རྗེའི་དགུང་ལོ་དང་ཕྱི་ལོ་བརྩིས་ནས་མཛད་པ་གཙོ་བོ་དག་བཀོད་པ།



ཕྱི་ལོ། 1357 མེ་མོ་བྱ དགུང་ལོ་གཅིག
རྗེ་སྐུ་འཁྲུངས།

ཕྱི་ལོ།1359 ས་མོ་ཕག དགུང་ལོ་གསུམ།
ཀརྨ་པའི་མདུན་ནས་དགེ་བསྙེན་བསྒྲུབས།

ཕྱི་ལོ། 1363 ཆུ་མོ་ཡོས། དགུང་ལོ་བདུན། 
ཆོས་རྗེ་དོན་རིན་པའི་མདུན་ནས་དགེ་ཚུལ་བསྒྲུབས།

ཕྱི་ལོ། 1364 ཤིང་ཕོ་འབྲུག དགུང་ལོ་བརྒྱད། 
རྒྱལ་ཚབ་དར་མ་རིན་ཆེན་སྐུ་འཁྲུངས།

ཕྱི་ལོ། 1372 ཆུ་ཕོ་བྱི། དགུད་ལོ་བཅུ་དྲུག
 དབུས་སུ་ཕེབས།

ཕྱི་ལོ། 1373 ཆུ་མོ་གླང་།  དགུང་ལོ་བཅུ་བདུན། 
དབུས་སུ་འབྱོར།

ཕྱི་ལོ། 1375 ཤིང་མོ་ཡོས། དགུང་ལོ་བཅུ་དགུ།
 དབུས་སུ་ཐོག་མའི་གྲྭ་སྐོར་མཛད།

 ཕྱི་ལོ། 1378 ས་ཕོ་རྟ། དགུང་ལོ་ཉེར་གཉིས།
རྗེ་རེད་མདའ་བ་དང་ཐོག་མ་མཇལ། བློ་གསལ་བགྲོད་པའི་ཐེམ་སྐས་མཛད།

ཕྱི་ལོ། 1385 ཤིང་མོ་གླང་།  དགུང་ལོ་ཉེར་དགུ།
མཁས་གྲུབ་རྗེ་སྐུ་འཁྲུངས།

ཕྱི་ལོ། 1387 མེ་མོ་ཡོས། དགུང་ལོ་སོ་གཅིག
 ལེགས་བཤད་གསེར་ཕྲེང་བརྩམས།

ཕྱི་ལོ། 1392 ཆུ་ཕོ་སྤྲེལ། དགུང་ལོ་སོ་དྲུག
འོལ་ཁར་བྱ་བྲལ་ལ་ཕེབས།

ཕྱི་ལོ། 1394 ཤིང་ཕོ་ཁྱི། དགུང་ལོ་སོ་བརྒྱད།
 འོལ་ཁར་རྫིང་ཕྱི་བྱམས་པ་ཞིག་གསོ་མཛད། མཛད་ཆེན-1

ཕྱི་ལོ། 1395 ཤིང་མོ་ཕག དགུང་ལོ་སོ་དགུ།
 ལྷོ་བྲག་གྲུབ་ཆེན་ནམ་མཁའ་རྒྱལ་མཚན་དང་མཇལ།

ཕྱི་ལོ། 1396 མེ་ཕོ་བྱི། དགུང་ལོ་བཞི་བཅུ།
 རྒྱབ་ཚབ་ཀྱིས་རྗེ་ཐོག་མ་མཇལ། གཉལ་གྱི་ལུང་ར་ཚུགས། མཛད་ཆེན།-2

ཕྱི་ལོ། 1397 མེ་མོ་གླང་། དགུང་ལོ་ཞེ་གཅིག
 རྟེན་འབྲེལ་བསྟོད་པ་བརྩམས།

ཕྱི་ལོ། 1402 ཆུ་ཕོ་རྟ། དགུང་ལོ་ཞེ་དྲུག
 རྭ་སྒྲེང་དུ་ལམ་རིམ་ཆེན་མོ་དང་། ལམ་མཆོག་སྒོ་འབྱེད། ལམ་རིམ་ཆུང་ངུ་བརྩམས།

ཕྱི་ལོ། 1403 ཆུ་མོ་ལུག དགུང་ལོ་ཞེ་བདུན།
 རྭ་སྒྲེང་དུ་བྱང་སའི་ཚུལ་ཁྲིམས་ལེའུ་དང་། རྩ་ལྟུང་དང་བླ་མ་ལྔ་བཅུ་པའི་རྣམ་བཤད་མཛད།

ཕྱི་ལོ། 1405 ཤིང་མོ་བྱ། དགུང་ལོ་ཞེ་དགུ།
འོལ་ཁ་བྱམས་པ་གླིང་དུ། སྔགས་རིམ་ཆེན་མོ་དང་ཀླུ་བྱང་གི་རྣམ་གཞག་པའི་ཊཱིཀ་མཛད།

ཕྱི་ལོ། 1408 ས་ཕོ་བྱི། དགུང་ལོ་ང་གཉིས
མཁས་གྲུབ་པས་རྗེ་ཐོག་མ་མཇལ། དྲང་ངེས་དང་རྩ་ཤེའི་ཊཱིཀ་ཆེན་མཛད།

ཕྱི་ལོ། 1409 ས་མོ་གླང་། དགུང་ལོ་ང་གསུམ།
དགའ་ལྡན་དགོན་ཕྱག་བཏབ། ལྷ་ལྡན་སྨོན་ལམ་ཆེན་མོ་དབུ་འཛུགས། མཛད་ཆེན།-3

ཕྱི་ལོ། 1410 ལྕགས་ཕོ་སྟག དགུང་ལོ་ང་བཞི།
 དགའ་ལྡན་དུ་ཡེ་ཤེས་རྡོ་རྗེ་ཀུན་བཏུས་ཀྱི་རྣམ་བཤད། བཤད་རྒྱུད་ལྷ་མོ་བཞིས་ཞུས་པ་མཛད།

ཕྱི་ལོ། 1411 ལྕགས་མོ་ཡོས། དགུང་ལོ་ང་ལྔ།
དགའ་ལྡན་དུ་རིམ་ལྔ་གསལ་སྒྲོན་མཛད་དང་རིམ་ལྔ་གདན་རྫོགས་མཛད།

ཕྱི་ལོ། 1412 ཆུ་ཕོ་འབྲུག དགུང་ལོ་ང་དྲུག
 རྗེ་རེད་མདའ་བ་སྐུ་བཤེགས།

ཕྱི་ལོ། 1414 ཤིང་ཕོ་རྟ།  དགུང་ལོ་ང་བརྒྱད།
 རྗེ་དགེ་འདུན་གྲུབ་མཇལ། འགྲེལ་བ་བཞི་སྦྲགས་མཛད།

ཕྱི་ལོ། 1415 ཤིང་མོ་ལུག དགུང་ལོ་ང་དགུ 
ལམ་རིམ་འབྲིང་པོ་མཛད། དགའ་ལྡན་སྒྲུབ་མཆོད་འཛུགས། མཛད་ཆེན-4

ཕྱི་ལོ། 1416 མེ་ཕོ་སྤྲེལ། དགུང་ལོ་དྲུག་ཅུ།
 འབྲས་སྤུངས་དགོན་ཕྱག་འདེབས།

ཕྱི་ལོ། 1418 ས་ཕོ་ཁྱི། དགུང་ལོ་རེ་གཉིས།
 མཇུག་ཊཱིཀ་དགོངས་པ་རབ་གསལ་མཛད།

ཕྱི་ལོ། 1419 ས་མོ་ཕག དགུང་ལོ་རེ་གསུམ།
བདེ་མཆོག་རྩ་རྒྱུད་ཀྱི་ཊཱིཀ་མཛད།(སྦུས་དོན་ཀུན་གསལ) རྗེ་སྐུ་ཞི་བར་བཤེགས། སེ་ར་དགོན་ཕྱག་འདེབས།
--------
ཕྱི་ལོ་༢༠༡༥ལོའི་རྣམ་ཐར་རྒྱུགས་སྤྲོད་ཆེད་རང་སྦྱོང་སྐབས་ཞིབ་འཇུག་ཚུལ་གྱིས་བསྒྲིགས།

1 comment:

  1. ནོར་འཕྲུལ་དང་དེ་མིན་གྱི་སྐྱོན་ཆ་ཡོད་ན་མཆན་འཇོག་རོགས།

    ReplyDelete

Powered by Blogger.