དྲ་ཐོག་གི་ཉོ་ཚོང་།

གྲོང་ཁྱེར་ཁག་ཏུ་ནི་སྔ་མོ་ཞིག་ནས་དྲ་ཐོག་གི་ཉོ་ཚོང་དར་ཡོད་པས་རང་ཁྱིམ་དུ་བསྡད་ནས་ཅ་དངོས་ཡག་གཙོག་དང་སྤུས་ཀ་དྲག་ཞན། གོང་ཚད་མཐོ་དམན་སོགས་བལྟས་ནས་ཅ་དངོས་འདེམས་སྒྲུག་གིས་མངགས་ཉོ་བྱེད་ཀྱི་ཡོད་འདུག དྲ་ཐོག་གི་ཚོང་འབྲེལ་བྲིན་རྒྱུག་ཆེ་བའི་རྐྱེན་གྱིས་ཚོང་འབྲེལ་དྲ་བ་ཧ་ཅང་མང་པོ་ཡོད་ཚད་འདུག་ལ། ངེད་ཅག་གིས་ཤེས་པའང་བཅུ་གྲངས་ཤེས་ཡོད།  བོད་གཉེར་ཉོ་ཚོང་དྲ་བ་ནི་ཉུང་ཉུང་ནང་གི་ཉུང་ཉུང་ཞིག་ཡིན་ལ་ཡོད་པ་དག་ཀྱང་སྤྱི་ཚོགས་ནང་རྒྱུག་ཆེ་བ་ཞིག་མིན།

ད་རེས་ངས་བཤད་འདོད་པ་ནི་རང་ཉིད་གནས་སྡོད་བྱེད་སའི་རྒྱ་གར་གྱི་སྤྱི་ཚོགས་ནང་ཆེས་རྒྱུག་ཆེ་བའི་ཚོང་འབྲེལ་དྲ་བ་འགའ་ངོ་སྤྲོད་བྱེད་རྒྱུ་དེ་ཡིན་མོད་ཚོང་འབྲེལ་གྱི་བརྡ་ཆད་ཁག་བོད་ཡིག་ཐོག་ཏུ་དེ་ཙམ་མི་འདུག་ཅིང་། དྲ་བའི་ཚོང་འབྲེལ་ཐོག་ཏུ་རང་ཉིད་ལ་མྱོང་རྒྱུས་མེད་པ་དང་འབྲེལ་ཡོད་ཡིག་ཆ་དང་ཟུར་བལྟ་བྱེད་ས་མ་རག་སྟབས་རང་གི་རྒྱུན་ཤེས་ཙམ་བཀོད་པ་ལས་ཐབས་གཞན་མ་རྙེད། Amazon,Flipkart ,Snapdeal, Ebay

འདི་དག་ནི་ད་སྐབས་ཚོང་འབྲེལ་དྲ་བ་ཚད་ལྡན་དག་ཡིན་ཞིང་། འདི་ནས་རིན་གོང་མཐོ་དམའ་འདྲ་མིན་གྱི་ཅ་དངོས་ཉོ་ཚོང་ཙམ་མ་ཟད། སྐྱེལ་འདྲེན་ཞབས་ཞུ་ལེགས་པོ་ཡོད་ལ་ཉིན་དྲུག་བདུན་ནང་དུ་སྐྱེལ་འདྲེན་ཐུབ་པ་བྱེད་ཀྱི་འདུག གོང་ཚད་ཆེ་བའི་ཅ་དངོས་ཉོས་ན་སྐྱེལ་འདྲེན་གླ་ཆ་མི་དགོས་པ་དང་གོང་ཚད་ཆུང་བའི་རིགས་ལ་གླ་ཆ་ལེན་གྱི་འདུག གང་ལྟར་མངགས་ཉོ་བྱེད་དུས་ནས་ཁྱེད་ལ་གོང་ཚད་འདི་ཡིན་ཞེས་སྡོམ་ཐོ་བབས་ཀྱི་རེད། སྡོམ་ཐོ་ནང་གི་གོང་ཚད་དེ་ལས་ཟུར་དུ་སྐྱེལ་འདྲེན་བྱེད་མི་ལ་སྒོར་མོ་སྤྲོད་མི་དགོས།

མངག་ཉོ་བྱེད་ལུགས་ལvisa Credit Card ཡིད་རྟོན་བྱང་བུ་བརྒྱུད་ནས་ཉོ་བ་དང་ཅ་དངོས་ལག་ཏུ་འབྱོར་དུས་སྐྱེལ་འགྲེལ་མི་སྣ་ལ་དངུལ་དམར་hard cashསྤྲོད་ལུགས་གཉིས་སུ་ཡོད། རང་རེ་ལ་སྟབས་བདེ་ཤོས་ནི་ཅ་དངོས་འབྱོར་དུས་སྐྱེལ་འདྲེན་མི་སྣར་དངུལ་སྤྲོད་རྒྱུ་དེ་ཡིན། 

དྲ་བ་འདི་དག་ནས་ཉོ་ཚོང་བྱེད་པར་ཐོག་མའི་ཆ་རྐྱེན་ནི། ཁྱེད་རང་གི་གློག་འཕྲིན་གྱི་ཐོག་ནས་དྲ་བར་ཐོ་འགོད་ངེས་པར་བྱེད་དགོས་ཤིང་། ཐོ་འགོད་དུ་ཁྱེད་ཀྱི་སྡོད་གནས་ཀྱི་ཁ་བྱང་དང་ཁ་པར་ཨང་སོགས་མ་ནོར་བ་བྱེད་དགོས། 

དྲ་བ་ནས་ཉོ་ཚོང་བྱེད་པར་དགེ་སྐྱོན་གཉིས་ཀ་ཡོད་ཅིང་། ལེགས་ཆ་ནི་རིན་གོང་དམའ་པོའི་ཐོག་ནས་ཉོ་ཐུབ་པ།  གྲོང་ཁྱེར་གྱི་ཚོང་ཁང་ཁག་ཏུ་མེད་པའམ་རྫོགས་ཚར་བ་དག་ཉོ་ཐུབ་པ། ཅ་དངོས་ཀྱི་ཆེ་ཆུང་དང་རྒྱུ་སྤུས། ཅ་དངོས་དེའི་སྐོར་གྱི་ཡིག་ཆར་ལྟ་ཐུབ་པ། ཚོང་ཁང་དུ་འགྲོ་མི་དགོས་པར་སྟབས་བདེ་ཐོག་ཁྱིམ་དང་ཉེ་འཁོར་དུ་སྐྱེལ་འདྲེན་གྱི་ཞབས་ཞུ་ཡོད་པ་བཅས་ཡིན། ཞན་ཆ་ནི་ཅ་དངོས་ཕྱིར་སློག་བྱེད་པར་ལས་སླ་པོ་མེད་པ། ཚོང་ཁང་ནས་ཅ་དངོས་ལ་བལྟས་པ་བཞིན་དྲ་ངོས་ནས་ལྟ་རྒྱུ་སྟབས་བདེ་དེ་ཙམ་མེད་པ་བཅས་རེད།

ད་སྐབས་དྲ་བ་འདི་དག་app མཉེན་ཆས་བཟོས་ནས་ཁ་པར་སྤྱོད་མཁན་དག་གིས་ཨན་ཌོ་མ་ལག་གི་player store ཀུ་ཤུ་མ་ལག་གི་App store སོགས་ནས་ཕབ་ལེན་བྱེད་ཐུབ་ལ་མཉེན་ཆས་དེ་དག་བཀོལ་སྤྱོད་བདེ་བས་ཕབ་ལེན་བྱེད་ན་ལས་སླ་པོའི་ཐོག་ནས་དྲ་བའི་ཉོ་ཚོང་ལ་འཇུག་ཐུབ།

དྲ་ཐོག་ནས་ཉོ་ཚོང་བྱེད་དུས་ཅ་དངོས་ཀྱི་གནད་དོན་འགའ་ཤས་ཤེས་དགོས། 

ཅ་དངོས་སོ་སོའི་མིང་དང་ཨང་རྟགས་སོགས་ཁྱད་ཆོས་མི་འདྲ་བ་དག་ཤེས་གལ་ཆེ།

ཁ་པར་ཡིན་ན། ཆེ་ཆུང་། སྲབ་མཐུག ཤོང་ཚད། མགྱོག་ཚད། ཤེལ་ངོས་དྭངས་ཆ། བྱང་བུ་གཉིས་དང་གཅིག་ཅན། གསོག་གནད་བྱང་བུ་ཅན། མ་ལག་གང་ཡིན། མ་ལག་གི་ཐོན་རིམ། མ་ལག་ཐོན་རིམ་སྤར་ཆོག་མིན། པར་ཆས་ཀྱི་ཤུགས་ཚད། གློག་བརྙན་དྭངས་ཆHDཅན། གློག་གི་ཤོང་ཚད། 

གློག་རྫས་གསོག་བྱེད་ཡིན་ན། powe bank

ཤོང་ཚད། བཟོ་དབྱིབ་ཆེ་ཆུང་། སྲབ་མཐུག ལྗིག་ཚད། གསོག་ཚད།DC  5V1A ཕྱིར་གཏོང་ཚད།DC 5V1A (5V2Aཅན་ཡིན་ན་ཡག)

གང་ལྟར་གནས་ཚུལ་འགའ་རེ་དང་ཨིན་ཡིག་ཚིག་འབྲི་རེ་གཉིས་ཙམ་དོ་སྣང་བྱེད་ཙམ་གནང་ནའང་ཕན་ཐོག་ཡོད། 

2105-3-4