བསྟན་པ་སྤེལ་ལ་འགྲན་པར་མེད།། ས་ཆེན་གོང་མ་རྣམས་ཀྱི་ཐུགས་སྲས་གང་།། ༸སྐྱབས་མགོན་༸གོང་མ་མཆོག་གི་འཁྲུངས་སྐར་བསུ། འཛམ་གླིང་ས་ཆེན་ཞབས་ཀྱི་པདྨོ་བཞད།། ལེགས་བཤད་བདུད་རྩི་ཞིམ་མངར་རྟག་ཏུ་བསྩལ།། སྐྱེ་དགུའི་ཡིད་རབ་འཕྲོག་པའི་རྒྱལ་བའི་སྲས།། ༸སྐྱབས་མགོན་༸གོང་མ་མཆོག་གི་འཁྲུངས་སྐར་བསུ།། སྐུ་གཞོན་ཉི་མ་སྤྲིན་བྲལ་དབྱིངས་སུ་ཚེས།། གསུང་རབ་སྦྲང་ཆར་འགག་མེད་མཁའ་ནས་བབས།། ཐུགས་རྗེ་བསིལ་རླུང་དུས་ལས་མི་ཡོལ་བར།། གུས་འབངས་སློབ་མའི་ཚོགས་རྣམས་སྐྱབས་གྱུར་ཅིག། སྔོན་བསགས་དགེ་བ་བཟང་པོའི་བྱིན་མཐུ་ལས།། ཚེ་འདིར་དཔལ་ལྡ...

སྤྲུལ་སྐུ་ཨོ་རྒྱན་ལ་ཉི་མར་སྐྱབས་སུ་མཆི།

  ཆོས་བརྒྱུད་ཀུན་ལ་ཆ་རྒྱུས་ཅན།  སྦྱོང་པའི་ཡོན་ཏན་བླ་ན་མཐོ།།  རྣམ་པར་གཅོད་པའི་ཤེས་རབ་མངའ།།  ཨོ་རྒྱན་ཉི་མ་དོན་ལ་མཁས།། ཕལ་བའི་བློ་ལ་མི་བདེ་བའི།།  ཆོས་ཀྱི་གཤིས་ལུགས་མཚར་པོ་དག།  དོགས་འདྲི་ཚིག་གི་ལམ་དུ་དྲངས།།  ཨོ་རྒྱན་ཉི་མ་ཚིག་ལ་མཁས།།  རང་ལྟ་མཆོག་འཛིན་གཡག་རྐོ་ལ།།  ངར་ལྕགས་ཚིག་གིས་ཨུ་ཁུང་འབིགས།།  ཆོས་པ་རློམ་པའི་གྲྭ་རྒན་རྣམས།།  ཁྱེད་ཀྱིས་འགྲམ་ལྕགས་ཡང་ཡང་ལྡེབ།།  སྦྱོང་པར་མི་དགོས་འཚང་རྒྱ་བ།། དབང་སྐུར་ཙམ་གྱིས་སྡིག་དག་པ།། སྔགས་མཚན་འབུམ་གསག་འགྲིག་བློ་ཅན།། ཁྱེད་ཀྱི་ཚོགས་གཏམ་བདུད་རྩི་ཡིན།། བྱིང་རྨུགས་ཏིང་འཛིན་འཁྲུལ་ནས་སྒོམ།། ཅི་ཡང་མི་བསམ་དྲན་པ་རྒྱལ།། ཧ་ཤང་ལྟ་བའི་རྗེས་སྙེག་ལ།། ཁྱེད་ཀྱི་དོགས་སློང་བདུད་རྩི་ཡིན།། གང་ལ་དཔྱད་པས་འཇུག་པ་ཡིས།། སངས་རྒྱས་ཕེབས་ཀྱང་འདུལ་དཀའ་བ།། རྟོག་གེ་མགོ་མཁྲེགས་དེ་དག་ལ།། ཁྱེད་ཀྱི་ཁ་རྡུང་བདུད་རྩི་ཡིན།། ང་ཆེ་ང་མཁས་དྲེགས་པས་བཟི།། ཡོད་ཚད་རིགས་ལམ་ནང་དུ་དྲངས།། སེམས་པ་ཆོས་དང་འདྲིས་མེད་དག། ཁྱེད་ཀྱི་གཤེ་གཤེ་བདུད་རྩི་ཡིན།། རང་བླ་གཙོ་བཟུང་སྤྱི་བླ་དོར།། སྒེར་ཆོས་གཙིགས་འཛིན་སྤྱིར་ཆོས་གློད།། བོད་ཀྱི་བླ་མའི་ཆོས་ལུགས་ལ།། ཁྱེད་ཀྱི་མཚང་འ...

ཀུ་ཤུ་པར་གཞི་wordནང་དུ་བོད་ཡིག་གི་མཐའ་མཉམ་པོ་ཡོང་ཐབས།

  ཀུ་ཤུ་པར་གཞི་wordནང་དུ་བོད་ཡིག་གི་མཐར་ངོས་མཉམ་མི་ཡོང་བའི་དཀའ་ངལ་དེ་སེལ་ཐབས་ཤིག་དྲ་གྲོགས་གཅིག་གི་བརྒྱུད་ཤེས་རྟོགས་བྱུང་ཞིང་ཀུ་ཤུ་གློག་ཀླད་སྤྱོད་མཁན་གྲས་ལ་འདི་ནི་ཕན་ཐོགས་ཡོད་པ་ཞིག་ཡིན། Thai Distributed ཡིག་གཟུགས་མཐའ་མཉམ་བྱེད་ཆས་དེ་wordནང་དུ་ཚུར་འདོན་ཐབས་ནི་ཁྱེད་ཀྱི་ཀུ་ཤུ་གློག་ཀླད་རང་གི་མཛུབ་མནོན་Keyboard ནང་གི་སྐད་ཡིག་འདེམ་ཁུལ་ནས་Thai སྐད་ཡིག་དེ་ཉིད་འདེམས་རྗེས་གློག་ཀླད་སྒོ་བསྐྱར་ཕྱེས་བྱོས་ད། word ནང་བོད་ཡིག་ཡིག་གཟུགས་མཐའ་མཉམ་བྱེད་ཆས་དེ་མངོན་ཡོད།  __སླད་ནས་དྲ་ཐོག་ཏུ་ཡོང་ཐུབ་པ་དཀའ་བས་ཁྱེད་ཀྱིས་དྲི་བ་ལ་ལན་འདེབས་མ་བྱུང་ན་དགོངས་དག་ཞུ།

ཕྱི་ལོ2020ལོའི་དགེ་ལུགས་རྒྱུགས་སྤྲོད་ཆེན་མོར་ཞུགས།

  འདི་ལོའི་དགེ་ལུགས་སྤྲོད་ཆེན་མོར་འཚུད་སྟབས་གཞུང་ཆེན་ཁག་ལ་བསྐྱར་སྦྱོང་དགོས་པས་དུས་ཡུན་ཟླ་བ་བདུན་གྱི་རིང་བསྐྱར་སྦྱོང་བྱས་འདུག་པ་དང་དེའི་རིང་དུ་ཞོགས་སྔ་ལངས་དང་དགོང་ཕྱི་ཉལ་བྱེད་དགོས་པ་ནི་སྨོས་ཅི་དགོས།  དཀའ་ཚེགས་ཆེ་བའི་འབྲི་རྒྱུགས་ཚན་པ་དགུ་དང་རྩོད་རྒྱུགས་ལྔ་བཅས་ཁྱོན་རྒྱུགས་མི་འདྲ་བཅུ་བཞི་སྤྲོད་དགོས་སྟབས་སེམས་ངལ་དང་ལུས་ངལ་གཉིས་ཀ་འདུག་ཅིང་། སློབ་ཚན་ཕྱི་མ་ཕྱི་མ་བསྐྱར་སྦྱོང་བྱེད་དུས་སྔ་མ་སྔ་ལ་བརྗེད་འགྲོ་བ་སོགས་ཀྱིས་སྡུག་ལ་མང་པོར་སྦྱར་སོང་།  ཏོག་དབྱིབས་ན་ཚ་དེའི་རྐྱེན་གྱིས་རྒྱུགས་སྤྲོད་བྱེད་མི་ཐུབ་པའམ་མཇུག་བསྡུ་མི་ཐུབ་པའི་དཀའ་ངལ་འཕྲད་ཉེན་གྱི་སེམས་འཚབ་མང་པོ་བརྒྱུད་དགོས་བྱུང་ཡང་མཐར་རྒྱུགས་ཞུགས་པ་དགེ་འདུན་ཞལ་གྲངས་༡༠༤༧གྱིས་ཉིན་གྲངས་༢༣རིང་དུ་འདི་ལོའི་དགེ་ལུགས་རྒྱུགས་སྤྲོད་ཆེན་མོ་དེ་ལེགས་པར་སྤྲད་ནས་དེ་རིང་མཇུག་བསྡུས་པ་རེད། དུས་ཡུན་འདིའི་ནང་དུ་གུས་ལ་སྙིང་ཉེ་བའི་དགེ་རྒན་རྣམས་དང་། ཕ་མ་སྤུན་མཆེད། ས་ཐག་ཉེ་རིང་འདྲ་མིན་ནས་གྲོགས་གྲོགས་མཆེད་མང་པོས་སེམས་ཁུར་དང་ལྷག་པར་རྒྱུགས་སྤྲོད་གཏོང་རེ་བཞིན་རྒྱུགས་གང་འདྲ་བྱུང་མིན་དྲིས་ཏེ་སེམས་ཁུར་གནང་སོང་། རང་ཉིད་ནས་ཀྱང་སེམས་ཁུར་གནང་མཁན་ཁག་གི་ཐུགས་རེ་སྣང་མེད་མ་ག...

རྫོགས་ཆེན་རིན་པོ་ཆེ།

  ཨ་གདུགས་ལྭ་དཀར་ཚང་གི་སྲས་ཆུང་བ་རྫོགས་ཆེན་རིན་པོ་ཆེ་དཔལ་སྔ་འགྱུར་སྙིང་མའི་དབུ་འཛིན་དུ་བསྐོ་བཞག་བྱུང་བ་འཚམས་འདྲི་གྲངས་མེད་ཞུ། ཏྲེ་ཧོར་ཨ་གདུགས་ལྭ་དཀར་ཚང་། ལྭ་དཀར་ཚང་ནི་མི་རབས་མང་པོར་རིས་མེད་བསྟན་པའི་སྦྱིན་བདག་ཆེན་པོ་ཞིག་ཡིན་ལ། རྗེ་རིན་པོ་ཆེ་གྲྭ་སྐོར་ལ་ཕེབས་པའི་གཏོང་སྒོ་སོགས་ཀྱི་སྦྱིན་བདག་གནང་བ་མ་ཟད། ལྷ་སའི་སྨོན་ལམ་ཆེན་མོ་ཐོག་མར་དབུ་འཛུགས་པའི་སྦྱིན་བདག་ཀྱང་མི་ཚང་འདི་ཉིད་ཀྱིས་མཛད་ཡོད་པར་གྲགས་ཤིང༌།  རྒྱལ་མཆོག་བཅུ་གསུམ་པ་ཆེན་པོས་བོད་ཡུལ་གྱི་ཚྭ་ལའི་གཏེར་ཁ་ཚང་མ་ལྭ་དཀར་ཚང་གིས་བེད་སྤྱོད་ཆོག་པའི་དམིགས་བསལ་གྱི་བཀའ་ཐམ་གནང་ནས་བརྩེ་གཟིགས་བླ་ན་མེད་པ་གནང་མྱོང་།  སྲས་ཆེ་བ་བསོད་རྒྱལ་རིན་པོ་ཆེ་དང་ཆུང་བ་རྫོགས་ཆེན་རིན་པོ་ཆེ་གཉིས་པོ་ལྭ་དཀར་ཚང་གི་ཁྱིམ་དུ་འཁྲུངས་ཤིང་ཁྱིམ་ཚང་ཆེན་པོ་འདི་ནི་བོད་ཀྱི་ལོ་རྒྱུས་དེབ་ཐེར་དུ་འཁོད་པའི་ཆེས་སྐད་གྲགས་ཅན་གྱི་ཏྲེ་ཧོར་ཡུལ་གྱི་ཁྱིམ་ཚང་ཞིག་ཡིན། _ལོ་རྒྱུས་སྙིང་བསྡུས་འདི་བཞིན་ཕྲན་སྲོང་བཙན་གྱིས་བྲེལ་བའི་བར་གསེང་ནས་བྲིས།

དགའ་དགའ་GaGaགླུ་གཞས་ཁང་།

ཊེལ་གྷརམ་གྱི་རྒྱུ་ལམ་འདི་ནས་བོད་གཞས་mp3སྙན་པོ་གང་མང་འགྲེམས་སྤེལ་བྱེད་བཞིན་ཡོད་པས་ཁྱེེད་ཀྱིས་Joinམནོན་ནས་ཐུགས་ཁུར་གནང་རྒྱུ་དང་དྲ་སྣེ་likeགཞན་ལ་ངོ་སྤྲོད་བྱེད་རྒྱུ་ཡང་མ་བརྗེད་པ་གནང་རོགས།  དགའ་དགའ་GaGa་གླུ་གཞས་ཁང་།   https://t.me/tibetsong1959

ཀུ་ཤུ་ཁ་པར་དུ་སྐད་འཕྲིན་ཕབ་ལེན་བྱེད་ཐབས།

  རྒྱ་གར་ནས་ཀུ་ཤུ་ཁ་པར་དུ་སྐད་འཕྲིན་ཕབ་ལེན་མི་ཐུབ་པའི་དཀའ་ངལ་དེ་སེལ་ཐབས་སྟབས་བདེ་ཞིག་བསྟན་ཡོད། ཕབ་ལེན་རྗེས་ཀྱི་གནས་ཚུལ་གསུམ། ངེས་པརvpnསྤྱོད་དགོས། ཁ་པར་ཨང་གྲངས་ཐོག་སྐད་འཕྲིན་གསར་བཟོ་བྱེད་མི་ཐུབ། སྔར་བཟོས་ཟིན་པའི་སྐད་འཕྲིན་ཁ་ཕྱེ་ཐུབ།

སྟོང་ལོ་ཉེར་གཅིག མི་ཡུལ་གྱི་ལོ་གསར།

ལོ་རྙིང་ཟད་པའི་གྲིབ་ནག་ནུབ་ཅིང་གནམ་ལོ་གསར་པའི་སྐྱ་རེངས་ཚེས།། འཇིགས་རུང་ནད་ཀྱི་མཁར་རྫོང་བཅོམ་ནས་སྐྱིད་ཀྱི་དཔལ་ལ་རོལ་འདོད་སྐྱེ།། ཁ་ངོ་བཏུམས་པའི་རས་ལྷེ་དཀར་པོ་ཁ་དང་འབྱེ་འདོད་གཏིང་ནས་ལངས།། སེམས་ཐག་ཉེ་ཡང་བར་ཐག་བཅད་ལ་ཡིད་སེམས་ཀུན་ནས་སྐྱོ་བས་རྡུང་།། ལོ་ཡི་ཕྲེང་བ་རེ་རེ་ཆད་ཅིང་ན་རྒའི་ལང་ཚོ་ཟད་ཅིང་རལ།། གཞོན་པའི་སྣང་བ་ནུབ་ཅིང་ཡལ་ནས་ཐོད་ཀྱི་གཉེར་མ་ལྟེབ་སུལ་མཐུག། མཉེན་ལྕུག་ཡང་པོའི་འབྱུང་གཞི་དེ་ཡང་ལྗིད་ལ་མཁྲེགས་པའི་རང་མདོག་མངོན།། ལོ་གསར་དེ་ནི་ལོ་གསར་མ་ཡིན་ཚེ་ཐག་གཅོད་པའི་སྟ་རེ་འདྲ།། ཚེ་ཡི་ཚེ་ལ་ངེས་པར་མེད་ལུགས་མིག་མདུན་དེ་ནས་མཐོང་ཐེངས་རེར།། འཇིགས་སྐྲག་ན་བུན་ཡིད་ལ་འཁྲིགས་ཏེ་སེམས་ཀྱི་གོམ་ཁ་ཆོས་ལ་ཕྱོགས།། སེམས་ཀྱི་ངན་ལང་ཐུར་ལ་ཤོར་བས་ཆོས་སེམས་དེ་ཡང་ཉིན་འགའ་ཙམ།། ཆོས་པའི་གཟུགས་ཀྱིས་འཆི་ལམ་སྙེད་པའི་མི་ཚེ་འདི་ཡང་སྐྱོ་བའི་གཞི།། ཡིད་ཀྱིས་བརྟེན་སའི་སྐྱེས་བུ་དག་ཀྱང་ཕྱི་མའི་ལམ་དེ་འདེམས་ནས་བཞུད།། སྙིང་རུས་སྲ་མོ་ལྕགས་གོང་འདྲ་བའི་ཕོ་རབ་རྣམས་ནི་མུན་ལ་བཅུག། གཞོན་པའི་ཚོགས་ཀྱི་མགོ་བོ་བྲེག་ནས་སྐྱེད་ཅིང་འཚར་བར་ཤིན་ཏུ་དཀའ།། གངས་ཅན་བོད་ཀྱི་རྒྱལ་ཁམས་འདི་ཡི་ཚེ་སྲོག་ཕྲ་མོ་ཆད་ལ་ཉེ།། རབ་དཀར་གངས་ཀྱི་ཕ་ས་སྨུག་པོ་མི་ལོ་ཉི་ཤུ་རྒྱང་དུ་...

སྙིང་ཉེ་བའི་མི་རྣམས། འདི་ན་བདེ་མོ་ཡིན།

  སྔོ་སངས་ཀྱི་ནམ་མཁའ། ལྗང་མདོག་གི་རྩི་ཤིང། ད་དུང་སྤུན་ཉེ་དང་གྲོགས་པོ་ཚོའི་དྭངས་གཙང་གི་སེམས་པ་དེ་ཡོད་པས་ང་རང་སྔ་བཞིན་བདེ་ཞིང་སྐྱིད་པ་ཡོད།  ས་འདིར་ནད་ཡམས་ཀྱི་འཇིག་པ་ཆེ་ཞིང་ཆགས་སྒོ་ཡི་བྱུང་བ་མང་བའང་ལྡོག་ཏུ་མེད་པ་ཞིག་ཏུ་གྱུར་འདུག་པས། སྔོན་བསགས་ལས་དབང་གིས་བཀོད་པ་ཅི་འདྲ་ཞིག་གཏོང་ན་དེ་བསྟུན་གྱིས་འགྲུལ་བཞུད་བྱེད་ཐབས་ལས་མེད།  སྐྱེ་མ་ཉིད་ནས་སྐད་ཅིག་མ་རེ་རེ་བཞིན་འཆི་ལམ་ལ་སྙེག་བཞིན་པ་དེ་ཡང་བྱ་དངོས་ཀུན་གྱི་རང་བཞིན་ཡིན་བཤིས། འཇིགས་ཤིང་སྐྲག་པ་བྱ་དགོས་པ་ཞིག་མ་ཚོར། གསོན་པའི་ཡུན་ཐུང་ལ་དགའ་ཤིང་སྤྲོ་བས་འཚོ་དགོས། འདི་ནི་གསོན་པའི་དོན་སྙིང་ཤིག་ཏུ་རྩི་ཆོག། སྙིང་ཉེ་བའི་མི་རྣམས་དང་ས་ཐག་གིས་ཆོད་ཅིང་ཞེ་ཐོགས་སའི་ཕ་ཡུལ་ཡང་ཐག་རིང་ན་ཡོད་པས་ཁོག་པ་སྐྱོ་སྡུག་གིས་ཁེངས་དགོས་པ་ཞིག་ལོས་ཡིན་མོད། གང་ལ་སྡོད་ཀྱང་ཕ་ཡུལ་དུ་རྩིས་ཏེ་སྐྱོ་བ་སངས་ཐག་གིས་མི་ལོ་ཉི་ཤུ་སྐྱེལ་ཡོད།  སྙིང་ཉེ་དག་གི་སེམས་པ་དྲོན་མོ་ཁོ་བོའི་ཕྱོགས་ལ་སྐུར་ཞིང་། ཁྱེད་ཅག་གིས་དྲན་གདུང་གི་ཚོར་བ་སྐྱུར་མོ་རྟག་ཏུ་མྱོང་བཞིན་ཡོད་པ་ཤེས་ནའང་ཅི་བྱ་མེད་པའི་ལས་དབང་འདི་ལ་ཁག་འདོགས་རྒྱུ་ལས་བྱ་ཐབས་ཅི་ཡོད་ཨང་།  མཇུག་ཏུ་ཁྱེད་ཅག་ནི་བདེ་ཞིང་སྐྱིད་པར་ཡོད་དགོས། ངེ...

སྐུ་ངོ་སྤེན་པ་ཚེ་རིང་ནི་བོད་ཀྱི་སྲིད་སྐྱོང་རེད། ཁོང་ལ་གུས་བརྩི་གནང་རོགས།

  འདས་ཟིན་པའི་མི་ལོ་བཅུའི་རིང་དུ་སྐུ་ངོ་སེངྒེ་ལ་དགའ་མཁན་ཞིག་ཡིན་ན་བཟོད་པར་དཀའ་བའི་གནས་ཚུལ་བྱུང་ཞིང་། སྐུ་ངོ་སྤེན་ཚེས་གསུང་སྟངས་དང་གནང་ཕྱོགས་མང་པོ་ཞིག་ལ་བརྟེན་ནས་སྤྱི་ཚོགས་འཁྲུགས་ཐེབས་ཤིང་། ཁོང་གི་རྒྱལ་སྐྱོར་བས་ལོ་ངོ་མང་པོའི་རིང་དུ་དགྲ་བོ་ཞིག་ཡིན་ནའང་དེ་འདྲ་སྡུག་པོ་རང་བཟོ་ཨེ་ཡོང་བསམ་པའི་སྐྱོན་འཛུགས། རྫུན་གཏམ། དཀྲུང་ཤིང་། མ་ཉེས་ཁག་གཡོགས་དེ་འདྲ་མང་པོ་ཞིག་བཟོས་པའི་རྐྱེན་རྩ་ལས་སྐུ་ངོ་སེངྒེ་ལ་དགའ་བའི་མི་ཁྲི་ཚོ་དུ་མའི་སེམས་ལ་བཟོད་པར་དཀའ་བའི་ན་ཚའི་ས་བོན་བཏབ་ཡོད།  འགྲོ་བ་མི་ནི་ཁོང་ཁྲོ་ལང་ཆོག་ཆོག་དང་ཚུར་གནོད་པར་བྱས་ན་དེ་ལ་གནོད་ལེན་སྤྲོད་རྒྱུར་གོམས་སྡོད་པ་ཞིག་ལ་སོང་། ཚུར་ལ་ཅི་བྱས་ན་དེ་མཚུངས་ཕར་ལ་བྱེད་པ་ནི་ཆོས་ཉིད་ཅིག་ཡིན་ཞིང་། ཚན་རིག་ནང་དུ་འདི་ལ་སྐྱེ་དངོས་ཀྱི་འཚོ་ཐབས་ཟེར་ཞིང་རང་ཉིད་འཚོ་དགོས་ན་གཞན་ལ་གནོད་ལན་སྤྲོད་དེ་རང་ཉིད་སྐྱེ་འཕེལ་ཡོང་བ་བྱེད་དགོས་པ་བཤད་ཀྱི་འདུག འོན་ཀྱང་ངེད་ཅག་ནི་ལས་དབང་གཅིག་གིས་བཅིངས་པའི་རིགས་མཐུན་སྤུན་ཟླ་ཡིན་པས་ནང་ཁུལ་བཟོད་སྒོམ་བྱེད་དགོས་ཤིང་དེས་རང་ཉིད་ཐེབས་པའི་སྤྱི་ཚོགས་ལ་ཕན་རླབས་ཆེན་པོ་ཡོང་ཐུབ།  ལྷག་པར་དུ་ང་ཚོའི་མིག་མདུན་རང་ནས་དགུང་ལོ་ཇེ་ཆེར་ཕེབས་བཞིན་པའི་༸གོང་ས...

དེ་རིང་གི་བཙན་བྱོལ་སྤྱི་ཚོགས།

ནང་ལ་འཇིགས་ཞུམ་མེད་པར་དཔུང་ངོམ་བྱས།། ས་འོག་དར་ཐག་འཐེན་ནས་ནང་མགོ་རྡུང་།། ཕྱི་ནང་ག་ཕྱི་ལོག་པའི་སྤྱི་ཚོགས་འདི།། དགྲ་བོས་མཚོན་ཆ་མ་སྤྱད་ཕམ་སྟངས་སྐྱོ།། དགྲ་བོ་ཕ་ཁར་བཞག་ནས་ནུབ་ལ་བྲོས།། ནུབ་ནས་དགྲ་ལ་མ་རྒོལ་ནང་འཁྲུགས་ལངས།། ཕུ་ནུ་ནང་དམེ་བྱས་ཏེ་དུས་ཚོད་བསྐྱལ།། དགྲ་བོའི་དཀྲུང་ཤིང་འོག་ལ་ཡོངས་སུ་འཚུད།། རིགས་རུས་གཅིག་ལས་ཆད་པའི་སྤུན་ཟླ་ལ། ཆོལ་གསུམ་མིང་ལ་འཇུས་ཏེ་རིས་སུ་བཅད།། གངས་ཅན་བོད་ཀྱི་ཆབ་སྲིད་གདུགས་དཀར་འོག། མཐུན་སྒྲིལ་ལག་གདང་ཐོར་འདི་སྐྱོ་བའི་གཞི།། མགོན་སྐྱབས་བླ་མ་དགུང་གི་ཉི་ཟླ་ཁོང་།། རྒས་ཤིང་འཁོགས་པའི་སྣང་བརྙན་མཇལ་ཐེངས་རེ།། ནང་ཁུལ་འཇིགས་ཞུམ་མེད་པའི་འཁྲུག་ལང་འདིར།། ཁོང་ཉིད་ཐུགས་ཕམ་ཡོང་སྲིད་བསམས་ནས་འགྱོད།།  ནག་པོའི་སྟོབས་ཤུགས་ཉིན་བཞིན་འཕེལ་དུས་སུ།། འུ་ཅག་ནུས་པ་གཅིག་ཏུ་མ་སྒྲིལ་པར།། ཁ་མཆུ་བོགས་མ་བླངས་པའི་ནང་རྩོད་འདིས།། གསོན་པོ་གཡང་ལ་མཆོང་དང་ཁྱད་པར་ཅི།། དཀའ་ངལ་མེ་སྟག་ཆུང་དུས་མ་གསོད་པར།། མེ་ལྕེ་དགུང་ལ་འཕྱུར་དུས་སྐྱོ་མདོག་འཁྲབས།། འཇམ་ཐབས་བསླུ་བྲིད་མཁས་པའི་ཟུར་པ་དག། ལོ་རྒས་རྫི་དིབ་ཆགས་ནས་གཅོས་ལགས་སམ།། ཁྲིམས་འགྲེལ་སྙིང་ནད་རྩོད་པའི་རྐྱེན་དུ་བྱས།། བཅའ་ཁྲིམས་རྐུབ་འོག་བཙུར་ནས་ཧད་འདུག་བྱས།། ཁྲིམས་མེད་ལུང་མེ...

རྒྱལ་བའི་དབང་པོ་ཀརྨ་པ་རིན་པོ་ཆེའི་འཁྲུངས་སྐར་བསུ།

  སྒམ་པའི་གཤིས་ལ་ཐུགས་སེམས་རབས་ཏུ་ཡངས།། རྫིག་པའི་ཉམས་ལ་མཁྱེན་རྒྱ་ཤིན་ཏུ་ཟབ། བར་ཆད་མང་ཡང་ཐུགས་སེམས་ཞུམ་པར་མེད།། རྒྱལ་བའི་དབང་པོ་ཀརྨ་པ་ལ་འདུད།། ཕྱི་ནང་ཉེ་འཚེ་དུག་གི་རྦ་རླབས་འཕྱུར།། དུག་ཅན་ཆུ་སྲིན་ནག་པོས་མཆེ་སྡེར་གཡོས།། འཇིགས་རུང་རྒྱ་མཚོ་ཆེན་པོར་བགྲོད་པ་ལ།། ཁྱོད་སྐུ་རྡོ་རྗེ་བྲག་རི་བརྟན་པར་དགོས།། རྒྱལ་བའི་དབང་པོ་ཀརྨ་མཆོག་ལ་ཕྱི་ནང་གཉིས་ནས་ཐབས་བརྒྱ་ཇུས་སྟོང་གིས་སུན་བཙེར་བཟོས་ཤིང་། ཁོང་ཉིད་རླབས་ཆེན་གྱི་སྐྱེས་བུ་ཞིག་ཆགས་པར་མཐོང་འདོད་མེད་པའི་སྐྱེ་བོ་དུ་མ་ཞིག་གིས་ཁོང་ལ་དངོས་ཤུགས་ཅི་རིགས་ནས་བདུད་ལས་སྣ་ཚོགས་ཤིག་བརྩམས་ཏེ་ཁོང་གི་མཛད་འཕྲིན་འགོག་ཐབས་སོགས་བྱས་རྐྱེན་ད་ལྟ་ཁོང་ཉིད་ཀྱི་དད་ལྡན་པ་མི་འབུལ་ཁྲག་དུ་མ་ཡོད་སའི་ཧི་མ་ལ་ཡའི་རི་བརྒྱུད་དུ་ཕེབས་རྒྱུ་སྐུ་ངལ་འཕྲད་ཅིང་། འཛམ་གླིང་ཁྱོན་དུ་ཁོང་གི་མཛད་འཕྲིན་སྤེལ་བར་རང་དབང་གི་འགྲུལ་བཞུད་ལ་དཀའ་ཁག་འབྱུང་བཞིན་ཡོད་པ་ནི་བོད་ཀྱི་བསྟན་སྲིད་ལ་གྱོང་ཆེན་པོ་ཞིག་ཡིན་པས་ཕྱི་ནང་གི་ཉེ་འཚེ་འདི་དག་ཉེ་བར་ཞུ་སྟེ་ཁོང་ཉིད་སྐྱེ་འགྲོའི་དཔལ་དུ་སྐུ་ཚེ་བརྟན་ཅིང་རླབས་ཆེན་གྱི་མཛད་བཟང་མཐའ་དག་གེགས་མེད་བདེ་བླག་ངང་འགྲུབ་ཐུབ་པའི་སྨོན་ལམ་སྙིང་ནས་འདེབས་བཞིན་ཡོད། ཞེས་ཀརྨ་པ་སྐུ་ཕྲེང་དང་པོ་དུས་...

ད་ཞག་གི་བྱུང་བ་བྲིས་པ།

ཆུ་ལོག་སྲིད་ལོག་ཁྲིམས་ལོག་གསུམ།། རྡ་སའི་ཡུལ་ནས་མཉམ་དུ་རྒྱུགས།། ཞེན་ལོག་གྱེན་ལོག་ངོ་ལོག་གསུམ།། རྡ་སའི་ཡུལ་ལ་མཉམ་དུ་བརྒྱབ།། སླར་ལོག་གསུམ་པོ་བཙན་གྱིས་འཛུལ།། ཁྲིམས་ཁང་མགོ་མཇུག་ཡོངས་སུ་ལོག། བ་རྒན་ཚོགས་གཙོ་སྦྲང་མས་བཙག། དཔེ་ཟུར་དབང་འདུས་ཁྱིམ་ལ་རྒྱུགས།། འོས་བསྡུའི་འགན་འཛིན་གྲོད་ཁོག་བཤལ།། རྙོང་དྲི་རྡ་སའི་ཡུལ་ནས་མཆེད།། རྙོང་དྲི་སྣོམ་ལ་དགའ་བ་འགའ།། དཔེ་ཟུར་དབང་འདུས་གཞང་ཁར་ཉལ།། ལྐོག་ནས་འཇིགས་སྐུལ་མ་བཟོད་པར།། ཚོགས་དྲུང་ངུས་ནས་ཞུ་བ་འཐེན།། རྩ་དགོངས་ཞུས་ཀྱང་དགོངས་འཁྲོལ་མེད།། ནག་ཉེས་ཡོད་ཚེ་མགོ་ལ་སྤུངས།། ཁྲིམས་ཞིབ་ཀ་བ་ཆག་དུས་དེར།། སེམས་ཤུགས་ཅན་གྱི་ཟུར་པ་ལངས།། གྲོས་ཚོགས་ཀ་བ་ཆག་ཉིན་མོ།། ཟུར་པའི་སེམས་ཤུགས་མཇའ་ལྟར་ཡལ།། ཁྲིམས་ཟུར་བཀའ་ཟུར་གཞུང་ཟུར་གསུམ།། ཁྲིམས་ཞིབ་ཁང་ལ་འགྲོན་དུ་སོང་།། ཁྲིམས་དཔོན་ཕ་རྒན་ཉལ་ས་ན།། ཁྲིམས་ཆང་འཐུང་ནས་བཟི་ཉལ་བྱས།། ཟམ་གདོང་པན་ཆེན་མཁས་ཉམས་ཀྱིས།། སུ་རུང་ཚིག་འགྲེལ་གསར་པ་མཛད།། འཁྲབ་སྟོན་བཅའ་འདྲི་གཅིག་གིས་ནི།། པད་འབྱུང་འོས་ཤོག་ཏག་ཏག་བཟོས།། སྐུ་ངོ་སྲིད་སྐྱོང་གྲོད་ཁོག་ན།། ཆབ་ཆེན་ཀི་ལོ་བཅོ་ལྔ་བཏང་།། གསོལ་ཐབས་མ་བྱན་ཆེན་མོ་དེས།། ཆབ་ཆེན་ནག་པོས་སྤྲིན་གོར་བཟོས(cake) ཁྲིམས་དྲུང་ཁ་ལ་ཨ་ར་ཅན།། ཁྲིམས་ཞི...

མཁན་ཆེན་ཚུལ་ཁྲིམས་བློ་གྲོས་ཀྱི་འཁྲུངས་སྐར་བསུ།།

སྐྱེ་དུས་སྤྲུལ་མིང་མ་ཐོབ་སྤྱི་སྟངས་ཤིག། གཞོན་དུས་བླ་མིང་མ་ཐོབ་གྲྭ་རྐྱང་ཞིག། རང་གི་ཐོས་བསམ་འབད་པས་བླ་རུ་འཕགས།། མཁན་ཆེན་ཚུལ་ཁྲིམས་བློ་གྲོས་འཁྲུངས་སྐར་བསུ།། དབང་ཆེན་དཔོན་པོ་མིན་ཡང་ཀུན་གྱིས་བཀུར། འབྱོར་ལྡན་ཕྱུག་པོ་མིན་ཡང་ཀུན་གྱིས་དགའ།། རྫུ་འཕྲུལ་སྟོན་རྒྱུ་མེད་ཀྱང་ཀུན་གྱིས་དད།། མཁན་ཆེན་ཚུལ་ཁྲིམས་བློ་གྲོས་འཁྲུངས་སྐར་བསུ།། ཐོས་སྟོབས་མཁྱེན་རྒྱ་ཀུན་ལས་ཁྱད་དུ་འཕགས།། སྒོམ་སྟོབས་རང་སེམས་དུལ་བ་ཁྱད་དུ་འཕགས།། གང་བཤད་ལག་ལེན་འདེབས་པ་ཁྱད་དུ་འཕགས། མཁན་ཆེན་ཚུལ་ཁྲིམས་བློ་གྲོས་འཁྲུངས་སྐར་བསུ།། ཤེས་རིག་སྲོག་རྩ་ཆད་ལ་མ་བཟོད་པར།། སྐད་ཡིག་སླར་གསོ་འབད་པ་བརྒྱ་ཡིས་བསྒྲུབས།། རང་གི་རིགས་ལ་ཞེན་པའི་སྙིང་སྟོབས་ཅན།། མཁན་ཆེན་ཚུལ་ཁྲིམས་བློ་གྲོས་འཁྲུངས་སྐར་བསུ།། གསེར་ཐང་ནང་བསྟན་ལྔ་རིག་ཆོས་གྲྭ་ཆེ།། སུམ་རྩེ་ལྷ་ཡི་གྲོང་ཁྱེར་འཕོས་འདྲ་དེ།། ཀུན་གྱིས་དད་ཅིང་མོས་པའི་ཡུལ་དུ་བསྐྲུན།། མཁན་ཆེན་ཚུལ་ཁྲིམས་བློ་གྲོས་འཁྲུངས་སྐར་བསུ།། འཛམ་གླིང་ཤར་ནུབ་ཀུན་ཏུ་འགྲུལ་བཞུད་ཀྱིས།། སྐྱེ་འགྲོ་སྐལ་བ་ཅན་རྣམས་འདུལ་མཁས་པ།། དད་ལྡན་ཐར་ལམ་བཀོད་པའི་བཀའ་དྲིན་ཅན།། མཁན་ཆེན་ཚུལ་ཁྲིམས་བློ་གྲོས་འཁྲུངས་སྐར་བསུ།། གུས་སྲོང་བཙན་གྱིས་རི་བོ་དགེ་ལྡན་པའི་གདན་ས་ཆེན་པོ་སེ་...

༸གོང་ས་མཆོག་གི་ལེགས་བཤད113

སྔོན་གླེང་། འདི་ནི་ཕྲན་གྱིས་ཨིན་ཇིའི་ནང་དུ་ཡོད་པའི་ྋ་གོང་ས་རྒྱལ་བའི་དབང་བོ་མཆོག་གི་ལེགས་བཤད་རྣམས་ལས། ལེགས་བཤད་བརྒྱ་དང་བཅུ་གསུམ་བཏུས་ཏེ་བོད་སྒྱུར་བྱས་པ་ཞིག་ཡིན། ཨིན་ཇིའི་ནང་དུ་ཁོང་གི་ལེགས་བཤད་མང་པོ་ཡོད་ཀྱང་བོད་ཡིག་ནང་དུ་དེ་འདྲ་མང་པོ་མེད་སྟབས། དེ་ཁ་སྐོང་ཙམ་གྱི་སླད་དུ་གཞན་གྱིས་མ་སྐུལ་དང་བླང་གི་སྒོ་ནས་བསྒྱུར་བ་ཡིན།མ་དག་པ་དང་ནོར་བའི་ཆ་ཅི་ཡོད་ལ་མཁྱེན་ལྡན་རྣམས་ཀྱིས་ལེགས་བཅོས་བྱ་བའི་རེ་བ་དང་བཅས།  ཚེ་བརྟན་བཀྲ་ཤིས་ནས། ཕྱི་ལོ་ ༢༠༢༡ ཟླ་ ༧ ཚེས་ ༦ ཉིན། ལེགས་བཤད་འདི་ནས་ཕབ་ལེན་གནོངས་རོགས།