Skip to main content

སྲོང་བཙན་ཟིན་བྲིས་ཀྱི་ 2014 ལོའི་ཆེས་མཐའ་མཇུག་གི་གཏམ།
















སྲོང་བཙན་ཟིན་བྲིས་གཉེར་ནས་ལོ་ངོ་གསུམ་ཙམ་སོང་ཞིང་དྲ་ངོས Hyper Text Markup Language(HTML) ཐོག་ཏུ་ལེགས་བཅོས་བྱས་ནས་ལོ་འཁོར་གཅིག་ཟིན་གྲབས་ཡོད་པའི་དེ་རིང་ཕྱི་ལོ་2014 ལོར་ཕྱི་མིག་ཅིག་ལྟ་དུས། ལོ་ངོ་གཅིག་ཏུ་གུས་པས་རྩོམ་ཡིག་32སྤེལ་འདུག་པར་དགའ་ཚོར་བྱུང་བ་ཙམ་མ་ཟད་འཛམ་གླིང་གི་ས་ཕྱོགས་མང་པོ་ཞིག་ནས་དོ་སྣང་བྱེད་ཀྱི་ཡོད་པ་ཤེས་རྟོགས་བྱུང་བས་ཧ་ཅང་དགའ་བ་སྐྱེས། སྤྱི་ན་སྒེར་གཉེར་ཟིན་བྲིས་འདི་ནི་རང་ཉིད་ཀྱི་རྩོམ་ཡིག་ཉར་འཇོག་བྱེད་ས་ཙམ་ལས་ཀློག་པ་པོའི་ཆེད་དུ་དམིགས་པ་མིན་ན་ཡང་ཀློག་པ་པོ་མི་ཉུང་བ་ཞིག་གིས་དོ་སྣང་བྱེད་བཞིན་འདུག ད་བར་དྲ་ངོས་ལྟ་ཀློག་བྱེད་མཁན་ཁ་གྲངས4182རྒལ་འདུག་ཅིང་། རྒྱལ་ཁབ་མི་འདྲ་བ་བཅུའི་གནས་སོ་སོར་ནས་དོ་སྣང་བྱེད་བཞིན་པ་རེད།
རྒྱ་གར། ཀློག་པ་པོ། 2737
ཨ་མེ་རི་ཀ། ཀློག་པ་པོ། 673
སྦེལ་ལྗམ། ཀློག་པ་པོ། 100
སུད་སི། ཀློག་པ་པོ། 88
སུ་པེན། ཀློག་པ་པོ། 80
ཧྥུ་རན་སི། ཀློག་པ་པོ། 50
ཐེ་ཝན། ཀློག་པ་པོ། 34
འཇར་མེན། ཀློག་པ་པོ། 33
རྒྱ་ནག ཀློག་པ་པོ། 31
བལ་ཡུལ། ཀློག་པ་པོ། 24

དྲ་བའི་ཆ་རྐྱེན་དང་དཔལ་འབྱོར་གྱི་རྒྱབ་རྟེན། ཨིན་ཡིག་གི་ཆུ་ཚད། དགོས་ངེས་ཀྱི་དུས་ཚོད་མེད་ན་ཡང་ཞལ་ཞོར་དུ་རྩོམ་ཡིག་གསར་འབྲི་དང་ལེགས་བཅོས་བྱས་པས། མེད་པ་ནས་ཡོད་པ་དང་ཡོད་པ་ནས་ཕུན་སུམ་ཚོགས་པའི་ལམ་བུར་སྐྱོད་བཞིན་པ་ནི་མི་སྒེར་ཞིག་ལ་མཚོན་ན་གྲུབ་འབྲས་དང་རྒྱལ་ཁ་ཆེན་པོ་ཞིག་ཡིན་སྙམ། ད་བར་སྒེར་གཉེར་ཟིན་བྲིས་གཉེར་མཁན་རེ་ཟུང་ལས་མི་འདུག་ལ། ལྷག་པར་དུ་མི་སྒེར་ཞིག་གིས་བོད་ཡིག་གི་ལམ་ནས་  Google blog ཐོག་ཏུ་ཟིན་བྲིས་ཡོད་པ་ཧ་ཅང་ཉུང་བས་རང་གི་ད་བར་ཟིན་བྲིས་རྒྱུན་འཁྱོངས་ཐུབ་པ་ནི་དགའ་འོས་པ་ཞིག་ལ་བརྩི་བཞིན་ཡོད། འཆར་ལོའི་ལོ་གསར་པའི་ནང་དུ་སྒོར་མོ་ཅུང་སྤྱད་ནས་རིམ་བཞིན་དྲ་ངོས་ཀྱི་པར་གཞི་མཛེས་བཀོད་ཇེེ་ཡག་དང་ནང་དོན་ཕྱུག་ཏུ་བཏང་སྟེ་དོ་སྣང་ཅན་གྱི་ཀློག་པ་པོ་ཚོའི་ཐུགས་འདོད་ཅུང་བསྐང་ཐུབ་པ་བྱེད་རྩིས་ཡོད་ན་ཁྱེད་ཀྱིས་ནམ་དུས་ཀུན་ཏུ་ཟིན་བྲིས་ལྟ་ཀློག་དང་བསམ་ཆ། དེ་བཞིན་རྒྱབ་སྐྱོར་ཡང་ཡང་བྱེད་རྒྱུ་ནི་གུས་པའི་རེ་བ་ཙམ་མ་ཟད་སྐད་ཡིག་ཅིག་འཚོ་གནས་ཐུབ་མིན་གྱི་མཆི་ཁའི་རེ་འབོད་ཅིག་ཀྱང་ཡིན།
<<སྲོང་བཙན་ཟིན་བྲིས།>>གཙོ་གཉེར་བ་སྲོང་བཙན་གྱིས།
2015-2-18

Comments