ཀུ་ཤུ་ཁ་པར་དང་གློག་ཀླད་མཐེབ་གཞོང་སྦྲེལ་མཐུད་བྱེད་པ།



ད་རེས་གུས་པས་ཚོད་ལྟ་ཞིག་གི་ལམ་ནས་ཀུ་ཤུ་ཁ་པར་དང་སྐུད་མེད་མཐེབ་གཞོང་སྦྲེལ་མཐུད་བྱས་ནས་མཇུག་འབྲས་ཇི་ཡོང་བལྟས་པས། དགའ་འོས་པ་ཞིག་ལ་ལེགས་གྲུབ་བྱུང་བ་མ་ཟད། བོད་ཡིག་གི་མཐེབ་གཞོང་སྤྱད་ནས་ད་ཐེངས་ཀྱི་ཆེད་རྩོམ་འདི་འབྲི་བཞིན་པའི་སྒང་ཡིན། 

རྗེས་ཕྱོགས་ནས་ཆེས་སྟབས་བདེ་དང་ཧ་ཅང་མྱུར་མགྱོག་ངང་ཁ་པར་དུ་རྩོམ་ཡིག་རིང་པོ་དག་འབྲི་ཐུབ་པ་དང་། གློག་ཀླད་ཁ་ཕྱེ་མི་དགོས་པར་ཡིག་འབྲེལ་དང་ཡིག་ཆ་ཕབ་བཤུས། རྩོམ་ཡིག་འབྲི་འགོད་སོགས་བྱེད་ཐུབ་པ་མ་ཟད། ཀུ་ཤུ་ཚང་གི་iPad iPod iPhone ལས་ཆེས་ཡིག་འབྲི་མང་བའི་དཔེ་དེབ་ཅིག་རྩོམ་རུང་ཡི་གེ་བཏགས་ཆོག 

འདི་གཉིས་སྦྲེལ་མཐུད་བྱེད་པ་ལ་གསང་གནས་ཁ་ཤས་འདུག་པས་གསང་གནས་དེས་ཁྱེད་ཀྱི་ལེགས་གྲུབ་འབྱུང་བར་འགོག་རྐྱེན་བཟོ་ངེས་སྙམ། དེར་བརྟེན། གསང་གནས་འདི་ཁྱེད་ལ་བཤད་ཀྱི་ཡིན། 
དང་པོ་ཁ་པར་དུ་སྐུད་མེད་མཐེབ་གཞོང་སྦྲེལ་མཐུད་བྱེད་པར་མཐེབ་གཞོང་དེ་ཀུ་ཤུ་རྟགས་ཅན་གྱི་མཐེབ་གཞོང་(apple wireless keyboard)ཡིན་དགོས། ཚོང་རྟགས་གཞན་གྱི་མཐེབ་གཞོང་ལ་ཚོད་ལྟ་བྱས་མེད་པས་གནས་ཚུལ་ཅི་འབྱུང་མི་ཤེས།

ཁ་པར་ནས་སོ་སྔོན་Bluetoothདང་མཐུད་སྐབས་མཐེབ་གཞོང་གི་མིང་དེ་ཐོན་ཡོང་བས། དེའི་ཐོག་ཏུ་མནན་དང་གསལ་བྱེད་ཡི་གེ་ཐུང་ངུ་ཞིག་ཤར་གྱི་རེད། དེར་ཨང་གྲངས་བཞི་ཡོད་པ་དང་། མཐེབ་གཞོང་ནས་ཨང་གྲངས་དེ་དག་མནན་ཏེ་enter ལ་ཐེངས་གཅིག་གཞུས་དང་ལེགས་གྲུབ་ཡོངས་སུ་ཐུབ་པ་ཡིན།

མཐེབ་གཞོང་གི་བོད་ཡིག་མཛུབ་ནོན་ནི་འཇར་པན་གྱི་otani གཙུག་ལག་སློབ་གྲྭས་བཟོས་པ་དེ་ཡིན། བོད་ཡིག་གི་མཐེབ་གཞོང་འདིའི་བེད་སྤྱོད་གཏོང་སྟངས་ནི་ཧ་ལམ་མི་ཤེས་པ་མི་འདུག་ཅིང་། F དང ; semicolon འདི་གཉིས་ནི་མགོ་འདོགས་སོགས་སྦྱར་བྱེད་དེ་ཡིན། དཔེར་ན། སྐྱ་འབྲི་དུས་S F K F Y འདི་ལྟར་ཡིན། ཆེས་དམིགས་བསལ་ཞིག་ནི་ཝ་ཟུར་འབྲི་དུས་དཔེར་ན་གྲྭ g f r f w འདི་ལྟར་ཡིན།  aའ qཨ wཝ xཛ/ཛྷ vཙ/ཚ < ང >ཉ འདི་དག་ཤེས་ན་མཐེབ་གཞོང་འདི་དཀའ་ཁག་མེད་པར་སྤྱོད་ཐུབ།
གལ་སྲིད་མཐེབ་གཞོང་དང་ཁ་པར་འབྲེལ་མཐུད་གཅོད་དགོས་བྱུང་ཚེ་Eject མནན། ཨིན་ཡིག་དང་བོད་ཡིག་གི་མཐེབ་གཞོང་བརྗེ་སྤོར་གཏོང་བྱེད་command དང་space bar མཉམ་མནན་བྱོས། ད་དུང་མཐེབ་གཞོང་ནས་འོད་ཆེ་ཆུང་དང་གཞས་གཏོང་བཀག སྐད་ཆེ་ཆུང་སོགས་ཀྱང་བེད་སྤྱོད་བྱེད་ཆོག
2015-3-9

0 comments:

Post a Comment