འདྲེ་ཤིག་དམར་པོའི་དེབ་ཕྲེང་གཉིས་པ་ངར་སྐད་མི་ཡུལ་དུ་བལྟམས།

༈རྩོམ་པ་པོ་འདྲེ་ཤིག་དམར་པོའི་དེབ་ཕྲེང་གཉིས་པ་《ངར་སྐད།》དབུ་འབྱེད་མཛད་སྒོ་རྒྱ་གར་ལྷོ་ཕྱོགས་ནས་སྤེལ། 

ཕྱི་ལོ། ༢༠༡༩ ཟླ་བ། ༡༢ ཚེས། ༠༡ ཉིན།

སྐུ་མགྲོན་གཙོ་བོ་དཔལ་ལྡན་ནང་སྲིད་བཀའ་བློན་འཁོར་ལྷ་ཚང་བསོད་ནམས་སྟོབས་རྒྱལ་མཆོག་གིས་སྙན་དེབ་ངར་སྐད་དབུ་འབྱེད་གནང་། དེ་ནས་ལྷ་རམས་པ་མཁར་སྒང་བསོད་ནམས་དབང་ལྡན་ལགས་ཀྱི་རྩོམ་རིག་དང་འབྲེལ་བའི་བརྗོད་གཞི་གཉིས་ཀྱི་སྟེང་ནས་གཏམ་བཤད་སྐར་མ་བཅུའི་རིང་སྤེལ། དེས་རྗེས་མདོ་འཛིན་པ་ཁ་བའི་སྲས་ཀྱིས་རྩོམ་པ་པོའི་ངོ་སྤྲོད་དང་འབྲེལ་བའི་སྟེང་ནས་རྩོམ་པ་པོའི་བརྩམས་ཆོས་བཀླགས་པའི་མྱོང་ཚོར་གྱི་སྟེང་དུ་སྐར་མ་བཅུའི་རིང་གཏམ་བཤད་སྤེལ། དེས་རྗེས་སེར་བྱེས་ལྷ་རམས་དགེ་བཤེས་གཙང་ཁ་བསོད་ནམས་རྡོ་རྗེ་མཆོག་གིས་རྩོམ་པ་པོ་ལ་བསྔགས་བརྗོད་དང་སྦྲགས་སྐར་མ་གསུམ་རིང་གཏམ་བཤད་སྤེལ། སེར་བྱེས་ལྡན་མ་ལྷ་རམས་དགེ་བཤེས་ངག་དབང་སྟོབས་ལྡན་ལགས་ཀྱིས་རྩོམ་པ་པོ་ལ་ལེགས་གསོའི་བསྔགས་བརྗོད་དང་སྦྲེལ་གཏམ་བཤད་སྐར་མ་གསུམ་རིང་སྤེལ། སེར་བྱེས་ལྷ་རམས་དགེ་བཤེས་ནགས་ཤོད་སྐལ་རྒྱན་ལགས་ཀྱིས་རྩོམ་པ་ངོ་ཤེས་སྟངས་དང་རྩོམ་པ་པོའི་རྩོམ་ཡིག་ལ་དོ་སྣང་ཡོད་ལུགས་ཀྱི་སྟེང་ནས་སྐར་མ་གསུམ་རིང་གཏམ་བཤད་སྤེལ། རྣམ་གྲོལ་གླིང་གི་སློབ་གཉེར་བ་རྨ་འབྲོག་འཁྱམ་གྱིས་རྩོམ་རིག་དང་རྩོམ་པ་པོའི་བྱེད་རྗེས་ལ་བསྔགས་བརྗོད་ལ་འབྲེལ་གཏམ་བཤད་སྐར་མ་ལྔའི་རིང་སྤེལ། ངར་སྐད་རྩོམ་པ་པོ་སྡེ་དགེ་སྐལ་བཟང་ངམ་འདྲེ་ཤིག་དམར་པོ་ཡིས་རང་ཉིད་རྩོམ་རིག་ལ་ཁ་ཇི་ལྟར་ཕྱོགས་མིན་དང་རྩོམ་ཡིག་ཟེར་བ་དེ་གང་འདྲ་ཞིག་ལ་ངོས་འཛིན་གྱི་ཡོད་མེད་ཀྱི་སྟེང་ནས་གཏམ་བཤད་སྐར་མ་དྲུག་རིང་བྱས། དེ་ནས་མདོ་འཛིན་པས་ཐུགས་རྗེ་ཆེ་ཞུའི་གཏམ་བཤད་སྤེལ་རྗེས། རྩོམ་པ་པོས་སྐུ་མགྲོན་རྣམས་ལ་ཐུགས་རྗེ་ལེགས་འབུལ་མཚོན་ཆེད་མཇལ་དར་རེ་ཕུལ། སྐུ་མགྲོན་རྣམས་པས་འཕྲད་དར་གྱི་སྟེང་དུ་ས་རྟགས་སྐྱོན་རྗེས་དྲན་རྟེན་འདྲ་པར་བླངས། དེ་བཞིན་མཛད་སྒོ་རྒྱལ་ཁའི་ངང་མཇུག་སྒྲིལ་བའོ།།

དངོས་མིང་། སྐལ་བཟང་དཔལ་ལྡན།

སྨྱུག་མིང་། འདྲེ་ཤིག་དམར་པོ། 

༡༩༩༥ལོར་ཁམས་སྡེ་དགེ་རུ་སྐྱེས། ༢༠༡༠ལོར་རྒྱ་གར་དུ་འབྱོར། ༢༠༡༡ ལོར་སེར་བྱེས་འབྲིང་རིམ་སློབ་གྲྭར་འཛུལ་ཞུགས་བྱས། ༢༠༡༨ ལོར་རྒྱ་གར་རྒྱལ་ཡོངས་དབུས་འབྲིང་རིམ་ཤེས་ཡོན་ལྷན་ཚོགས་ནས་འཛིན་རིམ་བཅུ་པའི་སློབ་མཐར་ཕྱིན།༢༠༡༡ ནས་བཟུང་སློབ་གྲྭ་ནས་རྩོམ་ཡིག་བྱ་དགའ་གྲངས་བཅུ་བླངས་མྱོང་། ༢༠༡༥ ནས་བཟུང་བོད་གཞུང་ཤེས་རིག་ལས་ཁུངས་ཀྱི་གོ་སྒྲིག་འོག་རྩོམ་ཡིག་བྱ་དགའ་གྲངས་བཞི་བླངས་མྱོང་།༢༠༡༤ ནས་བཟུང་སེར་བྱེས་མཁས་སྙན་གྲྭ་ཚང་གི་རྩོད་རྒྱུགས་ཨང་རིམ་དང་པོའི་དང་པོ་བཞི་དང་དང་པོའི་གཉིས་པ་ཐེངས་གཅིག་བླངས་མྱོང་།༢༠༡༦ ལོར་སྒེར་དེབ་དང་པོ་《ན་གཞོན་གྱི་ཚོར་རླབས།》ཕུད། ༢༠༡༨ ལོར་སེར་བྱེས་འབྲིང་རིམ་སློབ་གྲྭའི་ཟླ་རེའི་དུས་དེབ་《བློ་འཕེལ་སྙན་རྩོམ།》གྱི་རྩོམ་སྒྲིག་པ་བྱས། ༢༠༡༦ ལོར་སེར་བྱེས་འབྲིང་རིམ་སློབ་གྲྭའི་སྤྱི་ཁྱབ་དགེ་བདག་གི་ལས་ཁུར་ཞུས།༢༠༡༨ ལོར་སློབ་གྲྭའི་ཁང་ཚན་དགེ་བདག་གི་ལས་ཁུར་ཞུས།༢༠༡༨ ལོར་སྐབས་དང་པོའི་མར་མེ་རང་འབར་ཚང་གི་ཚོགས་གཙོ་འགན་ཁུར་ཞུས།༢༠༡༧ ནས་སྡེ་དགེ་དཔལ་ཡོན་འཕྲིན་སྟེགས་ཀྱི་གཙོ་སྐྱོང་བ་བྱས། ༢༠༡༩ ནས་བཟུང་སེར་བྱེས་མཁས་སྙན་གྲྭ་ཚང་དུ་ནང་ཆོས་ལ་སློབ་གཉེར་བྱེད་བཞིན་པ་བཅས།

སེར་བྱེས་ཏྲེ་ཧོར་ངོ་སྤྲོད་བཻཌི་རྱ་དཀར་པོ།

དཔེ་དེབ་འདི་ནི་སེར་བྱེས་ཏྲེ་ཧོར་ཁམས་ཚན་གྱི་ངོ་སྤྲོད་དཔེ་དེབ་གསར་པ་ཞིག་ཡིན་ཞིང་བརྗོད་བྱ་གཙོ་བ་ནི་བཙན་བྱོལ་དུ་སླེབས་པའི་རྗེས་ཀྱི་ཁམས་ཚན་གྱི་བྱུང་བ་དག་བཀོད་འདུག

ཕབ་ལེན་དྲ་སྣེ།

བོད་སྨན་གྱི་ཕན་ཡོན།

དབུ་མ་དགོངས་པ་རབ་གསལ། རྩ་འགྲེལ་སྦྱར་མ།

འཕྲུལ་དེབ།
གཞུང་ཚན།	དབུ་མ།
རྩོམ་པ་པོ།	རྗེ་ཙོང་པ།
འཕྲུལ་དེབ་ཏུ་སྒྲིག་མཁན།	སེར་སྨད་འཇམ་དབྱངས་བསོད་ནམས།
སྤེལ་མཁན	སྲོང་བཙན་དྲ་བ།
སྤེལ་དུས།	209-3-24
སྟོད་ཆ།	ཕབ་ལེན།
སྨད་ཆ།	ཕབ་ལེན།

འདུལ་བའི་གླེང་འབུམ།

 མཛད་པ་པོ། རྒྱལ་བ་དགེ་འདུན་གྲུབ། འཕྲུལ་དེབ་སྒྲིག་མཁན། སེར་སྨད་འཇམ་དབྱངས་བསོད་ནམས།

འདུལ་བའི་གླེང་འབུམ་ཆེན་མོ། སྟོད་ཆ།



འདུལ་བའི་གླེང་འབུམ་ཆེན་མོ། བར་ཆ།

འདུལ་བའི་གླེང་འབུམ་ཆེན་མོ། སྨད་ཆ།

<ཆམ་ནད། ངེས་འབྱུང་སྤུ་སུད་མ།>

ཕྲ་འབུ་གཅིག་གིས་རང་ལུས་འབྱུང་གཞི་འཁྲུགས།།
མ་བརྟག་བློ་ལ་བརྟན་པའི་ལུས་འདི་ཡང་།།
ཞིབ་ཏུ་བསམ་ན་རྩྭ་རྩེའི་ཟིལ་པ་ལྟར།།
རྟག་བརྟན་མེད་པར་ངེས་ཤེས་གསལ་བར་རྙེད།།

འབྱུང་གཞི་འཁྲུགས་ནས་ལུས་ཟུངས་ཡོངས་སུ་ཟད།།
རུས་ཚིགས་བར་ན་ཚ་བའི་མེ་སྟག་འཕྲོས།།
མགོ་རུས་དེ་ནི་གས་ཤིང་ཆག་ལ་ཁད།།
བསམས་ཤིང་བསམ་ན་ནད་ཀྱི་རྐྱལ་པར་ངེས།།

ཚ་བ་འབར་ནས་རྔུལ་ཆུས་ལུས་ཡོངས་སྦངས།།
གཞན་གྱིས་བརྟག་དུས་ཚ་བ་མི་འདུག་ཟེར།།
མི་གཉིས་བར་ལ་མྱོང་བ་ཐ་དད་འདི།།
སེམས་ཙམ་གྲུབ་མཐའི་རྣམ་བཞག་བདེན་པར་འདུག།

རྐུབ་ཁབ་ཟད་པས་སྐྲག་ཅིང་ན་ཟུག་ཆེ།།
ན་བའི་ཐོག་ལ་ན་ཐོག་ན་སྣོན་འདི།།
འཁོར་བར་ལུས་པའི་ཉེས་པ་ཡིན་པར་ངེས།།
འཁོར་བའི་འདམ་ལས་མ་གྲོལ་སྡུག་གི་གཞི།།

ཚེ་འདི་ཉིད་ལ་ཟུང་འཇུག་གོ་འཕང་རྙེད།།
མོས་གུས་ཅན་ལ་ལོ་གསུམ་ཙམ་གྱིས་ཐོབ།།
གསང་བ་སྔགས་ཀྱི་ནུས་མཐུ་དེ་བདེན་ན།།
ད་ལྟ་ཉིད་ནས་མི་འཇུག་ཅི་ཞིག་ཡིན།།

སྔགས་ལམ་ཞུགས་ན་སྨྱོན་པའི་ཚུལ་དགོས།།
འཁོར་འདས་གཉིས་པོ་དབྱེ་མེད་རོ་གཅིག་ལྟ།།
ཡག་དང་བཙོག་གི་རྣམ་བཞག་ཧྲིལ་ལེ་དོར།།
སྐྱགས་ཆེན་ཡིན་རུང་ཟས་ལ་བསྟེན་དགོས་སྐད།།

སྡོམ་ལྡན་ཡིན་ཀྱང་རིག་མ་བསྟེན་པས་འགྲིག།།
འདུལ་ཁྲིམས་མི་དགོས་ཅི་དགར་སྤྱོད་ན་ཆོག།
རྡོ་རྗེ་ཐེག་པའི་ཟབ་གནད་དགོས་པ་ལ།།
མི་གྲལ་བུད་ནས་ཁྱི་གྲལ་འཚུད་དགོས་གྲགས།།

སྨྱོན་པ་ཟེར་ཞིང་སྡིང་པའི་སྦྱོར་བ་བརྩམས།།
འདུལ་ཁྲིམས་ཟེར་ནས་གནམ་ལ་གྲི་བཞིན་འཕྱར།།
ཐ་མའི་བློ་ཡིས་ཚོད་འཇལ་བྱེད་ལུགས་འདི།།
མ་དག་ལས་ཀྱིས་གཡང་ལ་གཡུག་གི་ཡོད།།

དག་སྣང་སྦྱོང་བ་བཀའ་བདམས་གོང་མའི་ལུགས།།
ཐེག་པ་རིམ་དགུ་རྩལ་འདོན་སྔ་འགྱུར་ཞབས།།
རྫོགས་རིམ་མན་ངག་ཟབ་པའི་བཀའ་རྒྱུད་པ།།
རིས་མེད་ལྟ་བ་དཔལ་ལྡན་ས་སྐྱའི་ལུགས།།

དཔྱད་འཇོག་སྒོ་པས་་རྒྱལ་བསྟན་སྙིང་པོ་འཛིན།།
འདུལ་ཁྲིམས་གཅེས་པའི་རི་བོ་དགེ་ལྡན་པ།།
རང་རང་སོ་སོར་ཐུན་མོང་ཆེ་བ་མོད།།
གུས་ཤིང་བརྩི་སྟེ་དག་སྣང་ཡོང་བར་བྱ།།
2019-4-7

ཆམ་ནད་གཅིག་གིས་མནར་ནས་སྨན་ཁང་གི་སྒུག་སྟེགས་ན་འདུག་དུས་དུས་ཚོད་འགྲོ་དཀའ་བས་བློ་ལ་གང་འཆར་ཞིག་བྲིས།

མཛོད་གནས་གཉིས་པ་དབང་པོ་བསྟན་པའི་དྲི་བ་དང་དྲིས་ལན།

འབྲི་མཁན། ཁྲོཾ་གྲྭ་ཕུར་བ་འཕྲིན་ལས།

དྲི་བ།༡༽དབང་པོའི་མཚན་ཉིད་ཞོག ལན།༽ གང་ཞིག་གང་ལ་ཐུན་མོང་མ་ཡིན་པའི་ཆོས་ལ་ལྷག་པར་དབང་བྱེད་པའི་རིགས་སུ་གནས་པ་དེའོ། །དྲི་བ།༢༽དབང་པོ་ཉེར་གཉིས་ཀྱི་གྲངས་ངེས་གང་། ལན། སེམས་ཀྱི་རྟེན་བྱེད་པའི་ཆ་ནས་མིག་སོགས་དབང་པོ་དྲུག་དང་། སེམས་ཅན་གྱི་བྱེ་བྲག་འབྱེད་པའི་ཆ་ནས་ཕོ་མོའི་དབང་པོ་གཉིས། རིགས་མཐུན་གནས་པར་བྱེད་པའི་ཆ་ནས་སྲོག་གི་དབང་པོ། ཉོན་མོངས་འཕེལ་བར་བྱེད་པའི་ཆ་ནས་ཚོར་བའི་དབང་པོ་ལྔ། རྣམ་བྱང་གི་རྒྱུའི་ཆ་ནས་དད་སོགས་དབང་པོ་ལྔ། རྣམ་བྱང་གི་ངོ་བོའི་ཆ་ནས་དྲི་མེད་གསུམ་བཅས་ཉེར་གཉིས་ངེས་སོ། །

དགུང་ལོ་བརྒྱད་ཅུ། རྟེན་འབྲེལ་གྱི་མེ་ཏོག་འབུལ།

སྙིང་ནས་དད་པའི་མེ་ཏོག་འཛུམ་པ་ཡིས།།
དགའ་གུས་དད་གསུམ་ལོ་འདབ་ཡོངས་སུ་གྲོལ།།
མགོ་བོའི་ཕྱག་གིས་ཞབས་རྡུལ་གཙུག་ན་བླངས།།
མགོན་ཁྱོད་མི་ནུབ་བསྐལ་བརྒྱར་བཞུགས་སུ་གསོལ།།

མ་ཤེས་རྨོངས་པའི་གོམ་ཁ་འཁྱར་འཁྱོར་ལ།།
ལམ་དུ་འདེད་པའི་སེམས་པ་རབ་ཏུ་བསྐྱེད།།
གང་ན་ནོར་བའི་ཕྱོགས་ལ་ལམ་སྟོན་པ།།
སྙིག་དུས་འདི་ན་བསྐལ་བརྒྱར་བཞུགས་སུ་གསོལ།།

ཁ་མཁས་ཚིག་སྙན་ངོ་སྲུང་བྲག་གི་རིར།།
ཇི་བཞིན་བདེན་པ་སྨྲ་བའི་ཕུར་གྱིས་བཏབ།།
དྲང་ལ་བདེན་པ་སྐྱོང་བའི་སེམས་དཔའ་ཁྱོད།།
མགོན་ཁྱོད་མི་ནུབ་བསྐལ་བརྒྱར་བཞུགས་སུ་གསོལ།།

ཤེས་རློམ་ཟོག་པོ་འབར་མའི་མེ་ཕུང་ལ།།
ཀུན་གྱི་གྲ་མཐར་འཛིན་པའི་ཆུ་བོ་བཤོས།།
ང་རྒྱལ་མགོ་བོ་བཏུབ་པའི་དཔའ་བོ་ཁྱོད།།
མགོན་ཁྱོད་མི་ནུབ་བསྐལ་བརྒྱར་བཞུགས་སུ་གསོལ།།

འདོད་ཆེན་ཆུ་སྲིན་འཁྲོས་པའི་རྒྱ་མཚོའི་ཀློང་།།
ཆོག་ཤེས་གྲུ་ཆེན་རླུང་གིས་ཕ་རོལ་སོན།།
འགྲོ་ཀུན་སྒྲོལ་ལ་མཁས་པའི་དེད་དཔོན་ཁྱོད།།
མགོན་ཁྱོད་མི་ནུབ་བསྐལ་བརྒྱར་བཞུགས་སུ་གསོལ།།

ཀུན་ལ་བྱམས་པའི་ཆར་སྤྲིན་ལིང་ལིང་ལྡིང་།།
ཐུགས་རྗེ་སྦྲང་ཆར་སིལ་མ་ཟིལ་ཟིལ་བསྙིལ།།
རང་རྒྱུད་གྱོང་པོར་རློན་གྱིས་བརླན་མཁས་པ།།
མགོན་ཁྱོད་མི་ནུབ་བསྐལ་བརྒྱར་བཞུགས་སུ་གསོལ།།

མཁས་མང་བརྒྱ་ཕྲག་དབུས་ན་གཡུ་རལ་གཟེངས།།
ལོག་པའི་སྨྲ་ངན་འཇོམས་པའི་མཆེ་སྡེར་རྣོ།།
རྒྱལ་བའི་དགོངས་དོན་ཇི་བཞིན་འཆད་ལ་དཔའ།།
མགོན་ཁྱོད་མི་ནུབ་བསྐལ་བརྒྱར་བཞུགས་སུ་གསོལ།།

རྣམ་དག་ཚུལ་ཁྲིམས་གསེར་གྱི་ས་གཞི་ལ།།
མདོ་བརྒྱུད་སྡེ་སྣོད་ས་བོན་སྨིན་པ་ཡི།།
བསླབ་གསུམ་ལྗོན་པའི་འདབ་ལོ་བར་སྣང་བསྲིངས།།
མགོན་ཁྱོད་མི་ནུབ་བསྐལ་བརྒྱར་བཞུགས་སུ་གསོལ།།


____རྒྱུད་སྨད་མཁན་ཟུར་དང་། སེར་བྱེས་མཁན་ཟུར། སྲད་བརྒྱུད་མཁན་ཟུར་བཅས་ཀྱི་མཚན་བཟང་གི་ཅོད་པན་འཆང་བའི་རྗེ་བཙུན་བློ་བཟང་བདེ་ལེགས། མཚན་གཞན་དགེ་བཤེས་དབུ་མ་འཇུག་པ་གང་ཉིད་འདི་ལོ་དགུང་ལོ་བརྒྱད་ཅུ་ཕེབས་པ་དང་བསྟུན། ཕྱི་རྒྱལ་དུ་བཞུགས་པའི་དགེ་ཕྲུག་རྒན་པ་ཚོས་འགོ་ཁྲིད་ཅིང་རྒྱལ་ཕྱི་ནང་གི་སློབ་མ་ཚོས་སྙིང་གི་རུས་ནས་བརྟན་བཞུགས་འབུལ་རྒྱུ་ཡང་ཡང་གསོལ་བ་བཏབ་ཅིང་། ཞལ་བཞེས་བཟང་པོ་ཐོབ་ནས་དེ་རིང་ཞོགས་པར་བརྟན་བཞུགས་འབུལ་ལམ་ཞུས་སོང་། གུས་པ་ཡང་རྒན་རིན་པོ་ཆེའི་ཞབས་རྡུལ་སྤྱི་བོས་བླངས་ཏེ་འགོ་བསྡུས་གྲྭ་ནས་བཟུང་སྟེ་གསུང་གི་བདུད་བརྩི་མྱོལ་སྐལ་ཐོབ་པའི་སློབ་བུ་ཞིག་ཡིན་སྟབས་དགའ་དད་སྤྲོ་གསུལ་གྱིས་བརྟན་བཞུགས་སུ་བཅར་ནས་རང་ནུས་གང་ཡོད་ཀྱིས་སྨོན་ལམ་བཏབ། མིང་མཐར་མཆི་མས་གང་བཞིན་རྒན་རིན་པོ་དགུང་ལོ་བརྒྱད་ཅུ་ཕེབས་པའི་རྟེན་འབྲེལ་གྱི་སླད་དུ་སྙན་ཚིགས་ཤོ་ལོ་ཀ་བརྒྱད་ཨུ་ཚུགས་ཀྱིས་བྲིས་ཤིང་། ད་དུང་ཡང་སྐུ་ཚེ་ཡུན་ཏུ་བརྟན་པའི་སྨོན་ལམ་གང་ནུས་འདེབས་ཁུལ་བྱས་པས་དེ་བཞིན་འགྲུབ་པའི་སྐྱབས་འཇུག་མཆོག་གསུམ་རྒྱལ་བ་རྒྱ་མཚོར་ཞུས་པ་ལགས།།