ཁ་པར་གཙང་མ་ཇི་ལྟར་བྱེད་དགོས།
- ཁ་པར་ནང་གི་ཁྱེད་ལ་དགོས་མཁོ་ཡོད་པའི་པར་དང་ལྟད་མོ་རིགས་ཇི་ཡོད་བྱང་བུའི་ནང་བཅུག་དགོས།
- ཁ་པར་གྱི་ནང་དུ་ཉར་ཚགས་བྱས་པའི་ཁ་པར་ཨང་གྲངས་ཉར་ཚགས་བྱེད་དགོས།
- ཁྱེད་ཀྱི་ཕབ་ལེན་བྱས་ཡོད་པའི་མཉེན་ཆས་དང་བསྐྱར་གསོ་བྱས་ཡོད་པའི་མཉེན་ཆས་ཁག་ཉར་ཚགས་བྱེད་དགོས། འདི་གསུམ་བྱས་ཚར་ན་བློ་བདེ་པོའི་ངང་ཁ་པར་བསྐྱར་སྒྲིག་བྱེད་ཆོག ལམ་ཁ་འདི་གསུམ་བརྒྱུད་སྟངས་ཤེས་ན་ལས་སླ་པོ་ཞིག་ཡིན་མོད། ཉམས་མྱོང་ཕྲན་བུ་མེད་ན་ཅུང་མགོ་རྙོགས་ཆེ་བ་ཞིག་ཀྱང་རེད།
གཤམ་ནས་ལམ་ཁ་གསུམ་པོ་བརྒྱུད་སྟངས་བཤད་ཀྱི་ཡིན།
- ༡) ཁ་པར་ནང་གི་དགོས་མཁོ་ཅན་དག་བྱང་བུའི་ནང་བླུགས་སྟངས་ནི་ཕལ་ཆེ་བས་ཤེས་ཀྱི་རེད།
- ༢) ཁ་པར་ཨང་གྲངས་ཉར་ཚགས་བྱེད་ཅེས་པ་ནི་sim card བྱང་བུ་ནང་གི་ཨང་གྲངས་མིན་པརphoneཁ་པར་ནང་གི་ཨང་གྲངས་ལ་ཟེར་བ་ཡིན། ཁ་པར་ཨང་གྲངས་ཉར་ཚགས་བྱེད་སྟངས་ལས་སླ་བ་གཉིས་ཡོད། གཅིག་ནི་ཨང་གྲངས་ཚང་མ་gmailགློག་འཕྲིན་ཐོག་ཉར་བ་དང་གཅིག་ནི་ཨང་གྲངས་ཚང་མshareམཉམ་སྤྱོད་ལམ་ནས་འཕྲིན་ཕྲན་ནང་དུ་(Favorite massge) ཐོག་ཏུ་ཉར་ཚགས་བྱེད་པ་དང་ཡང་མིན་ན་འཕྲིན་ཕྲན་གྲོགས་པོ་ཞིག་ལ་བསྐུར་ནས་དགོས་དུས་ཚུར་ལེན་ཆོག་པ་རེད། འདི་ནི་སྐར་མ་གཅིག་གི་ནང་ཁྱེད་ཀྱི་ཨང་གྲངས་ཚང་མ་བདེ་ལག་ཐོག་བསྐྱར་སྒྲིག་བྱས་རྗེས་རང་གི་ཁ་པར་ནང་ཚུར་རག་ཐབས་ཤིག་ཡིན།
- ༣) མཉེན་ཆས་ཉར་ཚགས་བྱེད་པ་འདིས་ནི་ཁྱེད་ལ་སླར་ཡང་མཉེན་ཆས་ཕབ་ལེན་དང་བསྐྱར་གསོ་མི་དགོས་པར་སྐར་མ་འགའ་ཤས་ནང་དེ་སྔར་གྱི་མཉེན་ཆས་ཚང་མ་ཚུར་རག་ཐབས་ཤིག་ཡིན། (app Backup & Restore) མཉེན་ཆས་འདི་ཕབ་ལེན་བྱས་ཏེ་འདིའི་བརྒྱུད་ནས་ཁ་པར་གྱི་མཉེན་ཆས་རྣམས་བྱང་བུ་ནང་ཉར་ཚགས་བྱེད་ཐུབ། གོང་གི་ལམ་བུ་གསུམ་པོ་བརྒྱུད་ཚར་ན་བློ་བདེ་པོའི་ངང་བསྐྱར་སྒྲིག་བྱེད་ཆོག གསལ་བཤད། gmail ཁ་བྱང་དང་གསང་ཨང་བཅུགས་ཏེ་ཁ་པར་བསྐྱར་དུ་སྒོ་འབྱེད་དགོས་པ་དང་དེང་གི་ཁ་པར་ཐོན་གསར་པ་དག་ལ་གོང་གི་ཁ་བྱང་མི་དགོས་པར་སྒོ་འབྱེད་ཐུབ་མོད། འོན་ཀྱང་play store ནས་མཉེན་ཆས་ཕབ་ལེན་བྱེད་པར་གོང་གི་ཁ་བྱང་དེ་ངེས་པར་དགོས་པས་ཁྱེད་ལ་gmailཁ་བྱང་དང་གསང་ཨང་ཡོད་དགོས། འདི་དག་ལ་ཞིབ་ཏུ་བལྟས་ནས་ཁྱེད་ཀྱིས་རང་ཉིད་ཀྱི་ཁ་པར་གཙང་མ་བྱོས།། འདི་དག་ནི་samsung ཁ་པར་ལ་གཞི་བཞག་ནས་བཤད་པ་ཞིག་ཡིན་རུང་ཨན་ཌོ་མ་ལག་གྱི་sony LG htc སོགས་ཀྱི་ཁ་པར་དག་ལའང་གཅིག་མཚུངས་སུ་ལག་ལེན་བསྟར་ཆོག
