སྲོང་བཙན་དྲ་བ།

དེང་རབས་ཀྱིས་བཟོ་རྩལ་དང་ཆ་འགོད་ཕུན་སུམ་ཚོགས་པའི་སྨན་ཁང་འདི་ནི་ཆེས་གྲགས་ཆེ་བ་ཞིག་ཡིན་སྐད་ལ། ནང་གི་ཞབས་ཕྱི་དང་སྣེ་ཤན་པ་དག་གི་རྣམ་འགྱུར་བཟང་ལ་མི་ཡ་རབས་རྐྱང་རྐྱང་ལོས་ཡིན་སྙམ་པ་ཞིག་འདུག མ་ཟད་ཁྱད་ལས་ཨེམ་ཆི་དང་ནད་མཁས་སྨན་པ་དག་གི་ཁ་འཇམ་ངག་བཙུན་དང་ཞི་དུལ་རྣམ་འགྱུར་དེ་དག་གིས་ནད་པ་ཚོའི་ནད་སོས་དྲག་ཏུ་གཏོང་ལོས་ཡོང་སྙམ་པ་ནི་སུ་ལའང་འཁོར་ཐུབ་པ་རེད། འབྲེལ་མཐུད་ཞབས་ཞུ།  ཐོ་འགོད་སྟེགས་བུ། དངུལ་སྤྲོད་ཁང་། བརྟག་དཔྱད་ཁང་། ཨེམ་ཆིར་བསྟེན་གཏུགས་ཁང་། བཤག་བཅོས་ཁང་། ཛ་དྲག་ཁང་མིག ད་དུང་ཞག་སྡོད་ཁང་དང་ཟ་ཁང་སོགས་འདུག་ལ། བྱིས་ནད་ཚན་ཁག་དང་རུས་ནད་ཚན་ཁག གཅིན་སྙི་དང་གློ་ནད། མཆིན་པའི་གཉན་ཚད། མ་ལག་བརྗེ་ལེན་ཚན་ཁག་སོགས་གྲངས་ལས་འདས་པ་ཞིག་འདུག ཕྱི་ནང་གི་ཆ་རྐྱེན་འདི་འདྲ་ལས་ནད་པ་ཞིག་གི་ནད་གཞི་ཅི་འདྲ་སྡུག་རུང་བཅོས་ཐབས་མེད་པ་ཞིག་དང་སོས་དྲག་མི་ཐུབ་པ་ཞིག་ག་ནས་ཡོང་བསམ་པ་རེ་འདུག་མོད། བཅོས་ཐབས་བྲལ་བ་དང་ཤི་མ་གསོན་གྱི་ནད་པ་ཧ་ཅང་མང་པོ་ཞིག་གི་རེ་ཆད་དང་ཐབས་ཟད། ཉེ་འབྲེལ་ཚོས་ཀྱང་ནམ་འཆི་སྒུག་འདུག་པ་འདི་དག་ལ་བལྟས་ན་ཨེམ་ཆི་དག་ལག་རྩལ་མཁས་པོ་དང་སྨན་ཁང་གི་མཐུན་རྐྱེན་ཡག་ཀྱང་ཕན་ཐོགས་མེད་པ་ནི་གསལ་པོ་རེད། འདྲུད་འཐེན་ཉལ་ཁྲི་སྟེང་དུ་ཉམས་ཐག་པའི་ནད་...

དུས་ཚོད། 2012-2015 ས་གནས། ཨིན་ཇི། རྒྱ་གར། འདྲི་མཁན། གངས་རྒོད། འདྲི་ས། སྲོང་བཙན། བརྒྱུད་ལམ། ངོ་དེབ། གངས- དྲ་གྲོགས་སྲོང་བཙན་ལགས་ལ་འཚམས་འདྲི་ཞུ། སྐུ་ཉིད་ལ་དྲི་བ་འགའ་འདྲི་འདོད་སྐྱེ། དུས་ཚོད་ཡོད་སྐབས་དྲི་ལན་རེ་ཅིས་ཀྱང་འདེབས་རྒྱུ་མ་བརྗེད་རོགས། སྲོང་-དུས་ཚོད་ཡོད་པས་ཁྱེད་ཀྱིས་གང་འདོད་འདྲི་རོགས་གནང་། གངས-གོ་ཐོས་ལ་ཁྱེད་རང་རྩོམ་པ་པོ་ཡག་པོ་ཞིག་ཡིན་ཚད་འདུག གང་འདྲ་བྱས་ཏེ་རྩོམ་རིག་ལ་འཇུག་པའི་སྐོར་ཞིག་གསུང་རོགས། སྲོང་-ཧཧ། ངས་རང་ཉིད་རྩོམ་པ་པོ་ཞིག་ཡིན་སྙམ་ཤར་ཀྱི་མེད། དེ་བས་ཀྱང་རྩོམ་པ་པོ་ཡག་པོ་ཞིག་བསམ་པའི་ཟུར་ལའང་འཁོར་མ་མྱོང་། ཁྱེད་ཚོས་ཡག་མི་ཡག་གི་མཚམས་ཐིག་གང་འདྲ་ཞིག་ལ་འཛིན་གྱི་ཡོད་མེད་མ་ཤེས། རེད་དེ། ངས་བདེན་པ་ལ་བཅོལ་བའི་ཡིག་འབྲི་རེ་རེེ་ནམ་ཡང་ཁ་ཡག་ངོ་དགའ་དང་མི་བདེན་རྫུན་སྒྲིགས། རི་ཆུ་ནགས་གསུམ་ལ་བསྟོད་གླུ། ལྷ་དང་བླ་མ་མགུར་གླུ་མི་ལེན་པར་རང་གི་མིག་མདུན་ན་ཡོད་པའི་སྤྱི་ཚོགས་ཀྱི་བྱ་དངོས་ལ་དོ་སྣང་དང་ཡིད་འཇོག་བྱས་ཏེ་འབྲི་ཐབས་བྱེད་ཀྱི་ཡོད། གལ་ཏེ་མཐེ་མོ་སྒྲེང་མཁན་རེ་གཉིས་ཙམ་ཡོད་ན་འདི་ཉིད་ལ་མོས་པ་ཙམ་རེ་ཡིན་སྲིད། དེ་ལས་གཞན་ཡག་ཟེར་ས་ཞིག་མེད།  གངས-རྩོམ་ཡིག་འབྲི་རྒྱུ་ལས་སླ་པོ་ཞིག་མིན་པར་མ་ཟད། དེ་ལས་ཀྱང་སྤྱི་ཚོ...

ད་ལན་སྤྱི་འཐུས་གྲོས་ཚོགས་ཀྱི་གླེང་རྙོག་དང་འབྲེལ་ཏེ་སྤྱི་ཚོགས་ནང་འུར་འདྲོག་དང་གྲོས་ཚོགས་ཀྱི་གྲོས་གཞི་གྲོས་ཆོད་དང་གནད་དོན་གལ་ཆེན་ཡོད་ཚད་སྐྱུར་འཇོག་གིས་འཁྲུགས་ལོང་ཞིག་བྱུང་དང་འབྱུང་བཞིན་པ་རེད། གླེང་རྙོག་འདི་འདྲ་བ་ནི་ད་ཐེངས་དང་པོ་ཞིག་མ་ཡིན་ལ་མཐའ་མ་དེའང་གཏན་ནས་ཡིན་མི་སྲིད། ངེད་ཅག་གི་གྲོས་ཚོགས་མ་ནུབ་བར་གླེང་རྙོག་དང་འཁྲུགས་རྩོད་བྱུང་དང་འབྱུང་ངེས་ཡིན་པ་ནི། ངེད་ཅག་གི་གྲོས་ཚོགས་ཀྱང་མང་གཙོའི་རྩ་ཁྲིམས་འོག་གི་གྲོས་ཚོགས་ཤིག་དང་བཙན་བྱོལ་སྤྱི་ཚོགས་ཀྱང་མི་སྡེའི་སྤྱི་ཚོགས་ཤིག་ཡིན་སྟབས་རྙོག་དྲ་དང་བཀའ་ངལ་སྣ་ཚོགས་འཕྲད་རྒྱུ་ནི་ཆེས་རྒྱུན་ལྡན་ཞིག་གི་ཆ་ཤས་ཤིག་ཡིན། འདི་ལྟར་གླེང་དུས་སྤྱི་ཚོགས་ནང་རྙོག་དྲ་ཡོང་དགོས་པ་དང་མི་མཐུན་པའི་དཀའ་ངལ་མང་དག་ཡོང་རྒྱུ་དེ་ཡག་པོ་ཞིག་ཡིན་པའི་གོ་དོན་ཞིག་གཏན་ནས་མིན།  མདང་ནུབ་ངའི་དཔེ་མཚོན་ཁ་ཤས་ལ་གྲོགས་པོ་ཚོས་འདོད་མོས་བྱེད་ཀྱི་མི་འདུག་ལ་ཞྭ་དཔེ་ལྷམ་འགེབས་ཀྱི་དཔེ་རེད་ཅེས་ངེད་ཅག་བར་ལྟ་ཚུལ་དང་དང་བསམ་ཕྱོགས་མི་གཅིག་པར་རང་རང་གི་ལྟ་ཚུལ་ནས་གླེང་རེས་བྱས། ངས་ད་ཐེངས་ཀྱང་དཔེ་མཚོན་དེ་སོར་བཞག་ལས་བསྒྱུར་བཅོས་གང་ཡང་གཏོང་རྩིས་མེད། གང་ཡིན་ཞེ་ན། འུ་ཚོའི་བཙན་བྱོལ་ནང་གི་མང་གཙོ་ནི་རྒྱ་གར་གྱི་མང་ག...

སྐུར་འོས་བང་ཆེན་དྲ་བའི་འགན་འཁུར་མི་སྣ་དང་ཆེས་གུས་པ་འོས་པའི་གསེར་རྟ་ཚུལ་ཁྲིམས་མཆོག་ལ། དེ་རིང་གུས་པས་བསམ་ཆ་ཐེངས་གཉིས་པ་དེ་ཁྱེད་ཅག་གི་དྲུང་དུ་གཏོང་བཞིན་ཡོད། དེ་སྔོན་གྱི་བསམ་ཆ་ལྟར་ད་རེས་ཀྱང་ཁྱེད་རྣམ་པས་བང་ཆེན་དྲ་བ་སྤྱི་ཚོགས་སུ་མཁོ་རྒྱུག་ཆེ་བ་དང་བེད་སྤྱོད་སྟབས་བདེ་ཡོང་ཐབས་གནང་རོགས་ཟེར་བ་དེ་རང་ཡིན།  བང་ཆེན་དྲ་བའང་མི་རྐྱང་སྐོར་ཞིག་གིས་ཨ་ནན་ཨུ་ཚུགས་ཀྱིས་དཀའ་སྤྱོད་རིམ་པ་མྱོངས་ནས་བཙུགས་པའི་དྲ་ཚིགས་ཤིག་མ་ཟད། ད་བར་འགལ་རྐྱེན་སྣ་མང་དང་དཀའ་ཁག་དུ་མ་འཕྲད་མིན་ལ་མ་བལྟས་པར་རྒྱུན་འཆང་དང་སྤྱི་ཚོགས་ཀྱི་གནད་དོན་ཀུན་ལ་བདེན་པའི་མིག་ཟུང་བཀོལ་ཐུབ་པའི་སྤྱི་ཚོགས་དྲ་ཚིགས་ཡག་པོ་ཞིག་ཡིན་པས་རྣམ་ཀུན་ལྟ་ཀློག་དང་དྲ་ཉུལ་བྱེད་བཞིན་པ་ཡིན།  དྲ་ཚིགས་ཡག་པོ་ཞིག་ཡིན་ཕྱིན་སྤྱི་ཚོགས་ནང་མཁོ་རྒྱུག་དང་ཁྱབ་ཆེ་དེ་ཙམ་མེད་ན་དྲ་ཚིགས་དེ་གི་ཕམ་ཁ་ཡིན་པ་མ་ཟད་སྤྱི་ཚོགས་ཀྱི་གྱོང་གུད་ཀྱང་ཡིན་པས་ཕམ་ཁ་དང་གྱོང་གུད་དེ་མི་མཐུད་ཁུར་དགོས་དོན་མེད་ལ་འདི་མུས་བཞིན་ལྷག་ལ་སླད་ནས་གསག་པ་དཀའ་བའི་ནོར་འཁྲུལ་དང་ཕམ་ཁ་ཡོང་རྒྱུ་རེད་བསམས་ནས་གུས་པས་ཁྱེད་ཅག་ལ་བསམ་ཆ་འདི་ཕུལ་བ་ཡིན།  ཉིན་རྒྱུན་ང་རང་གསར་འགྱུར་ཀློག་པ་སྤྲོ་བས་འཕྲིན་ཕྲན་དང་ང...

མདང་དགོང་ང་རང་ལུས་ཀྱི་ལྷུ་ཚིགས་དང་གཟུགས་པོ་ཡོངས་རྫོགས་གཟེར་ཏེ་ཚ་བ་འཕར་ཞིང་ཆམ་པ་ཞིག་ན་གྲབས་ཨེ་ཡིན་བསམ་ནས་ཚ་བའི་སྨན་ཞིག་བཏུང་རྗེས། ང་ཚོའི་རྒྱུན་ཤེས་ཏེ་པག་རྒྱགས་ཚད་ཟས་ནས་ཉལ་ན་དྲག་སྐྱེད་ཡོང་ཐུབ་ཟེར་བ་བཞིན་ཐུག་པ་ཡིད་གང་བ་ཞིག་བཏུང་སྟེ་མགོ་རུམ་བཏུམས་ཀྱིས་ཉལ་སྡོད་པ་ཡིན། དུས་རྒྱུན་ང་ཚོའི་འཚོ་བའི་ཁྲོད་ཀྱི་ཚ་བ་གཅོག་ཐབས་དང་ཆམ་པ་སྔོན་འགོག་གི་རྒྱུན་ཤེས་ལ་དེ་ཙམ་དོ་སྣང་མི་བྱེད་ལ། ཕ་མ་ཚོས་པག་རྒྱགས་ཚད་ཟས་ནས་ཉོལ་ཟེར་བ་དང་འདྲ་བའི་རྒྱུན་ཤེས་འགའ་རེ་ཡོད་མོད། དེ་དག་སྨན་བཅོས་ལག་ལེན་དང་མཐུན་པ་ཞིག་ནི་ཨེ་ཡིན་སྙམ་པ་ཡང་ཡང་འབྱུང་གི་ཡོད།  གྷོ་གྷུལ་བཤེར་འཚོལ་ནས་<ལུས་ལ་ཚ་བ་རྒྱས་དུས་ཇི་ལྟར་བྱེད་དགོས།>འདི་ལྟར་བྲིས་ཏེ་འཚོལ་ཞིབ་ཅིག་བྱས་པས་བོད་ཀྱི་སྨན་གཞུང་ནང་གི་ཚ་བའི་རྒྱུ་རྐྱེན་དང་དེའི་འབྱུང་འབྲས། སྨན་བསྟེན་ཐབས་སོགས་ཧ་ཅང་རྒྱས་པོ་ཞིག་རྙེད་སོང་། འོན་ཀྱང་འདི་དག་ནི་རྒྱུན་ནད་བཅོས་ཐབས་ལས་འཕྲལ་སེལ་བཅོས་ཐབས་ཤིག་མིན་པ་མ་ཟད། བོད་སྨན་དེ་དག་ཀྱང་སྨན་ཁང་ནས་བསྟེན་གཏུགས་ཀྱིས་རག་རྒྱུ་ལས་སྟབས་བདེ་ཚོང་ཁང་ནས་ཉོ་རྒྱུ་མེད་ལ། སྨན་བཏུང་མི་དགོས་པར་འཕྲལ་སེལ་ཚ་བ་གཅོག་ཐབས་ཀྱི་རྒྱུན་ཤེས་སོགས་ཀྱང་གསལ་པོ་འཁོད་མི་འདུག གང་ལ...

ད་རེས་གུས་པས་ཚོད་ལྟ་ཞིག་གི་ལམ་ནས་ཀུ་ཤུ་ཁ་པར་དང་སྐུད་མེད་མཐེབ་གཞོང་སྦྲེལ་མཐུད་བྱས་ནས་མཇུག་འབྲས་ཇི་ཡོང་བལྟས་པས། དགའ་འོས་པ་ཞིག་ལ་ལེགས་གྲུབ་བྱུང་བ་མ་ཟད། བོད་ཡིག་གི་མཐེབ་གཞོང་སྤྱད་ནས་ད་ཐེངས་ཀྱི་ཆེད་རྩོམ་འདི་འབྲི་བཞིན་པའི་སྒང་ཡིན།  རྗེས་ཕྱོགས་ནས་ཆེས་སྟབས་བདེ་དང་ཧ་ཅང་མྱུར་མགྱོག་ངང་ཁ་པར་དུ་རྩོམ་ཡིག་རིང་པོ་དག་འབྲི་ཐུབ་པ་དང་། གློག་ཀླད་ཁ་ཕྱེ་མི་དགོས་པར་ཡིག་འབྲེལ་དང་ཡིག་ཆ་ཕབ་བཤུས། རྩོམ་ཡིག་འབྲི་འགོད་སོགས་བྱེད་ཐུབ་པ་མ་ཟད།  ཀུ་ཤུ་ཚང་གི་iPad  iPod iPhone ལས་ ཆེས་ཡིག་འབྲི་མང་བའི་དཔེ་དེབ་ཅིག་རྩོམ་རུང་ཡི་གེ་བཏགས་ཆོག  འདི་གཉིས་སྦྲེལ་མཐུད་བྱེད་པ་ལ་གསང་གནས་ཁ་ཤས་འདུག་པས་གསང་གནས་དེས་ཁྱེད་ཀྱི་ལེགས་གྲུབ་འབྱུང་བར་འགོག་རྐྱེན་བཟོ་ངེས་སྙམ། དེར་བརྟེན། གསང་གནས་འདི་ཁྱེད་ལ་བཤད་ཀྱི་ཡིན།  དང་པོ་ཁ་པར་དུ་སྐུད་མེད་མཐེབ་གཞོང་སྦྲེལ་མཐུད་བྱེད་པར་མཐེབ་གཞོང་དེ་ཀུ་ཤུ་རྟགས་ཅན་གྱི་མཐེབ་གཞོང་(apple wireless keyboard)ཡིན་དགོས།  ཚོང་རྟགས་གཞན་གྱི་མཐེབ་གཞོང་ལ་ཚོད་ལྟ་བྱས་མེད་པས་གནས་ཚུལ་ཅི་འབྱུང་མི་ཤེས། ཁ་པར་ནས་སོ་སྔོན་Bluetooth དང་མཐུད་སྐབས་མཐེབ་གཞོང་གི་མིང་དེ་ཐོན་ཡོང་བས། དེའི་ཐོག་...

ཉི་ཤར་ཚད་པ་གཟོད་ཐབས་མེད་དུས་ཀྱང་།། རྔུ་ནག་ཐིག་པས་གདོང་ལ་རི་མོ་བྲིས།། ལུས་སྟོད་རྔུ་ལེན་བརླན་གྱིས་འཚོས་པས་ན།། ད་དུང་ཉོས་ཞེས་སྐད་གཟན་འདར་འདར་ཞིག། འདི་ཉིད་མཐོང་དུས་སེམས་ལ་སྡུག་ནད་ཅིག། དཀོན་མཆོག་གསུམ་པོ་ཡང་ཡང་འབོད་འདོད་ཅིག མི་ཐེབས་ཁུར་པོ་ནན་གྱིས་གཉའ་ལ་ཁུར།། སྒྱུས་ཁུག་ལྷུག་ལྷུག་འགྲོ་མ་རྒྱུག་གིས་སོང་།། མཆུ་ཏོ་སྐམ་ནས་སེར་ཀ་དུ་མ་གས།། སྐད་རྩ་འབུར་ཏེ་དབུགས་ཀྱང་མི་ལེན་པ།།། འདི་ཉིད་མཐོང་དུས་སེམས་ལ་སྡུག་ནད་ཅིག། དཀོན་མཆོག་གསུམ་པོ་ཡང་ཡང་འབོད་འདོད་ཅིག མགོ་སྐྲ་གཟེང་པར་ཐལ་བས་སྐྱ་མདོག་བསྒྱུར།། གྲ་མཉམ་མེད་པའི་སྤུ་སོབ་འགྲམ་ངོས་གང་།། དྲེག་ནག་ངན་པས་སེན་དང་སོར་མོ་ཁེངས།། ཨ་ཐང་ཆད་པའི་སྐྱོ་ཉམས་གདོང་ནས་འཕྱུར།། འདི་ཉིད་མཐོང་དུས་སེམས་ལ་སྡུག་ནད་ཅིག། དཀོན་མཆོག་གསུམ་པོ་ཡང་ཡང་འབོད་འདོད་ཅིག ཁྱོ་གས་རྡུང་བའི་རྨ་ཤུལ་རྣག་གིས་འབུར།། བཟའ་ཟླས་བྲད་པའི་དཔག་བཤུལ་དམར་རེ་མངོན།། ཨ་མ་ཟེར་བའི་ངུ་གཟེར་བཙན་པོ་འབར།། ཨ་ཕར་བསྙེན་ནས་ངལ་གསོ་དུས་ཀྱང་འཕྲོག། འདི་ཉིད་མཐོང་དུས་སེམས་ལ་སྡུག་ནད་ཅིག། དཀོན་མཆོག་གསུམ་པོ་ཡང་ཡང་འབོད་འདོད་ཅིག གྲོང་སྟག་རྨོ་རྨོས་ཐུད་ལུད་རྒྱག་བཞིན་གཤེད།། ཁྱིམ་མཚིས་ཨ་ཕས་ལྡོག་མིག་ལྟོས་ནས་སོང་།། ཤ་ཉེ་སྤུན་ཡང་རྒྱང་ནས་རྒ...

ལོ་གཅིག་བརྗེ་སྤོར་གཏན་ནས་མི་དགོས་ཁ་དོག་དམར་པའི་གཟན་ཤམ་གཅིག། རྙིང་རལ་ཟད་པ་འདྲུད་བཞིན་རྒྱུ་བར་ངོ་ཚ་མི་ཉོ་བསིལ་ལྷམ་གཅིག། དགུན་འཁྱག་ལྷག་པ་ཆེ་བའི་དུས་ན་རྐང་རྗེན་མི་གྲང་ལྷམ་རྙིང་གཅིག། གྲྭ་རྐྱང་འཚོ་བ་སྟབས་བདེ་ཡིན་པས་འཆི་དུས་འགྱོད་པ་ཅི་ཡང་མེད།། ཕུགས་རྒྱུ་བཅོལ་འཇོག་བུད་སྐྱེད་མེད་ན་སུ་དང་གང་གིས་བདའ་འདེད་མེད།། དགྲ་གཉེན་ཁེ་འཛིན་སྨྱོ་ཆུ་མ་བཏུང་ཀླད་རྩ་འཁྲུགས་པའི་འཕྱ་ཀ་མེད།། གཟའ་ཟླ་བུ་ཕྲུག་པང་དུ་མ་སློང་དུང་ཞེན་འཁོར་བའི་འཇུ་ཐག་མེད།། གྲྭ་རྐྱང་འཚོ་བ་སྟབས་བདེ་ཡིན་པས་འཆི་དུས་འགྱོད་པ་ཅི་ཡང་མེད།། གཟའ་ཅ་བཏུང་བ་ཅི་རག་ཙམ་ལས་ཡག་དང་གཙོག་གི་གདམ་གསེས་སྐྱུར།། གནས་དང་གནས་མལ་ངན་ངོན་དེ་ལས་སྐྱིད་དང་དགའ་ཡི་ཐ་སྙད་སྐྱུར།། སུ་དང་འགྲོགས་ན་ཡིད་བློ་བདེ་བཞིན་དོགས་དང་འཇིགས་པ་རྩད་ནས་སྐྱུར།། གྲྭ་རྐྱང་འཚོ་བ་སྟབས་བདེ་ཡིན་པས་འཆི་དུས་འགྱོད་པ་ཅི་ཡང་མེད།། ཆབ་དཔལ་རིག་གསུམ་གས་འཐོར་སོང་ཡང་ངེད་རང་གཏོར་དང་འཐོར་ཞིག་མེད།། ཚན་རྩལ་དཔལ་ཡོན་བསླུ་ཁ་བཙན་ལ་བདག་ཉིད་མགོ་ཐོམ་འགྱུར་བ་མེད།། དེང་རབས་སྤྱི་འགྲོས་ཧམ་ཤད་ཆེ་བར་མགོ་སྒུར་ལུས་འབུལ་ཞུ་རྩིས་མེད།། གྲྭ་རྐྱང་འཚོ་བ་སྟབས་བདེ་ཡིན་པས་འཆི་དུས་འགྱོད་པ་ཅི་ཡང་མེད།། ...

དགེ་ལྡན་ཆོ་འཕྲུལ་སྨོན་ལམ་ཆེན་མོ་ཚུགས་པ་ནས་ད་ལྟའི་བར་སྔོན་བྱུང་ལོ་རྒྱུས་ཀྱི་ལྟེབ་སྲུབས་ན་འཕོ་འགྱུར་དང་། ཆབ་སྲིད་ཀྱི་ཡོ་ལང་གི་དཀལ་ངལ་སྣ་ཚོགས་འཕྲད་མྱོང་ཞིང་། སྐབས་རེ་འགར་རྭ་ས་འཕྲུལ་སྣང་གི་སྟེང་ཤོད་བར་གསུམ་ན་འདུས་མང་གི་སྙན་གསལ་འདོན་དབྱངས་ཀྱི་གྲགས་པ་ལྷང་ལྷང་རྡིར་ཞིང་། སྣང་གསལ་སྒྲོན་མེ་ཁྲི་མ་འབུམ་གྱི་འོད་ཟེར་ཕྱོགས་ཀུན་འཕྲོས། དད་ལྡན་པའི་ཕྱག་མཆོད་མེ་ཏོག་གི་ཕྲེང་བ་སུམ་རྩེན་མི་ཡུལ་དུ་འཕོས་པ་ལྟ་བུའི་དགེ་ལེགས་རྒྱུན་མར་བབས་པའི་དུས་ཚིགས་རེའང་བྱུང་མྱོང་། ཕྱི་ལོ་༡༩༥༩ལོའི་ལོ་ནག་གི་མུན་པ་དེ་ཚེས་ཤིང་མགོ་ཚུགས་པ་ནས་འུ་ཅག་གི་མི་རིགས་དང་། རིག་གནས། རིག་གཞུང་དང་། ཡུལ་སྲོལ་གོམས་གཤིས། ཆོས་ལུགས་དང་། ཆོས་བྱེད་དགེ་འདུན་པའི་སྡེ་ཀུན་ལ་སྐྱུ་གཡར་བའི་ཆག་འཇིག་དང་། བཟོད་དཀའ་བའི་སྡུག་བསྔལ་སྣ་ཚོགས་བྱུང་ནས། མི་རིགས་རིག་གནས་དང་བཅས་པ་རྩ་ལག་ཏུ་འགྲོ་ལ་ཉེ་ཞིང་། སྐད་ཡིག་འཆི་གསོན་གྱི་དབུགས་རྒྱུན་འགག་ལ་ཁད་དུ་བྱུང་།  འོན་ཀྱང་མཁྱེན་བརྩེ་ཆོས་ཀྱི་བློ་གྲོས་ཀྱི་ཡ་མཚན་གྱི་གསུང་བཞིན་དུ་དཔོན་སློབ་མི་ཉུང་བ་ཞིག་རྒྱ་གར་དུ་ཕེབས་འབྱོར་ཐུབ་པའི་སྐལ་བཟང་དེ་ཉིན་ནས་ཆབ་དཔལ་རིག་གསུམ། ཆོས་སྡེ་མི་སྡེ་གཉིས་ཀའི་རྨངས་ལེགས་པོར་གཏིང་ནས་ཁ་སང་ད...

གྲོང་ཁྱེར་ཁག་ཏུ་ནི་སྔ་མོ་ཞིག་ནས་དྲ་ཐོག་གི་ཉོ་ཚོང་དར་ཡོད་པས་རང་ཁྱིམ་དུ་བསྡད་ནས་ཅ་དངོས་ཡག་གཙོག་དང་སྤུས་ཀ་དྲག་ཞན། གོང་ཚད་མཐོ་དམན་སོགས་བལྟས་ནས་ཅ་དངོས་འདེམས་སྒྲུག་གིས་མངགས་ཉོ་བྱེད་ཀྱི་ཡོད་འདུག དྲ་ཐོག་གི་ཚོང་འབྲེལ་བྲིན་རྒྱུག་ཆེ་བའི་རྐྱེན་གྱིས་ཚོང་འབྲེལ་དྲ་བ་ཧ་ཅང་མང་པོ་ཡོད་ཚད་འདུག་ལ། ངེད་ཅག་གིས་ཤེས་པའང་བཅུ་གྲངས་ཤེས་ཡོད།  བོད་གཉེར་ཉོ་ཚོང་དྲ་བ་ནི་ཉུང་ཉུང་ནང་གི་ཉུང་ཉུང་ཞིག་ཡིན་ལ་ཡོད་པ་དག་ཀྱང་སྤྱི་ཚོགས་ནང་རྒྱུག་ཆེ་བ་ཞིག་མིན། ད་རེས་ངས་བཤད་འདོད་པ་ནི་རང་ཉིད་གནས་སྡོད་བྱེད་སའི་རྒྱ་གར་གྱི་སྤྱི་ཚོགས་ནང་ཆེས་རྒྱུག་ཆེ་བའི་ཚོང་འབྲེལ་དྲ་བ་འགའ་ངོ་སྤྲོད་བྱེད་རྒྱུ་དེ་ཡིན་མོད་ཚོང་འབྲེལ་གྱི་བརྡ་ཆད་ཁག་བོད་ཡིག་ཐོག་ཏུ་དེ་ཙམ་མི་འདུག་ཅིང་། དྲ་བའི་ཚོང་འབྲེལ་ཐོག་ཏུ་རང་ཉིད་ལ་མྱོང་རྒྱུས་མེད་པ་དང་འབྲེལ་ཡོད་ཡིག་ཆ་དང་ཟུར་བལྟ་བྱེད་ས་མ་རག་སྟབས་རང་གི་རྒྱུན་ཤེས་ཙམ་བཀོད་པ་ལས་ཐབས་གཞན་མ་རྙེད། Amazon,Flipkart ,Snapdeal, Ebay འདི་དག་ནི་ད་སྐབས་ཚོང་འབྲེལ་དྲ་བ་ཚད་ལྡན་དག་ཡིན་ཞིང་། འདི་ནས་རིན་གོང་མཐོ་དམའ་འདྲ་མིན་གྱི་ཅ་དངོས་ཉོ་ཚོང་ཙམ་མ་ཟད། སྐྱེལ་འདྲེན་ཞབས་ཞུ་ལེགས་པོ་ཡོད་ལ་ཉིན་དྲུག་བདུན་ནང་དུ་སྐྱེལ་འདྲེན་ཐུབ་པ་བྱེད་ཀྱི་འདུག ...

ཚ་བའི་མེ་རླབས་ཇེ་ཆེར་སོང་བའི་ནགས་ཁྲོད་སྟུགས་པའི་འགྲམ་ངོགས་ན།། ཤུབ་ཤུབ་རླུང་ཡང་དྲོད་ཀྱིས་འཚོས་པའི་མེ་རླངས་འཕྱུར་བའི་རྒྱ་མཚོ་ཆེ།།  གཟན་ལ་འདུར་བའི་མཆེ་སྡེར་དག་ཀྱང་གྲིབ་སྲིབ་འོག་ན་མགོ་ལུས་འཁུམས།།  སྣ་ཞག་རིང་བའི་གླང་ཆེན་ཚོགས་དེ་འདམ་སྙོག་ཚལ་དུ་འགྲེ་ལྡོག་བྱེད།།  མགོ་སྤུ་གཟེང་པའི་བྷེ་ཏ་སྡོང་རྒན་འབྲས་བུའི་ཁུར་གྱིས་ནང་དུ་དུད།། ངང་ལག་འཛར་བའི་གཞུང་རྟ་དེ་ཡང་ལོ་མའི་ཕབ་ན་རྒས་ཤིང་ཁོགས།། མྱ་ངན་ཤིང་སྡོམ་སྡུག་པའི་ཟོལ་གྱིས་ལོ་འདབ་མཐུར་རྐྱོང་ཡ་རེ་མཚན།། བཅུན་སྒྲིལ་མདུད་པ་དམ་དུ་སྡོམ་པའི་སྨྱུག་རྫོབ་འགུལ་བ་ཙིར་ཙིར་སྒྲ།།