རྣམ་ཐར་དད་པའི་འཇུག་ངོགས་ཀྱི་དྲི་བ་བརྒྱ།

༡) ཡབ་ཡུམ་གཉིས་ཀྱི་མཚན་དང་ཕྱི་ལོ་གང་དང་རབས་བྱུང་གང་ལ་འཁྲུངས།

༢) དགུང་ལོ་ནམ་ཞིག་གི་ཚེ་སུ་ལས་དགེ་བསྙེན་སྒྲུབ་མཚན་གང་བཏགས།

༣) ཆོས་རྗེ་དོན་རིན་པ་དང་དགུང་ལོ་ག་ཚད་སྐབས་སུ་མཇལ་ཁོང་གི་དྲུང་དུ་དགུང་ལོ་ག་ཚད་དུས་སུ་ཕེབས།

༤) རབ་ཏུ་མ་བྱུང་གོང་དུ་ཆོས་རྗེ་དོན་རིན་པས་གསང་སྔགས་ཀྱི་དབང་གནང་དང་གསང་མཚན་གང་བཏགས།

༥) བཅོམ་ལྡན་འདས་ཕྱག་ན་རྡོ་རྗེ་གཏུམ་པོ་ཕྱག་གཉིས་པའི་རྣམ་པ་ཞིག་ཡུན་རིང་པོའི་བར་དུ་ནུབ་རེ་ཞིང་མནལ་ལམ་གསལ་བར་འཆར་བ་དང༌། ཁྱད་པར་ཇོ་བོ་ཆེན་པོ་དཔལ་ལྡན་ཨ་ཏི་ཤ་མནལ་ལམ་དུ་ནར་མར་འོང་བ་ཞིག་བྱུང༌བ་འདིའི་རྟགས་མཚན་ཅི་ཡིན།

༦) དགེ་ཚུལ་གྱི་སྡོམ་པ་བསྒྲུབ་ཡུལ་དང་སྒྲུབ་དུས། མཁན་པོ་དང་ལས་སློབ་ཀྱི་མཚན། དགེ་ཚུལ་གྱི་མཚན་གང་གསོལ།

༧) དབུས་སུ་ཕེབས་དུས་དགུང་ལོ་དུ་ཡིན་དང་ཕེབས་རོགས་སུ་ཡོད།

༨) དབུས་སུ་ཆེས་ཐོག་མ་དགོན་པ་གང་ལ་ཕེབས། བླ་མ་སུ་མཇལ། ཆོས་སྐོར་གང་གསན།

༩) གསོ་དཔྱད་སྦྱོང་སའི་སློབ་དཔོན་སུ་ཡི་དང་གཞུང་གང་སྦྱོང་པ་གནང་། གཞུང་དེ་མཛད་མཁན་སུ་ཡིན།

༡༠)  དབུས་སུ་ཐོག་མ་ཕེབས་སའི་གདན་ས་དེ་གང་རེད།

༡༡) བདེ་བ་ཅན་སུས་ཕྱག་བཏགས། འཇམ་སྐྱ་སུ་ཡིན།

༡༢) བདེ་བ་ཅན་ཐོག་མའི་ཆོས་འབྲེལ་གསན་སའི་བླ་མ་གཉིས་མཚན་གང་ཡིན།

༡༣) ཕར་ཕྱིན་གསན་སའི་ཐོག་མའི་སློབ་དཔོན་གཉིས་པོ་སུ་ཡིན།

༡༤) གཙང་ལ་ཕེབས་དུས་དགུང་ལོ་དུ་ཡིན་དང་ཐོག་མ་དགོན་པ་གང་དང་བླ་མ་སུ་མཇལ་ཆོས་གང་གསན།

༡༥)  ཐོག་མའི་གསང་སྔགས་གསོན་གསན་ས་དང་གཞུང་གང་གསན།

༡༦) མཛོད་གསན་པའི་ཐུགས་བཞེད་བྱུང་བའི་རྒྱུ་མཚན།

༡༧) མཛོད་ཀྱི་བཤད་པ་ཚར་གཅིག་གསན་ཡང་ཐུགས་ཁེངས་པ་མ་བྱུང་། འདིའི་སྐབས་ཀྱི་མཛོད་གསན་སའི་བླ་མ་སུ་ཡིན།

༡༨) ཉ་དཔོན་མཇལ་འདུན་བྱུང་དོན་གང་ཡིན།

༡༩) ཉ་དཔོན་དང་མཇལ་འཕྲོད་གནང་ས་དང་གཞུང་གང་གསན།

༢༠) ཉ་དཔོན་ལས་ཕར་ཕྱིན་གསན་པས་རངས་པར་གྱུར་ཚུལ་དད་འཇུག་ལས་གང་གསུང་།

༢༡) རྗེ་རེད་མདའ་བ་ངོ་སྤྲོད་གནང་མཁན་སུ་ཡིན་དང་ཇི་ལྟར་མཚམས་སྦྱོར་བྱས་ཡོད།

༢༢) རྗེ་རེད་བ་དང་མཇལ་འཕྲད་གནང་ཡུལ་གཞུང་གང་གསན།

༢༣) རྗེ་རེད་མདའ་བ་ལ་དད་པ་ཆེན་པོ་འཁྲུངས་དོན་གང་ཡིན།

༢༤) ཁྱེད་ལ་མཛུབ་ཁྲིད་བྱེད་པ་ལ་ལེགས་པར་སྒྲིམ་དགོས་པ་འདུག་གསུང་དགོས་བྱུང་དོན་གང་ཡིན།

༢༥) རྗེ་རེད་མདའ་བའི་རྣམ་ཐར།

༢༦) དད་འཇུག་ལས་རྗེ་རེད་མདའ་བའི་མངོན་པ་རྟོགས་པའི་ཡོན་ཏན་དྲུག་གསུང་པ་གང་ཡིན།

༢༧) རྗེ་རེད་མདའ་བ་འགྲན་ཟླ་མེད་པའི་བླ་མ་གཙོ་བོར་མཛད་དོན་ཅི་ཡིན།

༢༨) མངོན་པའི་བདག་པོར་བྱེད་ཀྱི་འདུག་པས་ཀུན་བཏུས་གསན་བཞེད་བྱུང་སའི་བླ་མ་དང་ཡུལ་གང་ལ་ཅི་ཞུས་དང་ལན་ཅི་གནང་།

༢༩) འདུལ་མཛོད་ལ་ཤིན་ཏུ་མཁས་པས་དེའི་དྲུང་དུ་བྱོན་ཞེས་པའི་མཁས་པ་སུ་ཡིན་དང་གནས་གང་ལ་གཞུང་གང་ཞུས།

༣༠) རྒྱ་ཆེར་འགྲེལ་གྱི་བམ་པོ་བཞི་བཅུ་ལྷག་ཙམ་ཐུགས་ཆུད་བྱུང་མཚམས་བར་ཆད་ཅི་བྱུང་དང་། སྙུན་དྲག་ཐབས་སུ་གང་དང་གང་ལ་ཕེབས།

༣༠) མངོན་པ་བཀུར་བཏུས་ཚར་གཅིག་རྩལ་བཤད་གནང་ས་ཡུལ་གང་དང་སུས་ཞུས།

༣༡) རྗེ་རེད་མདའ་བ་ལ་ཚུར་ལམ་འབྲས་གསན་པ་དང་ཕར་གང་གནང་།

༣༢) རྗེ་རེད་བས་མཚམས་སྦྱོར་གནངས་ནས་གང་ལ་ཕེབས་ཏེ་བསྙུང་གཞི་དྲག་སྐྱེད་བྱུང་།

༣༣)རྣམ་འགྲེལ་གཟིགས་པའི་རྐྱེན་ཀྱིས་དད་པ་ཤུགས་དྲགས་སྐྱེ་ས་དེ་གནས་གང་ན་ཡིན།

༣༤) རྣར་ཐང་དུ་གཞུང་བསྐྱུར་གཙུག་པའི་ཐོག་མ་དེ་གང་ཡིན།

༣༥) སྙན་ངག་མེ་ལོང་མའི་བཤད་པ་གསན་ས་བླ་མ་སུ་ཡིན།

༣༦) རིགས་ཚོགས་དྲུག་གི་བཤད་པ་གསན་ས་མ་བྱུང་བའི་སྐབས་དེར་སུ་ལས་རིགས་ཚོགས་ཀྱི་ལུང་ཞུས།

༣༧) དེ་དུས་པོ་ཏི་གཞན་བཅུ་ལྷག་གི་གྲྭ་སྐོར་ཡང་མཛད་པས་ཆོག་པ་ཡོད་ཅེས་པའི་པོ་ཏི་གཞན་བཅུ་ལྷག་གང་ཡིན་ནམ།

༣༨) དཀའ་ཆེན་ལྷག་མ་བཞིའི་གྲྭ་སྐོར་མཛད་ཅེས་པའི་དཀའ་ཆེན་ལྷག་མ་བཞི་གང་ཡིན་གང་དཀའ་ཆེན་ཞེས་པའི་དོན་གང་ཡིན།

ལེའུ་གསུམ་ཡན།

༣༩) བསྙེན་པར་རྫོགས་པའི་ཡུལ་དང་མཁན་སློབ་གསང་སྟོན་པ་སུ་ཡིན་དང་དགུང་ལོ་དང་ཕྱི་ལོ་གང་ཡིན།

༤༠) གདན་ས་ཐེལ་དུ་ཕེབས་ནས་སུ་ལ་ལེགས་བཤད་ཀྱི་སྐྱེས་ཕུལ་ཞིང་བཀའ་མཆིད་མཛད། བླ་མ་དེས་ཕྱིས་ཀྱང་དྲུང་འཁོད་པ་དང་མཆིད་གླེང་བ་ན་གཏམ་ཅི་གླེང་།

༤༡) གསེར་ཕྲེང་རྩོམ་ཡུལ་དང་ཕྱི་ལོ། དགུང་ལོ་གང་ལ་བརྩམས། དགུང་ལོ་དུ་ལ་མཇུག་གང་ལ་རྫོགས།

༤༡) གསེར་ཕྲེང་གི་མཇུག་ཏུ་རབ་བྱུང་གི་ལོ་སྣྲོན་གྱི་ཟླ་བ་ལ་མཇུག་རྫོགས་པ་སྦྱར་གསུངས་པ་འདི་ལས་དགུང་ལོ་དུ་ལ་གསེར་ཕྲེང་མཇུག་བདེ་བ་ཅན་རྫོགས་པར་སྒྲུབ་ནུས་སམ།

༤༢)  ཚ་ཁོ་དཔོན་ཕྱག་ཕྱི་ལ་ཁྲིད་ནས་ཇོ་བོ་ཐུགས་རྗེ་ཆེན་པོ་མཇལ་ཏེ་དཔོན་སློབ་གཉིས་ཀྱི་མནལ་ལམ་ལ་གང་རྨིས།

༤༣) དུས་འཁོར་གསུང་བར་ཞུས་པས་ཁོང་གིས་ཞལ་ཀྱིས་བཞེས་ནས་ཞེས་པའི་བླ་མ་སུ་ཡིན་དང་ཡུལ་གང་ལ་དུས་འཁོར་གྱི་འགྲེལ་བ་གང་གསན།

༤༤) ལྷ་མོ་དབྱངས་ཅན་མའི་རྗེས་གནང་ཞུ་བ་གར་བྱོན་དུ་མང་བ ཞིག་འོང་དོན་ཅི་ཡིན།

༤༥)  ཉིན་མ་གཅིག་ལ་རྒྱ་གར་སྐད་བཅོ་ལྔའི་དབུ་དུས་གཅིག་ཏུ་གཙུགས་ནས་ཞེས་པའི་ཞུ་མཁན་སུ་ཡིན་དང་ཡུལ་གང་ལ་ཚུལ་ཇི་ལྟར་གསུང་ལུགས་སོགས་གང་འདྲ་ཡིན་ནམ།

༤༦) གཏུམ་མོ་ལ་སོགས་པའི་ཐུགས་དམ་གྱི་ཉམས་བཟང་པོ་མང་དུ་འཁྲུངས་སའི་ཡུལ་གང་ཡིན་དང་ཐུགས་སྦྱོང་ཇི་མཛད།

༤༧)  དཔྱིད་ལྟའི་ལོ་ལ། རྒྱུད་སྡེ་དང་དབང་ལུང་མན་ངག་རྩད་གཅོད་མཛད་པའི་བཞེད་དགོངས་བྱུང་བའི་དཔྱིད་ལྟའི་ལོ་ལ་དགུང་ལོ་ག་ཚད་ལ་ཁེལ་ཡོད།

༤༨) སྔོ་ཕྱི་དཔོན་པོ་བསོད་ནམས་གྲགས་པ་དང་མདོ་སྨད་པ་དགེ་བཤེས་ཤེས་རབ་གཉིས་བླ་མ་དབུ་མ་མཇལ་དུ་སོང་ནས་གསུང་གླེང་ཅི་བྱུང་ཡོད།

༤༩) རྗེ་དང་བླ་མ་དབུ་མ་པ་ཐོག་མ་མཇལ་མཛོམས་བྱུང་དུས་བླ་མ་དབུ་མ་པས་རྗེ་ལ་གང་ཞུ་དང་རྗེས་བླ་མ་དབུ་མ་པ་ལ་གང་ཞུས་ཡོད།

༥༠) ཆོས་རྗེ་ལོ་ཙྪ་བ་སྐྱབས་མཆོག་དཔལ་བཟང་གིས་མཚམས་སྦྱར་མཛད་ནས་སྟག་ཚང་རྫོང་ཁར་གྲགས་པ་རྒྱལ་མཚན། རྗེ་རེད་མདའ་བ། བླ་མ་ལོ་ཙྪ་བ་དོན་བཟང་གསུམ་གྱི་གཞུང་གང་གསུང་ཡོད།

༥༡) འབའ་འུ་འབའ་གཉེར་དུ་རྗེ་རེད་མདའ་བའི་དྲུང་ནས་གསང་བ་འདུས་པའི་རྩ་རྒྱུད་གསན་པ་འདི་གསང་འདས་གསན་པའི་ཐོག་མ་ཨེ་ཡིན། ཡང་ན་ཁོང་གི་དྲུང་ནས་གསང་སྔགས་གསན་པ་ཐོག་མ་ཨེ་ཡིན།

༥༢) བླ་མ་ཆོས་ཀྱི་དཔལ་བ་དྲུང་ནས་དུས་འཁོར་གསན་བཞེད་བྱུང་བའི་ནུབ་མོ་མནའ་ལམ་དུ་ཅི་རྨིས་དང་ཆོས་ཀྱི་དཔལ་བ་མཇལ་དུས་གང་ཞུས་དང་ཁོང་གིས་ལན་གང་གནང་།

༥༢) རྗེ་རེད་མདའ་བས་སྔགས་ཀྱི་རྩད་གཅོད་མཛད་པ་ལ་ཡུན་རིང་འགྱང་། ད་ལྟ་སྡེ་སྣོད་ཀྱི་བཤད་པས་ཕན་ཐོགས་འོང་གིན་འདུག་པས་བཤད་པ་མཛད་ན་ལེགས་ཚུལ་ཞུས་པར་རྗེས་གསུང་ལན་གང་གནང་། འདིའི་ཐད་དུ་མཁས་གྲུབ་རྗེས་དད་འཇུག་ཏུ་གང་གསུངས་སམ། ་

༥༣) ཆོས་ཀྱི་དཔལ་བ་ཐོག་མ་མཇལ་དུས་ཕྱག་ཕྱིས་དར་སེར་དང་གོས་ནེ་ཙོ་ཕུལ་བ་དེས་རྟེན་འབྲེལ་གང་འགྲིག་པ་ཡིན།

༥༤)  ཡོ་གའི་བཀའ་ལུང་མཐའ་དག་དང་ཕྱག་ལེན་སྦྱོང་བར་བཞེད་ནས་བླ་མ་སུའི་དྲུང་ཕེབས་ཚུལ་ཇི་ལྟར་སྦྱོང་།“

༥༥) རྒྱུད་སྡེ་འོག་མ་རྣམས་ཀྱི་བཀའ་ད་ལྟ་བོད་ན་རྣམ་པར་དག་པའི་དབང་གི་ཆུ་བོ་རྒྱུན་མ་ཆད་པར་ཡོད་པ་ཕལ་ཆེ་བ་ཡོངས་སུ་རྫོགས་པར་གསན་ས་བླ་མ་སུ་ཡིན་དང་དབང་བདག་པོ་ལ་འཕྲད་པས་འགྱོད་པ་མེད་དོ་གསུང་མཁན་སུ་ཡིན།

༥༦) “རྗེ་རིན་པོ་ཆེ་འདི་བའི་ཞལ་ནས། སྔགས་ཀྱི་དངོས་གྲུབ་ཐམས་ཅད་ཀྱི་རྩ་བ་གཙོ་བོར་བླ་མ་མཉེས་པར་བྱས་པ་འབའ་ཞིག་ལ་རག་ལས་འདུག་པས། དབང་གནང་བའི་དུས་ཐམས་ཅད་དུ་བླ་མས་མཉེས་བཞིན་དུ་རྗེས་སུ་གནང་བ་ཡིན་ནོ། །ཞེས་གསུངས་བ་དེ་ལ་དཔྱད་རྒྱུ་ཆེན་པོ་ཞིག་འདུག་གོ་གསུངས་ན་དཔྱད་རྒྱུ་གང་ཡོད་དམ།

༥༧)  གསང་སྔགས་ཀྱི་བཤད་པ་གསན་སའི་བླ་མ་གཙོ་གཉིས་བཞག་ན་སུ་འཇོག་དགོས།

༥༨) གསང་སྔགས་ཀྱི་དབང་ལུང་ཐོག་མ་གསན་ས་སུ་ཡིན་དང་བཤད་པ་ཐོག་མ་གསན་ས་སུ་ཡིན་ནམ།

༥༩) བླ་མ་དབུ་མ་པའི་རྣམ་པར་ཐར་པ་བསྡུས་འབྲི་ཞིག་གྱིས་དང་།

༦༠) ཚུལ་འདི་ལྟར་མཛད་དོ།། ཞེས་གཟུ་བོར་གནས་པ་སུས་ཀྱང་ལན་ཅིག་ཀྱང་དྲང་པོར་གླེང་བའི་སྐབས་མི་རྙེད་པ་འདི་ནི། ཆོས་ལ་བློ་ཁ་ཅུང་ཟད་ཅིག་ཕྱོགས་པ་ཡན་ཆད་སུས་བསམས་ཀྱང༌། གཟུ་བོའི་བློས་བསམས་ན་ནི། རང་དབང་མེད་པ་ཉིད་དུ་དད་པ་ལྷག་པར་སྐྱེད་པའི་སྐྱེས་བུ་དམ་པའི་རྣམ་ཐར་ངོ་མཚར་བ་ཡིན་ནོ། ཞེས་པའི་ཐད་ལ་དད་འཇུག་ཏུ་ངོ་མཚར་བའི་རྣམ་ཐར་གང་གསུངས་སམ།

༦༡) རྗེའི་ཞལ་ནས་རང་ཉིད་ལ་གཞུང་དོན་གྱི་གོ་བ་རྙེད་ཚུལ་སོགས་དང་དཔྱད་པ་མ་རྫོགས་བར་དུ་ཁ་ཚོན་བཅད་སྔ་མི་རུང་བའི་གདམ་པ་ཅི་ལྟར་མཛད་ཡོད།

༦༢) “དེའི་ནང་ནས་ཀྱང་སྒྱུ་ལུས་འདི་ཤིན་ཏུ་རྟོགས་དཀའ་བ་དང༌། རྟོགས་ན་དོན་ཆེ་ཞིང༌། མ་རྟོགས་ན་ནི་ལོག་པར་ལྟུང་བའི་གཡང་སའང་ཤིན་ཏུ་ཆེ་ཚུལ་སོགས་ཀྱི་སྐོར་རྗེས་གང་འདྲ་གསུངས་སམ།

༦༣) “།དེའི་ཚེ་རྗེ་འདིའི་ཐུགས་ཡུལ་ན་ཡང་ཁས་ལེན་ཅིའང་མེད་ཅིང་གང་ཡང་རང་ལུགས་ལ་བཞག་ས་མེད་པར་གཞན་ངོ་འབའ་ཞིག་ལ་སྐྱེལ་བའི་དབུ་མའི་ལྟ་བ་དེ་ཅུང་ཐུགས་ལ་བདེ་བར་ཡོད་པས། བདག་གི་དབུ་མའི་ལྟ་བ་འདི་ཐལ་རང་གང་གི་ལྟ་བ་ཡིན་ཞུས་པའི་ལན་དུ་གང་གསུང་དང་སུ་ལ་ཞུས། བདག་གི་དབུ་མའི་ལྟ་བ་འདི་ཟེར་བ་གང་ལ་གོ་དགོས། གཞན་ངོ་འབའ་ཞིག་ལ་སྐྱེས་པའི་ལྟ་བ་དེ་ཡོད་མིན་མེད་མིན་གྱི་ལྟ་བ་དེ་ཡིན་ནམ།

དད་འཇུག་གི་ལེའུ་ལྔ་པ།

༦༤)  བླ་མ་དབུ་མ་པ་ཁམས་སུ་ཕེབས་ཉེ་སྐབས་གཙུག་ལག་ཁང་དུ་དབང་གང་གནང་ངམ།

༦༥) དགུང་ལོ་སོ་དྲུག་སྐབས་འཁོར་དག་པ་རྣམ་བརྒྱད་ཁྲིད་དེ་འོལ་ཁ་ཕེབས་དུས་བོད་ཀྱི་རབས་གནས་ལོ་ཟླ་ཅི་ལ་ཁེལ་ཡོད།

༦༦) འོལ་ཁ་ཕེབས་དུས་ཞབས་ཏོག་མཛད་མཁན་གཉིས་བྱུང་བ་སུ་ཡིན།

༦༧) འོལ་ཁ་བཞུགས་དུས་ཐོག་མར་གསག་སྦྱང་གནད་ཆེ་བར་དགོངས་ནས་དཔོན་སློབ་རྣམས་ཀྱིས་ཇི་ལྟར་བྱས།

༦༨) སྤྲོ་དགའ་ཤུགས་དྲག་པོས་འཇུག་པར་བྱ་བའི་ཆེད་དུ། མདོ་སྡེ་ནས་འབྱུང་བའི་རྒྱལ་སྲས་ཀྱི་སྙིང་སྟོབས་དང་སྤྱོད་པ་གང་རླབས་ཆེ་ཆེ་རྣམས་ལ་རེ་རེ་ནས་དམིགས་ཕུག་གི་ཐུགས་སྦྱོང་བའི་དམིགས་རྣམ་ནར་མར་བསྟེན་པས། མཐའ་མ་ཇི་འདྲ་བྱུང་ཚུལ་རྗེས་གང་གསུངས་སམ།

༦༩) རྫིང་ཕྱིའི་གཙུག་ལག་ཁང་སུས་བཞེས་པ་དང་ཞིག་གསོ་མཛད་དགོངས་བྱུང་དོན་གང་ཡིན་ནམ།

༧༠) ཞིང་གསོ་མཛད་དུས་དང་རབ་གནས་གནང་སྐབས་བཅས་སུ་ཡ་མཚན་གྱི་ལྟས་ཅི་བྱུང་དང་ལྷོ་བྲག་མཁན་ཆེན་ཕྱག་རྡོར་ལ་གཟིགས་སྣང་ཅི་བྱུང་ངམ།

༧༡) ལྷོ་བྲག་ནམ་མཁའ་རྒྱ་མཚན་གྱི་དྲུང་ནས་བྱུང་ཆུབ་ལམ་གྱི་རིམ་པའི་ཁྲིག་ཡིག་གསན་པ་དེ་ལམ་རིམ་གསན་པ་སྔ་ཤས་ཡིན་མིན།

༧༢) རྟེན་འབྲེལ་ཁྱད་པ་ཅན་གང་ཞིག་ལ་དགོངས་ནས་བསྟོད་པ་ཚངས་པའི་ཅོད་པན་བརྩམས་པ་དང་བསྟོད་པ་འདི་སུ་ལ་ཕུལ་བ་ཡིན།

༧༣) རྒྱ་གར་ཤིང་གི་རི་ལ་ཕེབས་དགོངས་ཀྱིས་བྱོན་པ་ན་མཐར་མ་ཕེབས་པའི་རྐྱེན་གང་ཡིན་ནམ།

༧༤) ལམ་ཐུན་མོང་བ་ལ་བློ་སྦྱོང་པ་ནས་འཁྲིད་དགོས་པའི་གདུལ་བྱ་རྣམས་ལ་ཁྲིད་ཀྱི་རྣམ་གྲངས་མང་པོ་སྟོན་པ་མ་བྱས་གསུང་ཞིང༌། འདི་ཁོ་ནའི་སྟེར་ནས་གཙོ་བོར་འཁྲིད་བར་མཛད་དོ།། ཞེས་པའི་འདི་སྒྲ་འཇུག་ཡུལ་གང་ཡིན་ནམ།

༧༥) ཡོན་ཏན་ཐམས་ཅད་ཀྱི་གཞི་མ་ཁས་བླངས་པའི་ཚུལ་ཁྲིམས་དག་དགོས་པ་ཡིན་གསུངས་ནས་རྗེ་རང་ཉིད་ལ་ཚུལ་ཁྲིམས་དག་ཚུལ་གང་གསུངས་ཡོད།

༧༦) ཕྱི་རབས་གངས་རིའི་ཁྲོད་ཀྱི་སྐྱེ་བོ་ཡོངས་ལ་རྒྱལ་བ་གཉིས་པ་དང་མཚུངས་པར་བཀའ་དྲིན་ཆེ་བ་ཡིན་ནོ་ཞེས་དད་འཇུག་ལས་གསུངས་ན་བཀའ་དྲིན་ཆེ་ཚུལ་ཇི་ལྟར་ཡིན།

༧༧)  རྒྱལ་ཚབ་དར་མ་རིན་ཆེན་དང་དུས་དང་ཡུལ་གང་ན་མཇལ་བ་ཡིན།

༧༨) གཉལ་གྱི་ལུང་ར་ཆེན་མོ་དུས་ནམ་ཞིག་ལ་ཚུགས།

༧༩) བསྟོད་འབྲེལ་བསྟོད་པ་རྩོམ་པའི་དུས་དང་རྩོམ་པའི་རྐྱེན་གང་ཡིན་ནམ། མཆོད་པ་བརྗོད་ཚུལ་གང་དུ་གཏོགས།

༨༠) འོ་དེ་གུང་རྒྱལ་དུ་བླ་མ་དང་རྗེ་བཙུན་འཇམ་པའི་དབྱངས་ཐ་མི་དད་དུ་བྱས་ནས་གསོལ་བ་བཏབ་པས་བྱིན་གྱིས་བརླབས་པའི་མཚན་མ་ཅི་བྱུང་ཡོད།

༨༡) སྒྲོ་འདོགས་ལྷག་མ་མེད་པར་ཆོད་དེ། སྟོང་པ་ཉིད་ལ་ཐུགས་རྩེ་གཅིག་ཏུ་མཉམ་པར་འཇོག་པའི་ཏིང་ངེ་འཛིན་ལྷུར་མཛད་ཅིང༌། ཡང་དག་པའི་དྲན་ཤེས་ཀྱིས་ལེགས་པར་བསྐྱངས་པའི་གོམས་པ་ཕུལ་དུ་ཕྱིན་པར་མཛད་པའི་སྟོབས་ཀྱིས།  རྗེ་ཉིད་ཀྱིས་ཞལ་ནས་གང་གསུངས་ཡོད།

༨༢)  མཛད་པའི་བྱ་བ་མང་པོ་ཞིག་རང་བཟོ་མ་བྱས་པར་རྗེ་བཙུན་འཇམ་པའི་དབྱངས་ལ་ཞུས་ནས་བྱ་བ་མཛད་པ་གང་དང་གང་ཡིན།

༨༣) བྱང་སའི་ཚུལ་ཁྲིམས་ཀྱི་ལེའུ་དང་། བླ་མ་ལྔ་བཅུ་པ། རྩ་ལྟུང་བཅུ་བཞི་པ་སོགས་བཤད་པ་ཤིན་ཏུ་ཞིབ་པ་གསུངས་པའི་དགོངས་བཞེད་ཇི་ལྟར་བྱུང་།

༨༤) དེས་བས་ན་བསྟན་པའི་རྩ་བ་སོ་སོ་ཐར་པའི་རྨང་རྫོགས་པར་གསོས་པས་བསྟན་པ་ལ་བྱ་བ་མཛད་པ་འདི་ཡ་མཚན་པ་ཡིན་ནོ་གསུངས་ན་ཡ་མཚན་པའི་བྱ་བ་གང་མཛད་ཡོད།

༨༥) ལོ་རིམ་ཆེན་མོ་གནས་གང་དང་དགུང་ལོ་དུ་ལ་བརྩམས་པ་གནང་། སྐུལ་བ་པོ་སུ་ཡིན།་

༨༦) སྡེ་སྣོད་འཛིན་པ་ཐམས་ཅད་སྔོན་ལན་ཅིག་ཀྱང་མ་མྱོང་བའི་ལེགས་པར་བཤད་པའི་བདུད་རྩིའི་རོ་ཕུལ་དུ་བྱུང་བ་མྱོང་བས་ཡིད་ཀྱི་སྐྱེས་བུ་རང་དབང་མེད་པར་ཕྲོགས་ཏེ་ངོ་མཚར་བའི་གཏམ་གྱིས་དུས་འདའ་བར་བྱེད་ཅེས་གསུངས་ན་ཚུལ་ཇི་ལྟ་བུའི་སྒོ་ནས་ལེགས་བཤད་གང་གསུངས་ཡོད།

༨༦)  སློབ་དཔོན་ཀླུ་བྱང་གི་རྣམ་བཞག་རིམ་པའི་ཊཱི་ཀྐ་རྩོམ་པའི་སྐུལ་མ་མཛད་མཁན་སུ་ཡིན།

༨༧) སྔགས་རིམ་ཆེན་མོ་ཡུལ་གང་ལ་རྩོམ། སྐུལ་བ་པོ་སུ་ཡིན།

༨༨)༽ རྩ་ཤེར་ཊིཀ་ཆེན་རྩོམ་བཞེད་བྱུང་ནས་རིགས་པའི་གནོད་ཕྲ་བ་འགའ་ལ་དོགས་པ་མ་ཆོད་པས་འཇམ་པའི་དབྱངས་ལ་གསོལ་བ་བཏབས་པས་གཟིགས་སྣང་གང་བྱུང་དང་གཟིགས་སྣང་དེས་ཕན་པ་གང་བྱུང་ཡོད།

༨༩) ལེགས་བཤད་སྙིང་པོ་དང་རྩ་ཤེའི་རྣམ་བཤད་ཆེན་མོ་གཉིས་རྩོམ་དུས་དགུང་ལོ་དུ་ཡིན་དང་གནས་གང་ལ་བརྩམས།

༩༠) རྒྱ་ནག་རྒྱལ་པོས་འབུལ་སྐྱེས་སྐུར་ནས་གསོལ་འདེབས་གང་ཞུས་དང་ལན་ཅི་གནང་།

༩༡) ལྷ་ལྡན་སྨོན་ལམ་ཆེན་མོ་བཙུགས་ནས་མཆོད་པ་རྒྱ་ཆེན་གཤམས་པའི་མཛད་བཟང་སྐོར་མདོར་བསྡུས་པ་ཞིག

༩༢) ཇོ་བོ་རྗེས་གཏེར་ནས་བླངས་པའི་ལུང་བསྟན་ཤོག་དྲིལ་གསུམ་ཡོད་ཅེས་པ་དེ་གསུམ་གྱི་མིང་དང་མཛད་མཛད་མཁན་སུ་ཡིན།

༩༣) བཀའ་ཆེམས་ལས། རྗེ་ལུང་བསྟན་པའི་ཚིག་དང་དེས་རྗེ་ལུང་བསྟན་ཚུལ།

༩༤) དགའ་ལྡན་དགེ་ཕྱག་བཏབ་ལོ་དང་རྗེའི་དགུང་ལོ་དུ་ལ་ཕེབས།

༩༥) བཤད་རྒྱུད་ལྷ་མོ་བཞིས་ཞུས་པ་དང་ཡེ་ཤེས་རྡོ་རྗེ་ཀུན་ལས་བཏུས་གཉིས་དང་། རིམ་ལྔ་གསལ་སྒྲོན། རིམ་ལྔ་གདན་རྫོགས་བཞི་གནས་གང་རྗེའི་དགུང་ལོ་དུ་ལ་བརྩམས།

༩༦) རྗེ་ལ་སྐུ་ཚེ་བར་ཆད་ཆེན་པོ་ཞིག་ཡོང་བ་དགོངས་ནས་ཞལ་ཏ་གང་གནང་དང་སློབ་མ་ཚོས་ཅི་མཛད། འདིའི་སྐབས་དགུང་ལོ་དུ་ཡིན།

༩༧) དགོངས་པ་རབ་གསལ་དང་རྩ་རྒྱུད་ཀྱི་ཊཱི་ཀྐ་སྨད་བྱུང་རྩོམ་པ་རྫོགས་པར་མཛད་ཡུལ་གང་ན།

༩༨) མཛད་ཆེན་བཞི་གང་ཡིན་དང་རྗེའི་དགུང་ལོ་དུ་ལ་མཛད་ཆེན་དེ་དག་མཛད།

༩༩) མཛད་ཆེན་བཞི་པོ་རེ་རེ་ནས་མཛད་ཆེན་དུ་བགྲང་དོན་གང་ཡིན་གསུང་དང་།

༡༠༠) དད་འཇུག་ལེའུ་ལྔ་པའི་བརྗོད་དོན་གཙོ་བོ་གང་ཡིན་ནམ།