ཨ་གདུགས་ལྭ་དཀར་ཚང་གི་སྲས་ཆུང་བ་རྫོགས་ཆེན་རིན་པོ་ཆེ་དཔལ་སྔ་འགྱུར་སྙིང་མའི་དབུ་འཛིན་དུ་བསྐོ་བཞག་བྱུང་བ་འཚམས་འདྲི་གྲངས་མེད་ཞུ།
ཏྲེ་ཧོར་ཨ་གདུགས་ལྭ་དཀར་ཚང་། ལྭ་དཀར་ཚང་ནི་མི་རབས་མང་པོར་རིས་མེད་བསྟན་པའི་སྦྱིན་བདག་ཆེན་པོ་ཞིག་ཡིན་ལ། རྗེ་རིན་པོ་ཆེ་གྲྭ་སྐོར་ལ་ཕེབས་པའི་གཏོང་སྒོ་སོགས་ཀྱི་སྦྱིན་བདག་གནང་བ་མ་ཟད། ལྷ་སའི་སྨོན་ལམ་ཆེན་མོ་ཐོག་མར་དབུ་འཛུགས་པའི་སྦྱིན་བདག་ཀྱང་མི་ཚང་འདི་ཉིད་ཀྱིས་མཛད་ཡོད་པར་གྲགས་ཤིང༌།
རྒྱལ་མཆོག་བཅུ་གསུམ་པ་ཆེན་པོས་བོད་ཡུལ་གྱི་ཚྭ་ལའི་གཏེར་ཁ་ཚང་མ་ལྭ་དཀར་ཚང་གིས་བེད་སྤྱོད་ཆོག་པའི་དམིགས་བསལ་གྱི་བཀའ་ཐམ་གནང་ནས་བརྩེ་གཟིགས་བླ་ན་མེད་པ་གནང་མྱོང་།
སྲས་ཆེ་བ་བསོད་རྒྱལ་རིན་པོ་ཆེ་དང་ཆུང་བ་རྫོགས་ཆེན་རིན་པོ་ཆེ་གཉིས་པོ་ལྭ་དཀར་ཚང་གི་ཁྱིམ་དུ་འཁྲུངས་ཤིང་ཁྱིམ་ཚང་ཆེན་པོ་འདི་ནི་བོད་ཀྱི་ལོ་རྒྱུས་དེབ་ཐེར་དུ་འཁོད་པའི་ཆེས་སྐད་གྲགས་ཅན་གྱི་ཏྲེ་ཧོར་ཡུལ་གྱི་ཁྱིམ་ཚང་ཞིག་ཡིན།
_ལོ་རྒྱུས་སྙིང་བསྡུས་འདི་བཞིན་ཕྲན་སྲོང་བཙན་གྱིས་བྲེལ་བའི་བར་གསེང་ནས་བྲིས།
Comments
Post a Comment